—ਪਟਿਆਲਾ – –

ਛੋਟਾ ਬੱਚਾ SBI ਬੈਂਕ ਦੀ ਬ੍ਰਾਂਚ ਚੋਂ 35 ਲੱਖ ਰੁਪਏ ਨਾਲ ਭਰਿਆ ਬੈਗ ਲੈਕੇ ਹੋਇਆ ਰਫੂਚੱਕਰ, ਬੈਂਕ ਕਰਮਚਾਰੀਆਂ ਚ ਮਚੀ ਹਫੜਾ ਦਫੜੀ

3 ਅਗਸਤ : ਅੱਜ ਸਵੇਰੇ 11.30 ਵਜੇ ਦੇ ਕਰੀਬ ਐਸ ਬੀ ਆਈ ਦੀ ਬ੍ਰਾਂਚ ਚੋਂ ਇੱਕ ਛੋਟਾ ਬੱਚਾ 35 ਲੱਖ ਰੁਪਏ ਨਾਲ ਭਰਿਆ ਬੈਗ ਲੈ ਕੇ ਰਫੂਚੱਕਰ ਹੋ ਗਿਆ। ਜਿਸ ਨਾਲ ਬੈਂਕ ਕਰਮਚਾਰੀਆਂ ਵਿਚੋਂ ਹਫੜਾ ਦਫੜੀ ਮੱਚ ਗਈ। ਬੈਗ ਲੈ ਕੇ ਜਾਂਦੇ ਹੋਏ ਬੱਚੇ ਦੀ ਤਸਵੀਰ ਬੈਂਕ ਚ ਲੱਗੇ ਸੀ ਸੀ ਟੀ ਵੀ ਫੁਟੇਜ ਚ ਕੈਦ ਹੋ ਗਈ ਹੈ। ਇਸ ਬੱਚੇ ਨਾਲ ਇੱਕ ਹੋਰ ਵਿਅਕਤੀ ਵੀ ਦੱਸਿਆ ਜਾ ਰਿਹਾ ਹੈ। ਬੈਂਕ ਕਰਮਚਾਰੀਆਂ ਇਸ ਘਟਨਾ ਦੀ ਜਾਣਕਾਰੀ ਪੁਲਿਸ ਨੂੰ ਦਿੱਤੀ। ਪੁਲਿਸ ਨੇ ਮੌਕੇ ਤੇ ਪਹੁੰਚ ਕੇ ਬੈਂਕ ਦੇ ਸਾਰੇ ਸੀ ਸੀ ਟੀ ਵੀ ਚੈਕ ਕੀਤੇ ਅਤੇ ਜਾਂਚ ਸ਼ੂਰੂ ਕਰ ਦਿੱਤੀ ਹੈ।

ਇਸ ਸਬੰਧੀ ਬੈਂਕ ਕਰਮਚਾਰੀਆਂ ਨੇ ਦੱਸਿਆ ਕਿ ਇਹ ਪੈਸਿਆਂ ਵਾਲਾ ਬੈਗ ਕੈਸ਼ ਕਰਮਚਾਰੀਆਂ ਦੇ ਕਾਊਂਟਰਾਂ ਦੇ ਪਿਛੇ ਰੱਖਿਆ ਹੋਇਆ ਸੀ। ਇਸ ਬੈਗ ਵਿਚੋਂ ਜੋ ਪੈਸੇ ਰੱਖੇ ਗਏ ਸਨ ਉਹ ਪੈਸੇ ਵੱਖ-ਵੱਖ ਏ ਟੀ ਐੱਮ ਵਿੱਚ ਪਾਏ ਜਾਣੇ ਸਨ ਪ੍ਰੰਤੂ ਉਸ ਤੋਂ ਪਹਿਲਾਂ ਹੀ ਇਹ ਘਟਨਾ ਵਾਪਰ ਗਈ।