ਗੜ੍ਹਦੀਵਾਲਾ (ਚੌਧਰੀ)
: ਕੰਢੀ ਖੇਤਰ ਦੇ ਪਿੰਡ ਭੰਬੋਵਾਲ ਵਿੱਖੇ ਬਾਬਾ ਨਾਗ ਦੇਵਤਾ ਜੀ ਦੇ ਮੰਦਰ ਵਿੱਖੇ ਸਵਰਨੀ ਦੇਵੀ ਨੇ ਆਪਣੀ ਮਾਤਾ ਸਵਰਗੀਅ ਗਾਇਤ੍ਰੀ ਦੇਵੀਂ ਤੇ ਪਿਤਾ ਸਵਰਗੀ ਵਿੱਦਿਆ ਦਾਸ ਦੀ ਯਾਦ ਵਿੱਚ ਇੱਕ ਲੱਖ ਰੁਪਏ ਮੰਦਰ ਕਮੇਟੀ ਨੂੰ ਭੇਂਟ ਕੀਤੇ। ਇਸ ਮੋਕੇ ਭਾਜਪਾ ਜ਼ਿਲਾ ਇੰਚਾਰਜ ਅਤੇ ਸਰਪੰਚ ਸੰਜੀਵ ਮਨਹਾਸ ਨੇ ਸ਼੍ਰੀਮਤੀ ਸਵਰਨੀ ਦੇਵੀ ਜੀ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਉਹਨਾਂ ਵਲੋਂ ਆਪਣੇ ਮਾਤਾ ਪਿਤਾ ਦੀ ਯਾਦ ਵਿੱਚ ਇੱਕ ਲੱਖ ਰੁਪਏ ਬਾਬਾ ਨਾਗ ਦੇਵਤਾ ਮੰਦਿਰ ਦੇ ਕੰਮਕਾਜ ਲਈ ਭੇਟ ਕਰਨਾ ਸ਼ਲਾਘਾ ਯੋਗ ਕਦਮ ਹੈ। ਮਨਹਾਸ ਨੇ ਦੱਸਿਆ ਕਿ ਸਵਰਨੀ ਦੇਵੀ ਪਿੰਡ ਭੰਬੋਵਾਲ ਦੇ ਰਹਿਣ ਵਾਲੇ ਸਵਰਗੀ ਵਿੱਦਿਆ ਦਾਸ ਜੀ ਦੀ ਸਪੁੱਤਰੀ ਹੈ ਉਹਨਾਂ ਵਲੋਂ ਹਮੇਸ਼ਾਂ ਧਾਰਮਿਕ ਤੇ ਸਮਾਜਿਕ ਕੰਮਾਂ ਵਿੱਚ ਯੌਗਦਾਨ ਪਾਉਣਾ ਇੱਕ ਚੰਗੀ ਸੋਚ ਹੈ। ਸਮੂਹ ਨਗਰ ਨਿਵਾਸੀਆਂ ਵੱਲੋਂ ਸਵਰਨੀ ਦੇਵੀ ਨੂੰ ਸਨਮਾਣਿਤ ਕੀਤਾ ਗਿਆ।ਇਸ ਮੋਕੇ ਭਾਜਪਾ ਜ਼ਿਲਾ ਇੰਚਾਰਜ ਅਤੇ ਸਰਪੰਚ ਸੰਜੀਵ ਮਨਹਾਸ,ਸੱਤਪਾਲ ਸਿੰਘ ਯੋਨੀ ਠਾਕੁਰ, ਰੰਜਨਾ ਦੇਵੀ, ਲਵਦੀਪ, ਰੀਆ,ਕਮੇਟੀ ਪ੍ਰਧਾਨ ਬਿਸ਼ਨ ਦਾਸ , ਸੁਬੇਦਾਰ ਹਰਦੇਵ ਸਿੰਘ, ਲਵਲੀ ਠਾਕੁਰ, ਠਾਕੁਰ ਮੰਗਲ ਸਿੰਘ, ਸ਼ਾਮ ਸਿੰਘ, ਸੁਰਿੰਦਰ ਕਾਕਾ ਆਦਿ ਹਾਜ਼ਰ ਸਨ।
