ਚੱਬੇਵਾਲ / ਹੁਸ਼ਿਆਰਪੁਰ 21 ਮਾਰਚ (ਬਿਊਰੋ ) : ਚੱਬੇਵਾਲ ਥਾਣਾ ਅਧੀਨ ਪੈਂਦੇ ਇੱਕ ਘਰ ਚ ਚੋਰਾਂ ਵਲੋਂ ਵੱਡੀ ਵਾਰਦਾਤ ਨੂੰ ਅੰਜਾਮ ਦੇਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਿਸ ਵਿੱਚ ਚੋਰਾਂ ਵਲੋਂ ਲੱਖਾਂ ਰੁਪਏ ਸੋਨੇ ਦੇ ਗਹਿਣੇ ਅਤੇ 20 ਹਜਾਰ ਰੁਪਏ ਦੀ ਨਗਦੀ ਲੈ ਕੇ ਫਰਾਰ ਹੋ ਗਏ ਹਨ।

ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਲਖਵਿੰਦਰ ਸਿੰਘ ਪੁੱਤਰ ਗਿਆਨ ਸਿੰਘ ਵਾਸੀ(40) ਜਿਆਣ ਥਾਣਾ ਚੱਬੇਵਾਲ ਜਿਲਾ ਹੁਸ਼ਿਆਰਪੁਰ ਨੇ ਕਿਹਾ ਕਿ ਉਹ ਸਮੇਤ ਆਪਣੀ ਪਤਨੀ ਬਲਜੀਤ ਕੌਰ ਦੇ ਵਕਤ ਕਰੀਬ 10:00 ਵਜੇ ਘਰ ਨੂੰ ਤਾਲਾ ਲਗਾ ਕੇ ਆਪਣੇ ਸਹੁਰੇ ਪਿੰਡ ਈਸਪੁਰ ਚਲੇ ਗਏ ਸੀ ਜਦੋਂ ਉਹ ਵਾਪਿਸ ਆਏ ਤਾਂ ਲੋਬੀ ਦੇ ਮੇਨ ਗੇਟ ਦਾ ਤਾਲਾ ਟੁੱਟਾ ਹੋਇਆ ਸੀ ਅੰਦਰ ਜਾ ਕੇ ਦੇਖਿਆ ਤਾਂ ਸਾਰਾ ਸਮਾਨ ਖਿਲਰਿਆ ਪਿਆ ਸੀ ਬੈੱਡਰੂਮ ਵਿੱਚ ਪਈ ਅਲਮਾਰੀ ਚੈੱਕ ਕਰਨ ਤੇ ਪਤਾ ਲੱਗਾ ਕਿ ਉਸ ਵਿੱਚੋਂ ਗਲੇ ਦਾ ਹਾਰ, ਇੱਕ ਚੈਨ, ਇੱਕ ਜੋੜਾ ਵਾਲੀਆਂ, ਚੂੜੀਆਂ ਚਾਰ, ਟਿੱਕਾ ਮੁੰਦਰੀ ਤੇ ਦੋ ਮੁੰਦਰੀਆਂ ਇੱਕ ਕੜਾ ਮਰਦਾਨਾ, ਇੱਕ ਚੈਨ ਮਰਦਾਨਾ ਸੋਨਾ ਜਿਹਨਾਂ ਦਾ ਵਜਨ ਕਰੀਬ 07 ਤੋਲੇ ਹੋਵੇਗਾ ਅਤੇ 20 ਹਜਾਰ ਰੁਪਏ ਨਗਦ ਕੋਈ ਨਾ ਮਾਲੂਮ ਵਿਅਕਤੀ ਚੋਰੀ ਕਰਕੇ ਲੈ ਗਿਆ ਜਿਸ ਤੇ ਚੱਬੇਵਾਲ ਪੁਲਿਸ ਵਲੋਂ ਨਾ ਮਾਲੂਮ ਵਿਅਕਤੀ ਤੇ 454,380 ਭ: ਦ ਅਧੀਨ ਮਾਮਲਾ ਦਰਜ ਕੀਤਾ ਹੈ।