ਪਠਾਨਕੋਟ / ਗੜ੍ਹਦੀਵਾਲਾ (ਚੌਧਰੀ) 

: ਅੱਜ ਬਾਬਾ ਦੀਪ ਸਿੰਘ ਸੇਵਾ ਦਲ ਐਂਡ ਵੈਲਰਡ ਸੋਸਾਇਟੀ ਗੜਦੀਵਾਲਾ ਵੱਲੋ ਚੌਥਾ ਰਾਸ਼ਣ ਵੰਡ ਸਮਾਗਮ ਸਵ: ਮਾਤਾ ਪ੍ਰੀਤਮ ਕੌਰ ਕਲਾਸਪੁਰ ਨੇੜੇ ਪਠਾਨਕੋਟ ਦੀ ਯਾਦ ਵਿਚ ਕੀਤਾ ਗਿਆ । ਜਿਸ ਵਿੱਚ 20 ਲੋੜਬੰਦ ਪਰਿਵਾਰਾਂ ਨੂੰ ਰਾਸ਼ਣ ਸਮੱਗਰੀ ਦਿਤੀ ਗਈ। ਜਿਹਨਾਂ ਵਿੱਚ ਵਿਧਵਾ ਔਰਤਾਂ,,ਅਪੰਗ, ਬਜਰਗ ਤੇ ਅਨਾਥ ਸ਼ਾਮਲ ਸਨ। ਇਹ ਰਾਸ਼ਣ ਵੰਡ ਸਮਾਰਾਮ ਹਰ ਮਹੀਨੇ ਦੀ 11 ਤਾਰੀਕ ਨੂੰ ਸਵ: ਮਾਤਾ ਪ੍ਰੀਤਮ ਕੌਰ ਦੀ ਯਾਦ ਵਿੱਚ ਕੀਤਾ ਜਾਂਦਾ ਹੈ ਤੇ ਮਾਤਾ ਜੀ ਦੇ ਪੂਰੇ ਪਰਿਵਾਰ ਵੱਲੋਂ ਉਨ੍ਹਾਂ ਦੀ ਪੂਰੀ ਜਾਈਦਾਦ ਜੋ ਕਲਾਸਪੁਰ ਪਿੰਡ ਵਿਚ ਹੈ ਉਸ ਨੂੰ ਬਾਬਾ ਦੀਪ ਸਿੰਘ ਸੇਵਾ ਦਲ ਕੜਦੀਵਾਲਾ ਨੂੰ ਦਾਨ ਕੀਤੀ ਹੈ ਤੇ ਸੰਸਥਾ ਵੱਲੋਂ ਉਨ੍ਹਾਂ ਦੀ ਕੋਠੀ ਨੂੰ ਹੀ ਕਲਾਸਪੁਰ ਵਿੱਚ ਸੰਸਥਾ ਦਾ ਦਫਤਰ ਬਣਿਆ ਗਿਆ ਹੈ, ਜਿਥੇ ਹਰ ਮਹੀਨੇ ਸੰਸਥਾ ਵੱਲੋਂ ਲੋੜਬੰਦ ਪਰਿਵਾਰਾਂ ਨੂੰ ਰਾਸ਼ਣ ਸਮਗਰੀ ਦਿੱਤੀ ਜਾਂਦੀ ਹੈ। ਇਸ ਮੌਕੇ ਸੰਸਥਾ ਦੇ ਮੁੱਖ ਸੇਵਾਦਰ ਮਨਜੋਤ ਸਿੰਘ ਤਲਵੰਡੀ, ਕੈਸ਼ੀਅਰ ਪਰਸ਼ੋਤਮ ਸਿੰਘ ਬਾਹਗਾ, ਮਨਿੰਦਰ ਸਿੰਘ,ਪ੍ਰਿੰਸ ਕੁਮਾਰ, ਕਰਨੈਲ ਸਿੰਘ ਆਦਿ ਹੋਰ ਸੋਸਾਇਟੀ ਮੈਂਬਰ ਹਾਜ਼ਰ ਸਨ।