ਫਗਵਾੜਾ 9 ਨਵੰਬਰ ( ਲਾਲੀ)

* ਸੋਹਪਾਲ ਪ੍ਰੀਵਾਰਾਂ ਨੇ ਲਿਆ ਵੱਡੇ ਵਡੇਰਿਆਂ ਦਾ ਅਸ਼ੀਰਵਾਦ

: ਸੋਹਪਾਲ ਜਠੇਰਿਆਂ ਦਾ ਸਲਾਨਾ ਜੋੜ ਮੇਲਾ ਪਿੰਡ ਮਸਾਣੀ ਵਿਖੇ ਕਮੇਟੀ ਪ੍ਰਧਾਨ ਨਿਰੰਜਨ ਦਾਸ ਦੀ ਅਗਵਾਈ ਹੇਠ ਸਮੂਹ ਸੋਹਪਾਲ ਪਰਿਵਾਰਾਂ ਵਲੋਂ ਸ਼ਰਧਾ ਤੇ ਉਤਸ਼ਾਹ ਨਾਲ ਮਨਾਇਆ ਗਿਆ। ਸਵੇਰੇ ਪਿੱਤਰਾਂ ਦੀ ਪੂਜਾ ਉਪਰੰਤ ਨਿਸ਼ਾਨ ਸਾਹਿਬ ਦੀ ਸੇਵਾ ਨਿਭਾਈ ਗਈ। ਜਿਸ ਤੋਂ ਬਾਅਦ ਧਾਰਮਿਕ ਸਟੇਜ ਸਜਾਈ ਗਈ। ਜਿਸ ਵਿੱਚ ਸੁੱਚਾ ਸਬਰੀ ਐਂਡ ਮਿਊਜੀਕਲ ਗਰੁੱਪ ਵਲੋਂ ਧਾਰਮਿਕ ਅਤੇ ਸੱਭਿਆਚਾਰਕ ਗੀਤਾਂ ਰਾਹੀਂ ਸੰਗਤਾਂ ਨੂੰ ਨਿਹਾਲ ਕੀਤਾ ਗਿਆ। ਇਸ ਮੌਕੇ ਐਨ.ਆਰ.ਆਈ. ਦਿਨੇਸ਼ ਸੋਹਪਾਲ (ਆਸਟ੍ਰੇਲੀਆ) ਨੇ ਸਮੂਹ ਸੋਹਪਾਲ ਪਰਿਵਾਰਾਂ ਨੂੰ ਸਲਾਨਾ ਜੋੜ ਮੇਲੇ ਦੀ ਵਧਾਈ ਦਿੱਤੀ ਅਤੇ ਆਪਸੀ ਭਾਈਚਾਰਾ ਮਜਬੂਤ ਬਣਾਈ ਰੱਖਣ ਦੀ ਗੱਲ ਕਹੀ। ਕਮੇਟੀ ਸਕੱਤਰ ਮੋਹਨ ਸਿੰਘ ਸੋਹਪਾਲ ਨੇ ਵੀ ਸਲਾਨਾ ਜੋੜ ਮੇਲੇ ਦੀ ਵਧਾਈ ਦਿੰਦਿਆਂ ਕਿਹਾ ਕਿ ਇਸ ਤਰ੍ਹਾਂ ਦੇ ਪ੍ਰੋਗਰਾਮ ਸਮੂਹ ਸੋਹਪਾਲ ਪਰਿਵਾਰਾਂ ਨੂੰ ਆਪਸੀ ਮੇਲਜੋਲ ਵਧਾਉਣ ਦਾ ਮੌਕਾ ਦਿੰਦੇ ਹਨ। ਉਹਨਾਂ ਦੱਸਿਆ ਕਿ ਇਹ ਸਲਾਨਾ ਮੇਲਾ ਹਰ ਸਾਲ ਦੀਵਾਲੀ ਤੋਂ ਬਾਅਦ ਆਉਣ ਵਾਲੇ ਪਹਿਲੇ ਐਤਵਾਰ ਨੂੰ ਮਨਾਇਆ ਜਾਂਦਾ ਹੈ। ਸਮਾਗਮ ਦੌਰਾਨ ਆਰ.ਐਲ. ਜੱਸੀ ਨੇ ਜਠੇਰਿਆਂ ਦੇ ਮਹੱਤਵ ਬਾਰੇ ਭਰਪੂਰ ਚਾਨਣਾ ਪਾਇਆ। ਪ੍ਰਬੰਧਕਾਂ ਵਲੋਂ ਗਾਇਕ ਕਲਾਕਾਰ ਅਤੇ ਸਹਿਯੋਗੀਆਂ ਨੂੰ ਸਨਮਾਨਿਤ ਵੀ ਕੀਤਾ ਗਿਆ। ਇਸ ਮੌਕੇ ਸੇਵਾਦਾਰਾਂ ਨੇ ਚਾਹ- ਪਕੌੜੇ ਅਤੇ ਲੰਗਰ ਦੀ ਸੇਵਾ ਅਤੁੱਟ ਵਰਤਾਈ ਗਈ। ਇਸ ਮੌਕੇ ਤੋਖਾ ਰਾਮ ਸੋਹਪਾਲ, ਜਸਵੰਤ ਸਿੰਘ ਸੋਹਪਾਲ, ਹਰਜਿੰਦਰ ਸਿੰਘ ਸੋਹਪਾਲ, ਵਿਜੇ ਕੁਮਾਰ ਸੋਹਪਾਲ, ਗੁਰਦਾਵਰ ਚੰਦ ਸੋਹਪਾਲ ਸਮੇਤ ਵੱਡੀ ਗਿਣਤੀ ਵਿੱਚ ਸੋਹਪਾਲ ਪਰਿਵਾਰਾਂ ਨੇ ਨਤਮਸਤਕ ਹੋ ਕੇ ਅਤੇ ਵੱਡੇ ਵਢੇਰਿਆਂ ਦਾ ਅਸ਼ੀਰਵਾਦ ਪ੍ਰਾਪਤ ਕੀਤਾ।

ਤਸਵੀਰ – ਜਠੇਰੇ ਸੋਹਪਾਲ ਅਸਥਾਨ ਦੀ ਤਸਵੀਰ।