ਬਟਾਲਾ (ਅਵਿਨਾਸ਼ ਸ਼ਰਮਾ)
ਪੰਡਿਤ ਸ਼ੰਭੂ ਪ੍ਰਸ਼ਾਦ ਦੁਆਰਾ ਰੀਬਨ ਕੱਟ ਕੇ ਅਰਦਾਸ ਕਰਕੇ ਸ਼ੁਰੂ ਕੀਤੀ
ਨਸ਼ਿਆਂ ਵਿਰੁੱਧ ਲੜਾਈ ਸਿਰਫ ਪੰਜਾਬ ਸਰਕਾਰ ਜਾਂ ਪੰਜਾਬ ਪੁਲਿਸ ਤੱਕ ਸੀਮਤ ਨਹੀਂ ਹੈ ਇਸ ਮਹਿਮ ਦਾ ਹਿੱਸਾ ਬਣਨਾ ਅਤੇ ਪੰਜਾਬ ਦੀ ਧਰਤੀ ਤੋਂ ਨਸ਼ਿਆਂ ਦਾ ਖਾਤਮਾ ਕਰਨਾ ਸਾਡਾ ਸਾਰਿਆਂ ਦੀ ਜਿੰਮੇਵਾਰੀ ਹੈ :-ਗੁਰਪ੍ਰੀਤ , ਜੋਸ਼ੀ, ਵਿਨੋਦ
: ਨਸ਼ਿਆਂ ਵਿਰੁੱਧ ਸਾਂਝੀ ਲੜਾਈ ਨੂੰ ਹੋਰ ਤਿੱਖਾ ਕਰਨ ਲਈ ਅੱਜ ਐਂਟੀ ਡਰਗਸ ਸੋਸ਼ਲ ਵੈਲਫੇਅਰ ਸੋਸਾਇਟੀ ਪ੍ਰੇਮ ਨਗਰ ਦਾਰਾ ਸਲਾਮ ਬਟਾਲਾ ਵੱਲੋਂ ਨਸ਼ਿਆਂ ਦੇ ਸੁਦਾਗਰਾਂ ਤੇ ਤਿੱਖੀ ਨਜ਼ਰ ਰੱਖਣ ਲਈ ਕੈਮਰੇ ਲਗਾਉਣ ਦੀ ਸ਼ੁਰੂਆਤ ਮੰਦਰ ਦੇ ਸ਼ਾਸਤਰੀ ਪੰਡਿਤ ਸ਼ੰਭੂ ਪ੍ਰਸ਼ਾਦ ਦੁਆਰਾ ਰੀਬਨ ਕੱਟ ਕੇ ਭਗਵਾਨ ਦੇ ਚਰਨਾਂ ਵਿੱਚ ਅਰਦਾਸ ਕਰਕੇ ਲੋਹਰੀ ਚੌਂਕ ਦਾਰਾ ਸਲਾਮ ਤੋਂ ਸ਼ੁਰੂ ਕੀਤੀ ਗਈ। ਹੁਣ ਇਹ ਲਗਾਏ ਗਏ ਕੈਮਰੇ ਹਰੇਕ ਮਾੜੇ ਕੰਮ ਕਰਨ ਵਾਲੇ ਅੰਸਰਾਂ ਤੇ ਕੜੀ ਨਜ਼ਰ ਰੱਖਣਗੇ। ਇਹ ਮਹੱਲੇ ਦੇ ਚਾਰੇ ਪਾਸੇ ਲਗਾਏ ਕੈਮਰੇ ਵਾਈਫਾਈ ਨਾਲ ਅਟੈਚ ਹੋਣਗੇ ਤੇ ਜਿੰਮੇਵਾਰ ਆਦਮੀ ਘਰ ਬੈਠੇ ਹੀ ਮਾੜੇ ਅਨਸਰਾਂ ਦੇ ਨਜ਼ਰ ਰੱਖਣਗੇ। ਸੋਸਾਇਟੀ ਦੇ ਆਗੂ ਗੁਰਪ੍ਰੀਤ ਸ਼ਾਨਾ, ਵਿਨੋਦ ਸ਼ਰਮਾ ਅਤੇ ਜੈ ਜੋਸ਼ੀ ਨੇ ਸਾਂਝੇ ਤੌਰ ਤੇ ਦੱਸਿਆ ਕਿ ਨਸ਼ਿਆਂ ਦੀ ਤਸਕਰੀ ਕਰਨ ਵਾਲੇ ਕਿਸੇ ਵੀ ਵਿਅਕਤੀ ਨੂੰ ਬਖਸ਼ਿਆ ਨਹੀਂ ਜਾਵੇਗਾ ਅਤੇ ਭੋਲੇ ਭਾਲੇ ਨੌਜਵਾਨਾਂ ਨੂੰ ਨਸ਼ਿਆਂ ਦੇ ਰਾਹ ਪਾ ਕੇ ਉਹਨਾਂ ਨੂੰ ਰਾਹ ਤੋਂ ਭਟਕਾਉਣ ਨੂੰ ਸਹਿਣ ਨਹੀਂ ਕੀਤਾ ਜਾਵੇਗਾ। ਉਹਨਾਂ ਨੇ ਕਿਹਾ ਕਿ ਨਸ਼ਿਆਂ ਵਿਰੁੱਧ ਲੜਾਈ ਸਿਰਫ ਪੰਜਾਬ ਸਰਕਾਰ ਜਾਂ ਪੰਜਾਬ ਪੁਲਿਸ ਤੱਕ ਸੀਮਤ ਨਹੀਂ ਹੈ ਇਸ ਮਹਿਮ ਦਾ ਹਿੱਸਾ ਬਣਨਾ ਅਤੇ ਪੰਜਾਬ ਦੀ ਧਰਤੀ ਤੋਂ ਨਸ਼ਿਆਂ ਦਾ ਖਾਤਮਾ ਕਰਨਾ ਸਾਡਾ ਸਾਰਿਆਂ ਦੀ ਜਿੰਮੇਵਾਰੀ ਹੈ ਅਸੀਂ ਨਸ਼ਿਆਂ ਖਿਲਾਫ ਲੋਕਾਂ ਨੂੰ ਜਾਗਰੂਕ ਕਰਕੇ ਆਪਣਾ ਫਰਜ ਨਿਭਾ ਰਹੇ ਹਾਂ, ਮਹੱਲੇ ਵਾਸੀਆਂ ਨੂੰ ਚਾਹੀਦਾ ਹੈ ਕਿ ਨਸ਼ਾ ਤਸਕਰਾਂ ਅਤੇ ਪੀੜਤਾਂ ਦੀ ਜਾਣਕਾਰੀ ਸੁਸਾਇਟੀ ਜਾਂ ਪੁਲਿਸ ਨੂੰ ਦੇ ਕੇ ਸਾਡੇ ਯਤਨਾਂ ਦਾ ਸਮਰਥਨ ਕਰਨ ਲਈ ਅੱਗੇ ਆਉਣ । ਇਸ ਮੌਕੇ ਤੇ ਗੁਰਪ੍ਰੀਤ ਸਿੰਘ ਸ਼ਾਨਾ ਐਮਸੀ ,ਪੰਡਿਤ ਸ਼ੰਭੂ ਪ੍ਰਸ਼ਾਦ ਸ਼ਰਮਾ , ਵਿਨੋਦ ਸ਼ਰਮਾ,ਸੁਮਨ ਸ਼ਰਮਾ, ਜੈ ਜੋਸ਼ੀ, ਅਮਿਤ ਸ਼ਰਮਾ ,ਰਜੇਸ਼ ਸ਼ਰਮਾ ਰਾਜੂ, ਰਕੇਸ਼ ਘੁਕ, ਸਤਨਾਮ ਸਿੰਘ, ਪ੍ਰਿੰਸ ਸ਼ਰਮਾ, ਸੁਰਿੰਦਰ ਸਿੰਘ, ਦਲੀਪ ਸਿੰਘ ,ਗੁਲਸ਼ਨ, ਰਾਹੁਲ, ਵਿੱਕੀ ਅਨਿਲ ਪ੍ਰਧਾਨ, ਮੇਘ ਰਾਜ, ਆਸੂ ਸ਼ਰਮਾ, ਵੇਦ ਮਹਾਜਨ ਅਤੇ ਬਨਦੀਪ ਸਿੰਘ ਵਾਹਲਾ ਆਦਿ ਮਹਲਾ ਨਿਵਾਸੀ ਹਾਜ਼ਰ ਸਨ।
