ਗੜ੍ਹਦੀਵਾਲਾ 26 ਨਵੰਬਰ (ਚੌਧਰੀ) 

: ਪੰਜਾਬ ਸਰਕਾਰ ਅਤੇ ਸਿਵਲ ਸਰਜਨ ਹੁਸ਼ਿਆਰਪੁਰ ਜੀ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਜਿਲ੍ਹਾ ਪਰਿਵਾਰ ਭਲਾਈ ਅਫਸਰ ਡਾ. ਰਣਜੀਤ ਸਿੰਘ ਅਤੇ ਸੀਨੀਅਰ ਮੇੈਡੀਕਲ ਅਫਸਰ ਡਾ. ਸੁਦੇਸ਼ ਰਾਜਨ ਮੈਡੀਕਲ ਸਪੈਸ਼ਲਿਸਟ ਦੀ ਪ੍ਰਧਾਨਗੀ ਹੇਠ ਸੀ.ਐਚ.ਸੀ. ਭੂੰਗਾ ਵਿਖੇ ਨਸਬੰਦੀ ਪੰਦਰਵਾੜਾ ਅਤੇ ਗੈਰ ਸੰਚਾਰੀ ਰੋਗਾਂ ਸੰਬੰਧੀ ਜਾਗਰੂਕ ਕੀਤਾ ਗਿਆ ।

ਇਸ ਮੌਕੇ ਡਾ. ਰਣਜੀਤ ਸਿੰਘ ਨੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਨਸਬੰਦੀ ਪੁਰਸ਼ਾ ਲਈ ਪਰਿਵਾਰ ਨਿਯੋਜਨ ਦਾ ਸਥਾਈ ਤਰੀਕਾ ਹੈ ।ਨਸਬੰਦੀ ਇਕ ਛੋਟਾ ਆਪ੍ਰੇਸ਼ਨ ਹੈ ਜਿਸਦੀ ਦੀ ਪ੍ਰਕਿਰਿਆ ਵਿਚ ਕੇਵਲ 20 ਮਿੰਟ ਦਾ ਸਮਾਂ ਲਗਦਾ ਹੈ । ਨਸਬੰਦੀ ਦੌਰਾਨ ਲਾਭਪਾਤਰੀ ਨੂੰ ਨਾ-ਮਾਤਰ ਦਰਦ ਹੁੰਦਾ ਹੈ । ਨਸਬੰਦੀ ਕਰਾਉਣ ਤੋਂ ਇਕ ਘੰਟੇ ਬਾਅਦ ਪੁਰਸ਼ ਆਪਣੇ ਘਰ ਪੈਦਲ ਜਾ ਸਕਦਾ ਹੈ ਅਤੇ ਕੋਈ ਵੀ ਭਾਰਾ ਕੰਮ ਪਹਿਲਾਂ ਵਾਂਗ ਹੀ ਕਰ ਸਕਦਾ ਹੈ ।ਨਸਬੰਦੀ ਨਾਲ ਵਿਆਹਤਾ ਜਿੰਦਗੀ ਕਿਸੇ ਤਰ੍ਹਾ ਵੀ ਪ੍ਰਭਾਵਿਤ ਨਹੀ ਹੁੁੰਦੀ ਅਤੇ ਦੁਬਾਰਾ ਬੱਚਾ ਪੈਦਾ ਕਰਨ ਦੀ ਲੋੜ ਪੈਣ ਤੇ ਨਸਬੰਦੀ ਆਪ੍ਰੇਸ਼ਨ ਨੂੰ ਜੋੜਨਾ ਸੋਖਾ ਅਤੇ ਵਧੇਰੇ ਕਾਮਜਾਬ ਤਰੀਕਾ ਹੈ । ਉਨਾ ਅਗੇ ਕਿਹਾ ਕਿ ਇਹ ਨਸਬੰਦੀ ਜਾਗਰੂਕਤਾ ਪੰਦਰਵਾੜਾ 21 ਨਵੰਬਰ ਤੋ 4 ਦਿਸੰਬਰ ਤੱਕ ਮਨਾਇਆ ਜਾ ਰਿਹਾ ਹੈ।

ਇਸ ਮੌਕੇ ਡਾ.ਸੁਦੇਸ਼ ਰਾਜਨ ਨੇ ਗੈਰ ਸੰਚਾਰੀ ਰੋਗ ਬਾਰੇ ਜਾਗਰੂਕ ਕਰਦਿਆ ਐਨ.ਸੀ.ਡੀ. ਵਿੰਗ ਅਤੇ ਸਮੂਹ ਸੀ.ਐਚ.ੳ ਨੂੰ ਹਦਾਇਤ ਕਰਦਿਆ ਕਿਹਾ ਕਿ ਆਏ ਹੋਏ ਮਰੀਜਾਂ ਦਾ ਬੀ.ਪੀ. ਅਤੇ ਸੂਗਰ ਦੀ ਜਾਂਚ ਯਕੀਨੀ ਬਣਾਈ ਜਾਵੇ। ਬਣਦੀ ਦਵਾਈ ਸਮੇਂ ਸਿਰ ਮਰੀਜਾਂ ਤੱਕ ਪਹੁਚਦੀ ਕੀਤੀ ਜਾਵੇ ।ਇਸ ਮੋਕੇ ਤੇ ਡਾ. ਜਗਤਾਰ ਸਿੰਘ, ਡਾ. ਹਰਿੰਦਰਜੀਤ ਸਿੰਘ. ਡਾ. ਸ਼੍ਰਿਸਟੀ ਨਾਗਪਾਲ, ਸੁਰਿੰਦਰ ਕੌਰ, ਅਨੀਤਾ, ਮਨਿੰਦਰ ਕੌਰ ਸਨ।