ਹਾਜੀਪੁਰ / ਦਸੂਹਾ (ਚੌਧਰੀ)
ਜਮਹੂਰੀ ਕਿਸਾਨ ਸਭਾ ਵੱਲੋਂ ਨਹਿਰਾਂ ਦਾ ਦੌਰਾ,ਬੋਲੇ ਨਹਿਰਾਂ ਵੱਲ ਪ੍ਰਸ਼ਾਸਨ ਦਾ ਕੋਈ ਧਿਆਨ ਨਹੀਂ
2 ਅਗਸਤ : ਅੱਜ ਹਾਜੀਪੁਰ ਵਿੱਚ ਪੈਂਦੀਆਂ ਨਹਿਰਾਂ ਦਾ ਦੌਰਾ ਕੀਤਾ ਗਿਆ ਜਿਸ ਦੀ ਅਗਵਾਹੀ ਤਰਲੋਕ ਸਿੰਘ ਕਾਲੂਚਾਂਗ ਨੇ ਕੀਤੀ, ਕਿਸਾਨ ਆਗੂਆਂ ਨੇ ਕਿਹਾ ਕਿ ਸਾਰੀ ਨਹਿਰ ਦੇ ਪੈਟਰੋਲਿੰਗ ਰਸਤੇ ਹੀ ਬੰਦ ਹੋਏ ਪਏ ਹਨ ਜਿਵੇ ਨਹਿਰੀ ਵਿਭਾਗ ਕਦੀ ਦੇਖਣ ਹੀ ਨਹੀ ਪੁੱਜਾ ਹੋਵੋ। ਪੂਰੀ ਨਹਿਰ ਦੀ ਸਫਾਈ ਹੀ ਨਹੀ ਕੀਤੀ ਹੋਈ ਜਿਸ ਕਰਕੇ ਨਹਿਰ ਪਾਣੀ ਹੀ ਨਹੀ ਖਿੱਚਦੀ, ਜਿਕਰਯੋਗ ਹੈ ਕਿ ਬੀਤੇ ਸਾਲਾਂ ਤੋਂ ਲਗਾਤਾਰ ਇਹ ਨਹਿਰਾਂ ਜਾਣਬੁੱਝ ਕੇ ਬੰਦ ਰੱਖਿਆ ਜਾ ਰਹੀਆਂ ਹੈ ਤੇ ਵਿਭਾਗ ਘੁੰਮਕਰਨ ਦੀ ਨੀਦ ਪਿਆ ਹੋਈਆ ਹੈ। ਅਜੀਹੇ ਹਾਲਤਾਂ ਵਿੱਚ ਕਿਸਾਨ ਕਿੱਥੇ ਜਾਵੇ ਜਿਸ ਨੂੰ ਖੇਤੀ ਲਈ ਪਾਣੀ ਦੀ ਬਹੁਤ ਜ਼ਰੂਰਤ ਹੈ। ਤਲਵਾੜੇ ਵਿੱਚ ਸਾਹ ਨਹਿਰ ਬੈਰਾਜ ਅਤੇ ਨਹਿਰਾਂ ਦੇ ਜਾਲ ਹੋਣ ਦੇ ਬਾਅਦ ਵੀ ਇੱਥੇ ਦੇ ਕਿਸਾਨ ਨਹਿਰੀ ਪਾਣੀ ਤੋਂ ਬਾਂਝੇ ਨੇ ਜਿਸ ਕਰਕੇ ਇਸ ਇਲਾਕੇ ਵਿੱਚ ਗੈਰ ਕਾਨੂੰਨੀ ਮਾਈਨਿੰਗ ਦੀਆਂ ਗਤੀਵਿਧੀਆਂ ਦੀ ਵਧੀਆ।
ਅੱਜ ਦੌਰੇ ਦੌਰਾਨ ਹਾਜ਼ਰ ਧਰਮਿੰਦਰ ਸਿੰਘ ਮੁਕੇਰੀਆਂ ਜਨਰਲ ਸਕੱਤਰ ਸ਼ਹੀਦ ਭਗਤ ਸਿੰਘ ਨੌਜਵਾਨ ਸਭਾ ਨੇ ਦਸਿਆ ਕਿ ਇਹ ਨਹਿਰਾਂ ਹਰ ਇੱਕ ਕਿਸਾਨ ਅਤੇ ਸਾਰੇ ਇਲਾਕੇ ਦੇ ਲਈ ਵਰਦਾਨ ਹੈ ਪਰ ਪ੍ਰਸ਼ਾਸਨ ਦੀਆਂ ਗੈਰ ਜਿੰਮੇਵਾਰਾਨਾ ਵਰਤਾਰੇ ਕਰਕੇ ਅੱਜ ਪਿੰਡ ਸਿਬੋਚੱਕ, ਮਰੁਲਾ, ਗੋਦਾ, ਵਜ਼ੀਰਾਂ, ਨੌਸ਼ਹਿਰਾ, ਸੈਦੋ, ਸਰਿਆਣਾ ਅਤੇ ਕਾਂਜੁਪੀਰ ਨੂੰ ਜਾਂਦੀ ਨਹਿਰ ਪੂਰਨ ਤੌਰ ਉੱਤੇ ਕਈ ਸਾਲਾਂ ਤੋਂ ਬੰਦ ਕਰਕੇ ਰੱਖੀ ਹੋਈ ਹੈ ਜਿਸ ਨਾਲ ਕਿਸਾਨਾਂ ਦਾ ਬਹੁਤ ਨੁਕਸਾਨ ਹੋਇਆ ਹੈ । ਅਤੇ ਇਹੀ ਹਾਲ ਦੂਜੇ ਪਾਸੇ ਘੁਮਿਆਰਦੇਵੀ ਕੋਲ ਨਹਿਰ ਦਾ ਪਾਣੀ ਨਾ ਪਹੁੰਚਣ ਦਾ ਹੈ ਅੱਜ ਦੌਰਾ ਖਤਮ ਕਰਨ ਉਪਰੰਤ ਆਗੂਆਂ ਨੇ ਕਿਹਾ ਕਿ ਇਨ੍ਹਾਂ ਦੋਨਾਂ ਨਹਿਰਾਂ ਵਿੱਚ ਪਾਣੀ ਟੇਲਾ ਤੱਕ ਪੁਜਾਉਣ ਦਾ ਪ੍ਰਬੰਧ ਕਰੇ ਪ੍ਰਸ਼ਾਸਨ ਨਹੀਂ ਤਾਂ ਆਉਣ ਵਾਲ਼ੇ ਸਮੇਂ ਵਿੱਚ ਕਿਸਾਨਾਂ ਦੇ ਤਿੱਖੇ ਵਿਰੋਧ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।ਇਸ ਮੌਕੇ ਕੁੰਦਨ ਸਿੰਘ ਤਲਵਾੜਾ, ਜੋਗਿੰਦਰ ਸਿੰਘ ਰਕੜੀ, ਮਨਪ੍ਰੀਤ ਸਿੰਘ, ਹਰਦੀਪ ਗੇਰਾ ਵੀ ਹਾਜ਼ਰ ਰਹੇ।
ਫੋਟੋ- ਬੰਦ ਕੀਤੀ ਹੋਈ ਨਹਿਰ ਨੂੰ ਦਸਦੇ ਹੋਏ ਆਗੂ
