ਮੇਨ ਹਾਈਵੇ ‘ਤੇ ਪਸ਼ੂਆਂ ਨੂੰ ਲਿਆਉਣ ਵਾਲਿਆਂ ‘ਤੇ ਹੋਵੇ ਕਾਰਵਾਈ
ਕਾਠਗੜ੍ਹ, 12 ਅਪ੍ਰੈਲ (ਜਤਿੰਦਰਪਾਲ ਸਿੰਘ ਕਲੇਰ ) ਜ਼ਿਲ੍ਹਾ ਪ੍ਰਸ਼ਾਸਨ ਵੱਲੋਂ ਮਨਾਹੀ ਦੇ ਹੁਕਮਾਂ ਦੇ ਬਾਵਜੂਦ ਵੀ ਪਸ਼ੂ ਪਾਲਕਾਂ ਦੁਆਰਾ ਮੇਨ ਹਾਈਵੇਜ਼ ‘ਤੇ ਪਸ਼ੂਆਂ ਨੂੰ ਲਿਆਉਣ ਦਾ ਸਿਲਸਿਲਾ ਉਸੇ ਤਰ੍ਹਾਂ ਜਾਰੀ ਹੈ। ਬਲਾਚੌਰ -ਰੂਪਨਗਰ ਰਾਜ ਮਾਰਗ ‘ਤੇ ਪਿੰਡ ਮੁੱਤੋਂ ਦੇ ਨਜ਼ਦੀਕ ਦੋ ਸੌ ਦੇ ਕਰੀਬ ਗਊਆਂ ਦਾ ਇੱਕ ਝੁੰਡ ਇਸ ਤਰ੍ਹਾਂ ਤੁਰਿਆ ਜਾ ਰਿਹਾ ਸੀ। ਜਿਸ ਦਾ ਜਿਵੇਂ ਕੋਈ ਬਾਲੀਵਾਰਸ ਕੀ ਨਾ ਹੋਵੇ ਇਨ੍ਹਾਂ ਗਊਆਂ ਦਾ ਇੱਕ ਹੀ ਪਾਲੀ ਸੀ ਜੋ ਸਿਰਫ਼ ਅੱਗੇ ਅੱਗੇ ਤੁਰਿਆ ਹੋਇਆ ਸੀ ਅਤੇ ਵੱਡੀ ਗਿਣਤੀ ‘ਚ ਗਊਆਂ 100 ਕੁ ਮੀਟਰ ਤਕ ਪਿੱਛੇ ਪਿੱਛੇ ਪੂਰੇ ਮਾਰਗ ਨੂੰ ਘੇਰੀ ਜਾ ਰਹੀਆਂ ਸਨ। ਗਊਆਂ ਦੇ ਝੁੰਡ ਵਿੱਚੋਂ ਬਲਾਚੌਰ ਤੋਂ ਰੋਪੜ ਸਾਈ ਨੂੰ ਜਾਣ ਵਾਲੀ ਛੋਟੇ ਵੱਡੇ ਵਾਹਨ ਚਾਲਕਾਂ ਨੂੰ ਬੜੀ ਮੁਸ਼ਕਿਲ ਨਾਲ ਲੰਘਣਾ ਪੈ ਰਿਹਾ ਸੀ ਪਰੰਤੂ ਜੇਕਰ ਕਿਸੇ ਵਾਹਨ ਦੀ ਲਪੇਟ ਵਿਚ ਆ ਕੇ ਗਊਆਂ ਦਾ ਨੁਕਸਾਨ ਹੋ ਜਾਂਦਾ ਤਾਂ ਫਿਰ ਉਲਟਾ ਅਜਿਹੇ ਵਾਹਨ ਚਾਲਕਾਂ ਨੂੰ ਉਲਝਾ ਲਿਆ ਜਾਂਦਾ ਹੈ ਜਦਕਿ ਬੇਪਰਵਾਹ ਤੁਰੇ ਜਾਂਦੇ ਪਸ਼ੂਆਂ ਦੇ ਪਾਲੀ ਆਪਣਾ ਕਸੂਰ ਰਤਾ ਵੀ ਨਹੀਂ ਸਮਝਦੇ ।
ਹਾਈਵੇ ਮਾਰਗਾਂ ‘ਤੇ ਇਸ ਤਰ੍ਹਾਂ ਲਾਪ੍ਰਵਾਹੀ ਨਾਲ ਲਿਆਂਦੇ ਜਾਂਦੇ ਪਸ਼ੂਆਂ ਨਾਲ ਜੇਕਰ ਕੋਈ ਹਾਦਸਾ ਵਾਪਰ ਜਾਵੇ ਤਾਂ ਉਸ ਦੀ ਭਰਪਾਈ ਕੌਣ ਕਰੇਗਾ ? ਜ਼ਿਲ੍ਹਾ ਪ੍ਰਸ਼ਾਸਨ ਨੂੰ ਚਾਹੀਦਾ ਹੈ ਕਿ ਹਾਈਵੇ ਮਾਰਗਾਂ ‘ਤੇ ਮੱਝਾਂ, ਗਊਆਂ ਆਦਿ ਪਸ਼ੂਆਂ ਨੂੰ ਲਿਆਉਣ ਵਾਲਿਆਂ ‘ਤੇ ਬਣਦੀ ਲੋੜੀਂਦੀ ਕਾਰਵਾਈ ਕੀਤੀ ਜਾਵੇ ਤਾਂ ਜੋ ਅਣਚਾਹੇ ਹੋਣ ਵਾਲੇ ਹਾਦਸਿਆਂ ਤੋਂ ਬਚਿਆ ਜਾ ਸਕੇ ।
ਫੋਟੋ : ਰੂਪਨਗਰ-ਬਲਾਚੌਰ ਹਾਈਵੇ ਮਾਰਗ ‘ਤੇ ਜਾ ਰਹੀਆਂ ਗਾਵਾਂ ਦਾ ਦ੍ਰਿਸ਼।
