ਤਲਵਾੜਾ / ਦਸੂਹਾ (ਚੌਧਰੀ)
: ਅੱਡਾ ਬੈਰੀਅਰ ਨਜ਼ਦੀਕ ਹਾਈਡਲ ਨਹਿਰ ਵਿੱਚ ਨਹਾਉਣ ਗਏ ਇੱਕ ਨੌਜਵਾਨ ਦੀ ਡੁੱਬਣ ਨਾਲ ਮੌ+ਤ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਮ੍ਰਿ+ਤ+ਕ ਗੁਰਪ੍ਰੀਤ ਸਿੰਘ ਜੈਲੀ (21) ਗੜਦੀਵਾਲਾ ਦੇ ਨੇੜਲੇ ਪਿੰਡ ਕੋਸ਼ਪੁਰ ( ਟੁੰਡ) ਦਾ ਰਹਿਣ ਵਾਲਾ ਸੀ।
ਸੂਚਨਾ ਮਿਲਣ ਤੇ ਮੌਕੇ ਤੇ ਪਹੁੰਚੇ ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ ਗੁਰਪ੍ਰੀਤ ਸਿੰਘ ਜੈਲੀ ਤਲਵਾੜਾ ਦੇ ਸੀ.ਪਾਈਟ ਕੈਂਪ ‘ਚ ਪਿਛਲੇ ਚਾਰ ਮਹੀਨਿਆਂ ਤੋਂ ਫੌਜ ਵਿੱਚ ਭਰਤੀ ਲਈ ਤਿਆਰੀ ਕਰ ਰਿਹਾ ਸੀ।ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਬੀਤੇ ਕੱਲ ਇਹ ਨੌਜਵਾਨ ਆਪਣੇ ਦੋ ਦੋਸਤਾਂ ਨਾਲ ਹਾਈਡਲ ਨਹਿਰ ਵਿਚ ਨਹਾਉਣ ਲਈ ਆਇਆ ਸੀ ਤੇ ਨਹਾਉਣ ਮੌਕੇ ਉਹ ਹਾਈਡਲ ਨਹਿਰ ਤੋਂ ਨਿਕਲਦੀ ਕੰਢੀ ਨਹਿਰ ਦੇ ਗੇਟਾਂ ਵਿੱਚ ਫਸ ਗਿਆ, ਜਿਸ ਕਾਰਨ ਉਸਦੀ ਮੌ+ਤ ਹੋ ਗਈ। ਬੀਤੇ ਦਿਨ ਤੋਂ ਗੋਤਾਖੋਰਾਂ ਵਲੋਂ ਉਸਦੀ ਲਾਸ਼ ਦੀ ਭਾਲ ਕੀਤੀ ਜਾ ਰਹੀ ਸੀ ਪਰ ਅੱਜ ਬਾਬਾ ਦੀਪ ਸਿੰਘ ਸੇਵਾਦਲ ਐਂਡ ਵੈੱਲਫੇਅਰ ਸੋਸਾਇਟੀ ਗੜ੍ਹਦੀਵਾਲਾ ਦੀ ਟੀਮ ਵਲੋਂ ਕਾਫੀ ਜਦੋ ਜਹਿਦ ਕਰਕੇ ਮ੍ਰਿ+ਤ+ਕ ਨੌਜਵਾਨ ਦੀ ਡੈਡਬਾਡੀ ਨੂੰ ਨਹਿਰ ਚੋਂ ਬਾਹਰ ਕੱਢਿਆ ਗਿਆ। ਤਲਵਾੜਾ ਪੁਲਿਸ ਨੇ ਮ੍ਰਿਤਕ ਦਾ ਪੋਸਟਮਾਰਟਮ ਕਰਵਾਉਣ ਤੋਂ ਬਾਅਦ ਲਾ+ਸ਼ ਵਾਰਸਾਂ ਦੇ ਹਵਾਲੇ ਕਰ ਦਿੱਤੀ ਹੈ।
ਕੈਪਸ਼ਨ: ਮ੍ਰਿਤਕ ਗੁਰਪ੍ਰੀਤ ਸਿੰਘ ਜੈਲੀ ਦੀ ਪੁਰਾਣੀ ਤਸਵੀਰ ਅਤੇ ਲਾਸ਼ ਬਾਹਰ ਕੱਢਦੀ ਹੋਈ ਬਾਬਾ ਦੀਪ ਸਿੰਘ ਵੈੱਲਫੇਅਰ ਸੇਵਾ ਸੋਸਾਇਟੀ ਦੀ ਟੀਮ।
