ਗੜ੍ਹਦੀਵਾਲਾ (ਚੌਧਰੀ) 

1 ਮਾਰਚ : ਬਾਬਾ ਦੀਪ ਸਿੰਘ ਸੇਵਾ ਦਲ ਐਂਡ ਵੈੱਲਫੇਅਰ ਸੁਸਾਇਟੀ ਗੜ੍ਹਦੀਵਾਲਾ ਵੱਲੋਂ ਪੰਜ ਸਾਲਾਂ ਤੋਂ ਲਾਪਤਾ ਵੀਰ ਹਰਿੰਦਰ ਪੂਨੀਆਂ ਨੂੰ ਪਰਿਵਾਰ ਨਾਲ ਮਿਲਾਇਆ ਗਿਆ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਸੰਸਥਾ ਦੇ ਮੁੱਖ ਸੇਵਾਦਾਰ ਮਨਜੋਤ ਸਿੰਘ ਤਲਵੰਡੀ ਨੇ ਦੱਸਿਆ ਕਿ ਇਹ ਵੀਰ ਕੁਝ ਦਿਨ ਪਹਿਲਾਂ ਲਵਾਰਸ ਹਾਲਤ ਵਿੱਚ ਘੁੰਮਦਾ ਗੜ੍ਹਦੀਵਾਲਾ ਤੋਂ ਮਿਲਿਆ ਸੀ। ਉਨ੍ਹਾਂ ਕਿਹਾ ਕਿ ਇਹ ਵੀਰ ਗੁੱਜਰਾਂ ਦੇ ਬਾੜੇ ਵਿੱਚੋਂ ਭੱਜ ਕੇ ਬਾਹਰ ਆਇਆ ਸੀ ਜਿਸਨੂੰ ਰੈਸਕਿਓ ਕੀਤਾ ਗਿਆ ਸੀ। ਹਰਿੰਦਰ ਪੂਨੀਆਂ ਨੂੰ ਲੈਣ ਉਸਦੇ ਪਿਤਾ ਰਾਮਵੀਰ ਪੂਨੀਆਂ ਪਿੰਡ ਹਿਸਾਬਾਦ (ਯੂ.ਪੀ) ਤੋਂ ਲੈਣ ਗੁਰੂ ਸੇਵਾਘਰ ਆਏ ਜਿਨ੍ਹਾਂ ਨੇ ਦੱਸਿਆ ਕਿ ਇਹ ਵੀਰ ਬਹੁਤ ਵਧੀਆ ਖਿਡਾਰੀ ਸੀ। ਕਬੱਡੀ, ਕ੍ਰਿਕਟ,ਲੌਂਗ ਜੰਪ ਅਤੇ ਹਾਈ ਜੰਪ ਆਦਿ ਖੇਡਾਂ ਖੇਡਦਾ ਸੀ। ਪਰ ਕਿਸੇ ਕਾਰਨ ਫੇਲ ਹੋਣ ਕਰਕੇ ਡਿਪਰੈੱਸ਼ਨ ਦਾ ਸ਼ਿਕਾਰ ਹੋ ਗਿਆ। ਜਿਸ ਤੋਂ ਬਾਅਦ ਦਿਮਗੀ ਤੌਰ ਤੇ ਬਿਮਾਰ ਹੋ ਗਿਆ। ਮਨਜੋਤ ਤਲਵੰਡੀ ਨੇ ਦੱਸਿਆ ਕਿ ਸੁਭਾਸ਼ ਸ਼ਰਮਾ ਜੋਕਿ ਚੰਡੀਗੜ੍ਹ ਤੋਂ ਹਨ ਉਨ੍ਹਾਂ ਦੇ ਸਹਿਯੋਗ ਨਾਲ ਇਸ ਵੀਰ ਦੇ ਪਰਿਵਾਰ ਨੂੰ ਲੱਭਣ ਚ ਬਹੁਤ ਮਦਦ ਮਿਲੀ। ਇਸ ਮੋਕੇ ਮੌਕੇ ਮੁੱਖ ਸੇਵਾਦਾਰ ਮਨਜੋਤ ਸਿੰਘ ਤਲਵੰਡੀ, ਕੈਸ਼ੀਅਰ ਪਰਸ਼ੋਤਮ ਸਿੰਘ ਬਾਹਗਾ, ਡਾ ਲਵਦੀਪ ਸਿੰਘ ਪਾਬਲਾ,ਮਨਿੰਦਰ ਸਿੰਘ,ਜਸਵਿੰਦਰ ਸਿੰਘ, ਗੁਰਵਿੰਦਰ ਸਿੰਘ,ਕਮਲਜੀਤ ਸਿੰਘ ਆਦਿ ਸੋਸਾਇਟੀ ਮੈਂਬਰ ਹਾਜ਼ਰ ਸਨ।