ਗੜ੍ਹਦੀਵਾਲਾ (ਚੌਧਰੀ / ਪ੍ਰਦੀਪ ਕੁਮਾਰ )
: ਬੀਤੀ ਰਾਤ ਕੰਢੀ ਦੇ ਪਿੰਡ ਥਾਨਾ ਵਿਖੇ ਡੈਮ ਦਾ ਝਰਨਾ ਵੇਖਣ ਗਏ ਨੌਜਵਾਨਾਂ ਦਾ ਮੋਟਰਸਾਈਕਲ ਸਲਿੱਪ ਹੋਣ ਕਰ ਕੇ ਡੂੰਘੀ ਖਾਈ ਵਿੱਚ ਡਿੱਗਣ ਨਾਲ ਇੱਕ ਨੌਜਵਾਨ ਦੀ ਮੌਤ ਅਤੇ ਇੱਕ ਦੇ ਗੰਭੀਰ ਜਖਮੀ ਹੋ ਗਿਆ।
ਸੂਤਰਾਂ ਮਿਲੀ ਜਾਣਕਾਰੀ ਅਨੁਸਾਰ ਦੋ ਨੌਜਵਾਨ ਨੀਰਜ ਕੁਮਾਰ ਪੁੱਤਰ ਉਮ ਪ੍ਰਕਾਸ਼ ਵਾਸੀ ਬੂਟਾ ਮੰਡੀ ਜਲੰਧਰ, ਸੁਖਪਾਲ ਰਾਏ ਪੁੱਤਰ ਸਤਨਾਮ ਵਾਸੀ ਪਿੰਡ ਬਡਾਲਾ ਮਾਹੀ ਥਾਣਾ ਬੁੱਲੋਵਾਲ ਆਪਣੇ ਮੋਟਰਸਾਈਕਲ ਨੰਬਰ ਪੀ.ਬੀ 08 ਡੀ.ਬੀ 8163 ਅਤੇ ਗੁਰਦੀਪ ਸਿੰਘ ਪੁੱਤਰ ਦੇਵਨਾਥ ਵਾਸੀ ਆਲੋਵਾਲ ਥਾਣਾ ਬੁੱਲੋਵਾਲ੍ਹ ਆਦਿ ਹੋਰ ਨੌਜਵਾਨ ਆਪਣੇ ਮੋਟਰਸਾਈਕਲ ਤੇ ਪੀ.ਬੀ. 07-ਬੀ.ਯੂ. 1746 ਤੇ ਸਵਾਰ ਹੋ ਕੇ ਬੀਤੇ ਕਲ ਸ਼ਾਮ ਥਾਣਾ ਡੈਮ ਤੇ ਘੁੰਮਣ ਤੇ ਉੱਥੇ ਵਗਦਾ ਝਰਨਾ ਦੇਖਣ ਗਏ ਸਨ।
ਜਦੋਂ ਬੀਤੀ ਸ਼ਾਮ ਨੀਰਜ ਕੁਮਾਰ ਪੁੱਤਰ ਉਮ ਪ੍ਰਕਾਸ਼ ਵਾਸੀ ਬੂਟਾ ਮੰਡੀ ਜਲੰਧਰ, ਸੁਖਪਾਲ ਰਾਏ ਪੁੱਤਰ ਸਤਨਾਮ ਵਾਸੀ ਪਿੰਡ ਬਡਾਲਾ ਮਾਹੀ ਥਾਣਾ ਬੁੱਲੋਵਾਲ ਆਪਣੇ ਮੋਟਰਸਾਈਕਲ ਤੇ ਵਾਪਿਸ ਪਰਤ ਰਹੇ ਸਨ ਇਹ ਵੱਡਾ ਹਾਦਸਾ ਵਾਪਰ ਗਿਆ। ਉਨ੍ਹਾਂ ਦਾ ਮੋਟਰਸਾਈਕਲ ਸਲਿੱਪ ਹੋ ਕੇ ਇੱਕ ਡੁੰਘੀ ਖਾਈ ਵਿਚ ਡਿੱਗ ਗਿਆ।
ਇਸ ਵੱਡੇ ਹਾਦਸੇ ਦਾ ਉਸ ਸਮੇਂ ਪਤਾ ਲੱਗਾ ਜਦੋਂ ਉਨਾਂ ਦੇ ਹੋਰ ਤਿੰਨ ਸਾਥੀ ਦੋਵੇਂ ਨੌਜਵਾਨਾਂ ਦੇ ਆਉਣ ਦਾ ਥੋੜਾ ਅੱਗੇ ਇੰਤਜ਼ਾਰ ਕਰ ਰਹੇ ਸਨ। ਉਨ੍ਹਾਂ ਦੋਵੇ ਨੌਜਵਾਨਾਂ ਦੇ ਕਾਫੀ ਸਮਾਂ ਨਾ ਆਉਣ ਤੇ ਉਨ੍ਹਾਂ ਤੇ ਵਾਪਿਸ ਪਰਤ ਕੇ ਦੇਖਿਆ ਤਾਂ ਪਤਾ ਚੱਲਿਆ ਕਿ ਉਹ ਦੋਵੇ ਨੌਜਵਾਨ ਇੱਕ ਡੁੰਘੀ ਖਾਈ ਵਿਚ ਡਿੱਗੇ ਸਨ। ਜਿਸ ਉਪਰੰਤ ਨੌਜਵਾਨਾਂ ਵਲੋਂ ਰੌਲਾ ਪਾਉਣ ਤੇ ਸਥਾਨਕ ਲੋਕਾਂ ਵਲੋਂ ਉੱਕਤ ਨੌਜਵਾਨਾਂ ਨੂੰ ਡੂੰਘੀ ਖਾਲੀ ਵਿਚੋਂ ਬਾਹਰ ਕੱਢਣ ਯਤਨ ਕੀਤੇ ਗਏ।
ਸੂਚਨਾ ਮਿਲਦੇ ਹੀ ਥਾਣਾ ਗੜਦੀਵਾਲਾ ਦੇ ਐਚ ਐਚ ਓ ਪਰਵਿੰਦਰ ਸਿੰਘ ਧੂਤ ਆਪਣੇ ਸਾਥੀ ਕਰਮਚਾਰੀਆ ਨੂੰ ਲੈ ਕੇ ਘਟਨਾ ਵਾਲੀ ਥਾਂ ਤੇ ਪਹੁੰਚੇ ਤੇ ਸਥਾਨਕ ਲੋਕਾਂ ਦੀ ਮਦਦ ਨਾਲ ਖਾਈ ਚ ਡਿੱਗੇ ਨੌਜਵਾਨ ਨੂੰ ਬਾਹਰ ਕੱਢਿਆ ਤੇ ਐਬੁਲੈਂਸ ਰਾਹੀਂ ਸਿਵਲ ਹਸਪਤਾਲ ਹੁਸ਼ਿਆਰਪੁਰ ਵਿਖੇ ਪਹੁੰਚਾਇਆ ਗਿਆ। ਜਿੱਥੇ ਡਾਕਟਰਾਂ ਨੇ ਸੁਖਪਾਲ ਰਾਏ ਨੂੰ ਮ੍ਰਿਤਕ ਐਲਾਨ ਦਿੱਤਾ ਅਤੇ ਦੂਜੇ ਨੌਜਵਾਨ ਜਿਸ ਨੂੰ ਗੰਭੀਰ ਸੱਟਾਂ ਅਤੇ ਲੱਤ ਟੁੱਟਣ ਦੀ ਜਾਣਕਾਰੀ ਸਾਂਝੀ ਕੀਤੀ ਗਈ।ਗੜ੍ਹਦੀਵਾਲਾ ਪੁਲਸ ਵੱਲੋਂ ਮ੍ਰਿਤਕ ਨੌਜਵਾਨ ਸੁਖਪਾਲ ਰਾਏ ਦੀ ਲਾਸ਼ ਕਬਜ਼ੇ ਵਿੱਚ ਲੈਕੇ ਅਗਲੇਰੀ ਕਾਰਵਾਈ ਆਰੰਭ ਕਰ ਦਿੱਤੀ ਗਈ। ਪੁਲਿਸ ਹਾਦਸੇ ਦੀ ਜਾਂਚ ਕਰ ਰਹੀ ਹੈ।
