ਪਠਾਨਕੋਟ ( ਅਵਿਨਾਸ਼ ਸ਼ਰਮਾ, ਤਰੁਣ, ਰੋਹਿਤ)
ਕਾਰਜਕਾਰੀ ਸਿਵਲ ਸਰਜਨ ਵੱਲੋਂ ਡਿਲਿਵਰੀ ਕੇਸ ਦੀ ਵਾਇਰਲ ਵੀਡੀਓ ਦੀ ਪੜਤਾਲ ਕਰਨ ਲਈ ਕਮੇਟੀ ਕੀਤੀ ਗਠਿਤ
ਲੇਬਰ ਰੂਮ ਵਿਚ ਮਰਦਾਂ ਦੀ ਸਖ਼ਤੀ ਨਾਲ ਐਂਟਰੀ ਅਤੇ ਵੀਡੀਓ ਗਰਾਫੀ ਰੋਕਣ ਲਈ ਮਹਿਲਾ ਪੁਲਿਸ ਦੀ ਗਿਣਤੀ ਵਿਚ ਵਾਧਾ ਕੀਤਾ ਜਾਵੇ : ਡਾ ਅਦਿਤੀ ਸਲਾਰੀਆ
29 ਸਤੰਬਰ : ਅੱਜ ਉੱਚ ਅਧਿਕਾਰੀਆਂ ਵਲੋਂ ਪ੍ਰਾਪਤ ਕੀਤੀਆਂ ਗਈਆਂ ਹਦਾਇਤਾਂ ਨੂੰ ਮੁੱਖ ਰੱਖਦੇ ਹੋਏ ਸਿਵਲ ਹਸਪਤਾਲ, ਪਠਾਨਕੋਟ ਵਿਖੇ ਡਲਿਵਰੀ ਕੇਸ ਦੀ ਵਾਇਰਲ ਹੋਈ ਵੀਡੀਓ ਦੀ ਪੜਤਾਲ ਕਰਣ ਲਈ ਚਾਰ ਅਧਿਕਾਰੀਆਂ ਦੀ ਪੜਤਾਲ ਕਮੇਟੀ ਦਾ ਗਠਨ ਕਾਰਜਕਾਰੀ ਸਿਵਲ ਸਰਜਨ ਡਾ ਅਦਿਤੀ ਸਲਾਰੀਆ ਵਲੋਂ ਕੀਤਾ ਜਾ ਚੁੱਕਾ ਹੈ ਅਤੇ ਮੁਢਲੀ ਪੜਤਾਲ ਅੱਜ ਸ਼ੁਰੂ ਕਰਵਾਈ ਹੈ।
ਇਸ ਸੰਬੰਧੀ ਕਾਰਜਕਾਰੀ ਸਿਵਲ ਸਰਜਨ, ਪਠਾਨਕੋਟ ਡਾ. ਅਦਿੱਤੀ ਸਲਾਰੀਆ ਵੱਲੋਂ ਗੰਭੀਰ ਨੋਟਿਸ ਲੈਂਦੇ ਹੋਏ ਸਿਵਲ ਹਸਪਤਾਲ,ਪਠਾਨਕੋਟ ਦਾ ਦੌਰਾ ਕੀਤਾ ਗਿਆ। ਉਹਨਾਂ ਵਲੋਂ ਇਸ ਪੂਰੀ ਘਟਨਾਂ ਦੀ ਜਗ੍ਹਾ ਦਾ ਦੌਰਾ ਐਮ.ਸੀ.ਐਚ. ਸੈਂਟਰ,ਸਿਵਲ ਹਸਪਤਾਲ, ਵਿਖੇ ਨਿਜੀ ਤੌਰ ਤੇ ਜਾ ਕੇ ਕੀਤਾ ਗਿਆ। ਉਸ ਸਮੇਂ ਤੇ ਡਿਊਟੀ ਤੇ ਹਾਜ਼ਰ ਮੈਡੀਕਲ, ਪੈਰਾਮੈਡੀਕਲ ਦਰਜਾ-4 ਅਤੇ ਸਵੀਪਰ ਸਟਾਫ਼ ਦੀ ਮੀਟਿੰਗ ਬੁਲਾ ਕੇ ਮਾਮਲੇ ਸੰਬੰਧੀ ਤਲਬੀ ਕੀਤੀ ਗਈ ਅਤੇ ਤਥਾਂ ਦੀ ਘੋਖ ਕੀਤੀ ਗਈ।
ਲੇਬਰ ਰੂਮ ਪੋਸਟ ਮਾਰਟਮ ਰੂਮ ਅਤੇ ਵਾਰਡਾਂ ਦਾ ਦੌਰਾ ਕਰਦੇ ਹੋਏ ਸਟਾਫ਼ ਨੂੰ ਲੜੀਂਦੀਆਂ ਹਦਾਇਤ ਕਾਰਜਕਾਰੀ ਸੀਨੀਅਰ ਮੈਡੀਕਲ ਅਫ਼ਸਰ ਡਾ ਸੁਨੀਲ ਕੁਮਾਰ ਦੇ ਸਨਮੁੱਖ ਉਹਨਾਂ ਨੂੰ ਦਿੱਤੀਆਂ ਗਈਆਂ ।ਸਾਰੀ ਸਥਿਤੀ ਅਤੇ ਦਾਖਲ ਜਨਾਂਨਾਂ ਮਰੀਜ਼ਾਂ ਤੋਂ ਮਿਲ ਰਹੀਆਂ ਸਹੂਲਤਾਂਵਾਂ ਪੁੱਛਣ ਤੋਂ ਬਾਅਦ ਤਸੱਲੀਬਖਸ਼ ਪਾਈਆਂ ਗਈਆਂ।
ਸੀਨੀਅਰ ਮੈਡੀਕਲ ਅਫ਼ਸਰ,ਡਾ: ਸੁਨੀਲ ਚੰਦ ਨੂੰ ਹਦਾਇਤ ਕੀਤੀ ਗਈ ਕਿ ਲੇਬਰ ਰੂਮ ਅੰਦਰ ਮਰਦਾਂ ਦੀ ਸਖਤੀ ਨਾਲ ਐਂਟਰੀ ਬੰਦ ਕਰਣ ਸੰਬਧੀ ਪਹਿਲਾਂ ਹੀ ਜਾਰੀ ਨਿਰਦੇਸ਼ਾਂ ਨੂੰ ਸਖਤੀ ਨਾਲ ਲਾਗੂ ਕਰਣ ਵਿੱਚ ਦਿੱਕਤ ਆਉਣ ਜਾਂ ਵੀਡੀਓਗ੍ਰਾਫੀ ਨੂੰ ਰੋਕਣ ਲਈ ਜ਼ਿਲ੍ਹਾ ਪ੍ਰਸ਼ਾਸਨ ਅਤੇ ਪੁਲਿਸ ਅਧਿਕਾਰੀਆਂ ਨਾਲ ਤਾਲ-ਮੇਲ ਕਰਦੇ ਹੋਏ ਸਕਿਊਰਟੀ ਵਧਾ ਕੇ ਮਹਿਲਾ ਕਾਂਸਟੇਬਲਾਂ ਦੀ ਗਿਣਤੀ ਵਿੱਚ ਇਜਾਫਾ ਕੀਤਾ ਜਾਵੇ।ਲੇਬਰ ਰੂਮ ਸਟਾਫ਼ ਨੂੰ ਆਪਣੀ ਡਿਊਟੀ ਤਨਦੇਹੀ ਨਾਲ ਕਰਣ ਲਈ ਹਦਾਇਤ ਕੀਤੀ ਗਈ ਅਤੇ ਅਣਗਹਿਲੀ ਤੋਂ ਗੁਰੇਜ਼ ਕਰਣ ਲਈ ਕਿਹਾ ਗਿਆ।
ਇਸ ਮੌਕੇ ਤੇ ਉਹਨਾਂ ਨਾਲ ਡਾ. ਰਾਜ ਕੁਮਾਰ ਜਿਲ੍ਹਾ ਪਰਿਵਾਰ ਭਲਾਈ ਅਫ਼ਸਰ, : ਸੀਨੀਅਰ ਮੈਡੀਕਲ ਅਫ਼ਸਰ ਡਾ. ਸੁਨੀਲ ਚੰਦ ਡਾ: ਮੁਕਤਾ ਗੌਤਮ, ਡਾ: ਸਾਕਸ਼ੀ ਸਗਲੋਤਰਾ ਡਾ: ਪ੍ਰਿਅੰਕਾ ਠਾਕੁਰ ਅਤੇ ਮੌਕੇ ਤੇ ਤੈਨਾਤ ਮੈਡੀਕਲ ਅਤੇ ਪੈਰਾਮੈਡੀਕਲ ਸਟਾਫ਼ ਆਦਿ ਹਾਜ਼ਰ ਸਨ।
