ਦਸੂਹਾ 2 ਜੁਲਾਈ (ਚੌਧਰੀ)

ਆਹਮਣੇ ਸਾਹਮਣੇ ਹੋਈ ਟੱਕਰ ਚ ਜਖਮੀ 9 ਲੋਕਾਂ ਚ ਦੋ ਔਰਤਾਂ ਤੇ ਇੱਕ ਬੱਚਾ ਸ਼ਾਮਿਲ 

:  ਅੱਜ ਦਸੂਹਾ ਤਲਵਾੜਾ ਰੋੜ ਤੇ ਸੱਗਰਾਂ ਪੁੱਲ ਨਜ਼ਦੀਕ ਇੱਕ ਥਾਰ ਗੱਡੀ ਤੇ ਕਾਰ ਵਿਚਾਲੇ ਭਿਆਨਕ ਟੱਕਰ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।

ਮਿਲੀ ਜਾਣਕਾਰੀ ਅਨੁਸਾਰ ਥਾਰ ਗੱਡੀ ਨੰਬਰ ਪੀ ਬੀ 07 ਸੀ ਡੀ 9333  ਤਲਵਾੜਾ ਤੋਂ ਦਸੂਹਾ ਵੱਲ ਆ ਰਹੀ ਤੇ ਕਾਰ ਨੰਬਰ ਪੀ ਬੀ 08 ਬੀ ਟੀ 6074 ਜੋ ਦਸੂਹਾ ਤੋਂ ਤਲਵਾੜਾ ਵੱਲ ਜਾ ਰਹੀ ਸੀ ਆਪਸ ਵਿਚ ਆਹਮਣੇ ਸਾਹਮਣੇ ਟੱਕਰ ਹੋ ਗਈ। ਜਿਸ ਵਿੱਚ 9 ਲੋਕਾਂ ਦੇ ਗੁੱਝੀਆਂ ਸੱਟਾਂ ਲੱਗੀਆਂ ਹਨ। ਪਰਮਾਤਮਾ ਦਾ ਸ਼ੁਕਰ ਰਿਹਾ ਕਿ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ।ਰਾਹਗੀਰਾਂ ਵਲੋਂ ਜਖਮੀ ਲੋਕਾਂ ਨੂੰ ਗੱਡੀਆਂ ਚੋਂ ਬਾਹਰ ਕੱਢਿਆ ਗਿਆ ਅਤੇ ਸਿਵਲ ਹਸਪਤਾਲ ਦਸੂਹਾ ਵਿਖੇ ਪਹੁੰਚਾਇਆ ਗਿਆ।

ਥਾਰ ਸਵਾਰ ਜਖਮੀਆਂ ਦੀ ਪਛਾਣ ਸ਼ਾਰਦਾ ਖੋਸਲਾ ਪਤਨੀ ਕੇ ਡੀ ਖੋਸਲਾ ਵਾਸੀ ਦਸੂਹਾ ,ਉਪਾਸਨਾ ਸੱਭਰਵਾਲ ਪਤਨੀ ਰੌਕੀ ਤੇ ਰੋਹਨ ਪੁੱਤਰ ਰੌਕੀ ਹਾਲ ਵਾਸੀ ਮੁੰਬਈ, ਡਰਾਈਵਰ ਹਰਜਿੰਦਰ ਸਿੰਘ ਪੁੱਤਰ ਹਰਬੰਸ ਲਾਲ ਵਾਸੀ ਮਰਾਸਗੜ੍ਹ ਅਤੇ ਕਾਰ ਸਵਾਰ ਜਖਮੀਆਂ ਦੀ ਪਛਾਣ ਮਨਜਾਪ ਸਿੰਘ ਪੁੱਤਰ ਬਲਵੀਰ ਸਿੰਘ, ਮਨਜੋਤ ਸਿੰਘ ਪੁੱਤਰ ਹਰਭਜਨ ਸਿੰਘ, ਸੁਖਮਨ ਪੁੱਤਰ ਬਲਵਿੰਦਰ ਸਿੰਘ ਵਾਸੀ ਪਨਮਾਂ, ਜਸਪ੍ਰੀਤ ਸਿੰਘ ਪੁੱਤਰ ਜਗਤਾਰ ਸਿੰਘ, ਕੁਲਵੀਰ ਸਿੰਘ ਪੁੱਤਰ ਦਵਿੰਦਰ ਸਿੰਘ ਵਾਸੀ ਠੱਕਰ ਵਜੋਂ ਹੋਈ ਹੈ। ਖਬਰ ਲਿਖਣ ਤੱਕ ਐਕਸੀਡੈਂਟ ਹੋਣ ਦੇ ਕਾਰਨ ਦਾ ਪਤਾ ਨਹੀਂ ਲੱਗ ਸਕਿਆ। ਦਸੂਹਾ ਹਸਪਤਾਲ ਵਿਖੇ ਜਖਮੀਆਂ ਦਾ ਉਪਚਾਰ ਕਰ ਰਹੇ ਡਾ ਬਲਵਿੰਦਰ ਸਿੰਘ,ਡਾ ਕਰਨ ਤੇ ਡਾ ਹਿਤੇਸ਼ ਭਾਟੀਆ ਨੇ ਦੱਸਿਆ ਕਿ ਜਖਮੀਆਂ ਦੇ ਅੰਦਰੂਨੀ ਸੱਟਾਂ ਜਿਆਦਾ ਲੱਗੀਆਂ ਹਨ ਤੇ ਉਪਚਾਰ ਕੀਤਾ ਜਾ ਰਿਹਾ ਹੈ । ਇਸ ਮੌਕੇ ਹਲਕਾ ਵਿਧਾਇਕ ਦੇ ਪਿਤਾ ਜਗਮੋਹਨ ਸਿੰਘ ਬੱਬੂ ਘੁੰਮਣ, ਅਮਰਪ੍ਰੀਤ ਸਿੰਘ ਸੋਨੂੰ ਖਾਲਸਾ, ਉਪ ਪ੍ਰਧਾਨ ਨਗਰ ਕੌਂਸਲ ਦਸੂਹਾ ਤੇ ਐਸ ਐਚ ਓ ਇੰਸਪੈਕਟਰ ਰਜਿੰਦਰ ਕੁਮਾਰ ਨੇ ਹਸਪਤਾਲ ਪਹੁੰਚ ਕੇ ਜਖਮੀਆਂ ਦਾ ਹਾਲ ਚਾਲ ਪੁੱਛਿਆ। ਇਸ ਮੌਕੇ ਤਬਦੀਸ਼ੀ ਅਫਸਰ ਏ ਐਸ ਆਈ ਸਰਬਜਤ ਸਿੰਘ ਨੇ ਘਟਨਾ ਵਾਲੀ ਥਾਂ ਤੇ ਪਹੁੰਚ ਕੇ ਘਟਨਾ ਦਾ ਜਾਇਜ਼ਾ ਲਿਆ ਤੇ ਅਗਲੇਰੀ ਜਾਂਚ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।