ਸਹਾਇਕ ਕਮਿਸ਼ਨਰ ਸਟੇਟ ਟੈਕਸ ਨੇ ਭੱਠਾ ਮਾਲਕਾਂ ਨੂੰ ਇੱਟਾਂ ਦੇ ਵਧੇ ਰੇਟ ਆਫ਼ ਟੈਕਸ ਬਾਰੇ ਕੀਤਾ ਜਾਗਰੂਕ

ਹੁਸ਼ਿਆਰਪੁਰ, 6 ਅਪ੍ਰੈਲ(ਬਿਊਰੋ) : ਸਹਾਇਕ ਕਮਿਸ਼ਨਰ ਸਟੇਟ ਟੈਕਸ ਸ਼ਾਇਨੀ ਸਿੰਘ ਨੇ ਅੱਜ ਜ਼ਿਲ੍ਹੇ ਦੇ ਰਜਿਸਟਰਡ ਭੱਠਾ ਮਾਲਕਾਂ ਨਾਲ ਮੀਟਿੰਗ ਕੀਤੀ। ਮੀਟਿੰਗ ਦੌਰਾਨ ਉਨ੍ਹਾਂ ਸਮੂਹ ਭੱਠਾ ਮਾਲਕਾਂ ਨੂੰ ਇਟਾਂ ਦੇ ਵਧੇ ਰੇਟ ਆਫ਼ ਟੈਕਸ ਬਾਰੇ ਵਿਸਥਾਰ ਨਾਲ ਦੱਸਿਆ। ਉਨ੍ਹਾਂ ਦੱਸਿਆ ਕਿ ਪਹਿਲਾਂ ਇੱਟਾਂ ’ਤੇ ਰੇਟ ਆਫ ਟੈਕਸ 5 ਪ੍ਰਤੀਸ਼ਤ ਸੀ, ਜੋ ਕਿ ਵੱਧ ਕੇ ਜੇਕਰ ਆਈ.ਟੀ.ਸੀ. ਕਲੇਮ ਨਹੀਂ ਕਰਨਾ ਹੈ ਤਾਂ 6 ਪ੍ਰਤੀਸ਼ਤ ਅਤੇ ਜੇਕਰ ਆਈ.ਸੀ. ਕਲੇਮ ਕਰਨਾ ਹੈ ਤਾਂ ਰੇਟ ਆਫ਼ ਟੈਕਸ 12 ਪ੍ਰਤੀਸ਼ਤ ਹੋ ਗਿਆ ਹੈ।
ਸਹਾਇਕ ਕਮਿਸ਼ਨਰ ਨੇ ਇਸ ਦੌਰਾਨ ਭੱਠਿਆਂ ਦੇ ਮਾਲਕਾਂ ਨੂੰ ਪੇਸ਼ ਆ ਰਹੀਆਂ ਸਮੱਸਿਆਵਾਂ ਸਬੰਧੀ ਵੀ ਜਾਣਕਾਰੀ ਲਈ। ਉਨ੍ਹਾਂ ਭੱਠਾ ਮਾਲਕਾਂ ਨੂੰ ਵਿਸ਼ਵਾਸ ਦਿਵਾਇਆ ਕਿ ਜਿਹੜੀਆਂ ਮੁਸ਼ਕਲਾਂ ਉਨ੍ਹਾਂ ਨੂੰ ਆ ਰਹੀਆਂ ਹਨ, ਉਸ ਦਾ ਮੈਮੋਰੰਡਮ ਲੈ ਕੇ ਉਹ ਉਚ ਅਧਿਕਾਰੀਆਂ ਨੂੰ ਭੇਜਣਗੇ। ਇਸ ਮੌਕੇ ਪ੍ਰਧਾਨ ਭੱਠਾ ਐਸੋਸੀਏਸ਼ਨ ਹੁਸ਼ਿਆਰਪੁਰ ਮੁਨੀਸ਼ ਗੁਪਤਾ, ਪ੍ਰਧਾਨ ਭੱਠਾ ਐਸੋਸੀਏਸ਼ਨ ਦਸੂਹਾ ਸੰਜੀਵ ਬਸਲ, ਮਹੇਸ਼ ਵਾਸਲ, ਵਾਸੂਦੇਵ ਪੁਰੀ, ਰਾਜੇਸ਼ ਕੁਮਾਰ, ਪਵਨ ਕੁਮਾਰ, ਸਾਹਿਲ ਧੀਰ, ਪ੍ਰਦੀਪ ਅਰੋੜਾ, ਵਿਪਨ ਅਗਰਵਾਲ, ਵਰੁਣ ਗੁਪਤਾ, ਵਿਸ਼ਾਲ ਵਿਕਰਮ ਪਟਿਆਲ, ਰਿਤੇਸ਼ ਅਗਰਵਾਲ, ਪੰਕਜ ਕੁਮਾਰ, ਸੰਦੀਪ ਗੁਪਤਾ, ਮੰਗਤ ਰਾਮ ਆਦਿ ਮੌਜੂਦ ਸਨ।