ਗੜ੍ਹਦੀਵਾਲਾ 19 ਅਪ੍ਰੈਲ (ਚੌਧਰੀ) : ਬਾਬਾ ਦੀਪ ਸਿੰਘ ਸੇਵਾ ਦਲ ਅਤੇ ਵੈਲਫੇਅਰ ਸੁਸਾਇਟੀ ਗੜ੍ਹਦੀਵਾਲਾ ਵਲੋਂ ਭੈਂਣ ਨੀਲਮ ਨੂੰ ਆਪਣੇ ਪਰਿਵਾਰ ਨਾਲ ਮਿਲਾਇਆ ਗਿਆ। ਇਸ ਮੌਕੇ ਸੁਸਾਇਟੀ ਦੇ ਮੁੱਖ ਸੇਵਾਦਾਰ ਮਨਜੋਤ ਸਿੰਘ ਤਲਵੰਡੀ ਨੇ ਦੱਸਿਆ ਕਿ ਇਹ ਭੈਣ ਪਿੰਡ ਖੁੱਡਾ ਕੁਰਾਲਾ ਨੇੜੇ ਟਾਂਡਾ ਵਿਖੇ 3-4 ਘੰਟੇ ਤੋਂ ਲਾਵਾਰਿਸ ਹਾਲਤ ਚ ਘੁੰਮ ਰਹੀ ਸੀ। ਫਿਰ ਘੁੰਮਦਿਆਂ ਦੇਖ ਪਿੰਡ ਦੇ ਸਮੂਹ ਪੰਚਾਇਤ ਮੈਂਬਰਾਂ ਨੇ ਫੈਸਲਾ ਕੀਤਾ ਕਿ ਇਸਨੂੰ ਗੁਰ ਆਸਰਾ ਸੇਵਾ ਘਰ ਬਾਹਗਾ ਵਿਖੇ ਭੇਜਿਆ ਜਾਵੇ ਅਤੇ ਫਿਰ ਵੀਰ ਅਮ੍ਰਿਤਪਾਲ ਕੁਰਾਲਾ ਇਸਨੂੰ ਬੀਤੀ ਰਾਤ ਛੱਡ ਕੇ ਗਏ। ਸੁਸਾਇਟੀ ਨੇ ਸਿਰਫ 24 ਘੰਟਿਆਂ ਚ ਹੀ ਕਾਰਵਾਈ ਕਰਦਿਆਂ ਭੈਣ ਦੇ ਪਰਿਵਾਰ ਦਾ ਪਤਾ ਲਗਾਉਣ ਉਪਰੰਤ ਇਹ ਭੈਣ ਜਿਸਦਾ ਨਾਮ ਨੀਲਮ ਸੀ ਗਾਂਧੀ ਨਗਰ ਪਠਾਨਕੋਟ ਤੋਂ ਸੀ, ਇਸਦਾ ਪਤੀ ਭਤੀਜਾ ਆਦਿ ਪਰਿਵਾਰਕ ਮੈਂਬਰ ਭੈਣ ਨੂੰ ਲੈਣ ਲਈ ਗੁਰ ਆਸਰਾ ਸੇਵਾ ਘਰ ਬਾਹਗਾ ਵਿਖੇ ਪਹੁੰਚੇ। ਇਸ ਮੌਕੇ ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ ਇਹ ਪਿਛਲੇ ਤਿੰਨ ਦਿਨਾਂ ਤੋਂ ਲਾਪਤਾ ਸੀ ਅਤੇ ਪਰਿਵਾਰ ਬਹੁਤ ਹੀ ਸਹਿਮ ਦੇ ਮਾਹੌਲ ਚ ਸੀ। ਅੰਤ ਵਿਚ ਪਰਿਵਾਰ ਵਲੋਂ ਸੁਸਾਇਟੀ ਦਾ ਧੰਨਵਾਦ ਕੀਤਾ ਗਿਆ। ਇਸ ਮੌਕੇ ਸੁਸਾਇਟੀ ਦੇ ਪ੍ਰਧਾਨ ਮਨਜੋਤ ਸਿੰਘ ਤਲਵੰਡੀ, ਕੈਸ਼ੀਅਰ ਪ੍ਰਸ਼ੋਤਮ ਸਿੰਘ ਬਾਹਗਾ, ਮਨਿੰਦਰ ਸਿੰਘ, ਜਸਪਾਲ ਪਾਲਾ, ਮਨਪ੍ਰੀਤ ਸਿੰਘ ਆਦਿ ਸਮੂਹ ਮੈਂਬਰ ਹਾਜਰ ਸਨ।