ਗੜ੍ਹਸ਼ੰਕਰ, 12 ਮਾਰਚ (ਅਸ਼ਵਨੀ ਸ਼ਰਮਾ) : ਸ਼ਹਿਰ ਦੇ ਗੰਦੇ ਨਾਲੇ ਨੇੜਿਓ ਦਾਣਾ ਮੰਡੀ ਨੂੰ ਜਾਣ ਵਾਲੀ ਸੜਕ ਤੋਂ ਸਵੇਰ ਸਮੇਂ ਇਕ ਵਿਅਕਤੀ ਮਿ੍ਤਕ ਹਾਲਤ ਵਿਚ ਪਾਇਆ ਗਿਆ | ਮਿ੍ਤਕ ਵਿਅਕਤੀ ਦੀ ਪਛਾਣ ਰਾਜ ਕੁਮਾਰ (43) ਪੁੱਤਰ ਸ਼ਾਦੀ ਰਾਮ ਵਾਸੀ ਵਾਰਡ ਨੰਬਰ 5 ਗੜ੍ਹਸ਼ੰਕਰ ਵਜੋਂ ਹੋਇਆ ਹੈ | ਦੱਸਿਆ ਜਾ ਰਿਹਾ ਹੈ ਕਿ ਉਹ ਰਾਤ ਸਮੇਂ ਇਥੇ ਇਕ ਸੀਮੈਂਟ ਦੇ ਬੈਂਚ ‘ਤੇ ਸੁੱਤਾ ਸੀ ਜਿਸ ਨੂੰ ਸਵੇਰ ਸਮੇਂ ਮਿ੍ਤਕ ਹਾਲਤ ‘ਚ ਪਾਇਆ ਗਿਆ| ਦੱਸਿਆ ਜਾ ਰਿਹਾ ਹੈ ਕਿ ਉਹ ਸ਼ਰਾਬ ਪੀਣ ਦਾ ਆਦੀ ਸੀ ਤੇ ਅਕਸਰ ਦਾਣਾ ਮੰਡੀ ਨੇੜੇ ਘੁੰਮਦਾ ਰਹਿੰਦਾ ਸੀ | ਮਾਮਲੇ ਦੀ ਜਾਂਚ ਕਰ ਰਹੇ ਏ.ਐੱਸ.ਆਈ. ਰਵਿੰਦਰ ਸਿੰਘ ਨੇ ਦੱਸਿਆ ਕਿ ਇਸ ਮਾਮਲੇ ‘ਚ ਬਿਆਨਾਂ ਦੇ ਆਧਾਰ ‘ਤੇ 174 ਦੀ ਜ਼ਰੂਰੀ ਕਾਰਵਾਈ ਅਮਲ ‘ਚ ਲਿਆਂਦੀ ਗਈ ਹੈ |