ਫਗਵਾੜਾ  ( ਲਾਲੀ ਦਾਦਰ )

* ਨਿਊ ਗਰੀਨ ਲੈਂਡ ਵਿਖੇ ਹੋਈ ਤਿਆਰੀਆਂ ਸਬੰਧੀ ਮੀਟਿੰਗ

21 ਜੁਲਾਈ : ਸੁਧੀਰ ਜਠੇਰੇ ਨਿਊ ਗਰੀਨ ਲੈਂਡ ਹਦੀਆਬਾਦ ਫਗਵਾੜਾ ਵਿਖੇ ਸਾਉਣ ਮਹੀਨੇ ਨੂੰ ਸਮਰਪਿਤ ਤੀਸਰਾ ਸਲਾਨਾ ਤੀਆਂ ਦਾ ਤਿਓਹਾਰ ਸਮਾਗਮ 30 ਜੁਲਾਈ ਨੂੰ ਕਰਵਾਇਆ ਜਾ ਰਿਹਾ ਹੈ। ਸਮਾਗਮ ਦੀਆਂ ਤਿਆਰੀਆਂ ਸਬੰਧੀ ਇਕ ਮੀਟਿੰਗ ਮੁਹੱਲਾ ਗਰੀਨ ਲੈਂਡ ਵਿਖੇ ਹੋਈ। ਮੀਟਿੰਗ ਤੋਂ ਬਾਅਦ ਜਾਣਕਾਰੀ ਦਿੰਦਿਆਂ ਪ੍ਰਬੰਧਕਾਂ ਨੇ ਦੱਸਿਆ ਕਿ ਸਮਾਗਮ ਦਾ ਉਦਘਾਟਨ ਆਮ ਆਦਮੀ ਪਾਰਟੀ ਐਸ.ਸੀ ਵਿੰਗ ਜਿਲ੍ਹਾ ਕਪੂਰਥਲਾ ਦੇ ਪ੍ਰਧਾਨ ਸੰਤੋਸ਼ ਕੁਮਾਰ ਗੋਗੀ ਕਰਨਗੇ। ਇਸ ਦੌਰਾਨ ਮੁਟਿਆਰਾਂ ਅਤੇ ਨਵ ਵਿਆਹੀਆਂ ਔਰਤਾਂ ਰਵਾਇਤੀ ਗਿੱਧਾ, ਕਿਕਲੀ ਪਾ ਕੇ ਪੰਜਾਬ ਦੇ ਅਮੀਰ ਵਿਰਸੇ ਦਾ ਆਨੰਦ ਮਾਣਨਗੀਆਂ। ਗਿੱਧਾ, ਕਿਕਲੀ, ਚਰਖਾ ਤੇ ਮਟਕਾ ਇਸ ਤੀਆਂ ਦੇ ਮੇਲਾ ਮੁੱਖ ਆਕਰਸ਼ਣ ਹੋਣਗੇ। ਵੱਖ ਵੱਖ ਪਕਵਾਨ ਵੀ ਪਰੋਸੇ ਜਾਣਗੇ। ਉਹਨਾਂ ਦੱਸਿਆ ਕਿ ਤੀਆਂ ਦਾ ਤਿਓਹਾਰ ਸਮਾਗਮ ਮਨਾਉਣ ਦਾ ਮਕਸਦ ਪੁਰਾਤਨ ਪੰਜਾਬੀ ਸੱਭਿਆਚਾਰ ਨੂੰ ਸੁਰਜੀਤ ਰੱਖਣਾ ਹੈ। ਇਸ ਮੌਕੇ ਬੀਬੀ ਦਲਵੀਰ ਕੌਰ, ਸਵਰਨ ਕੌਰ ਉੱਪਲ, ਨਵਰੂਪ ਕੌਰ, ਰਾਜਵਿੰਦਰ ਕੌਰ, ਦਵਿੰਦਰ ਕੌਰ, ਮਨਪ੍ਰੀਤ ਕੌਰ, ਗੁਰਪ੍ਰੀਤ ਕੌਰ, ਹਰਪ੍ਰੀਤ ਕੌਰ, ਰੂਚੀ ਸਿੰਘ, ਰਾਜਵੰਤ ਕੌਰ, ਗੁੰਜਨ ਸ਼ਰਮਾ, ਜਯੋਤੀ, ਪਰਮਜੀਤ ਕੌਰ, ਪੀਹੂ, ਹਮਰੀਤ ਕੌਰ, ਵਿਨੋਦ ਸ਼ਰਮਾ, ਡਿੰਪਲ ਸ਼ਰਮਾ, ਰਾਣੀ, ਵਿਨੋਦ ਸ਼ਰਮਾ, ਗੀਤਾਂਸ਼, ਹਿੰਮਤ ਪ੍ਰੀਤ ਤੇ ਅਰਮਾਨ ਆਦਿ ਹਾਜਰ ਸਨ।

ਤਸਵੀਰ 001, ਕੈਪਸ਼ਨ- ਸੁਧੀਰ ਜਠੇਰੇ ਹਦੀਆਬਾਦ ਵਿਖੇ ਕਰਵਾਏ ਜਾ ਰਹੇ ਤੀਆਂ ਦਾ ਤਿਓਹਾਰ ਸਮਾਗਮ ਬਾਰੇ ਜਾਣਕਾਰੀ ਦਿੰਦੇ ਹੋਏ ਪ੍ਰਬੰਧਕ।