ਗੜ੍ਹਦੀਵਾਲਾ 29 ਅਕਤੂਬਰ (ਚੌਧਰੀ)
: ਪੰਜਾਬ ਸਰਕਾਰ ਅਤੇ ਸਿਵਲ ਸਰਜਨ ਹੁਸ਼ਿਆਰਪੁਰ ਡਾ. ਪਵਨ ਕੁਮਾਰ ਜੀ ਦੇ ਦਿਸ਼ਾ ਨਿਰਦੇਸ਼ਾ ਅਨੁਸਾਰ ਸੀਨੀਅਰ ਮੈਡੀਕਲ ਅਫਸਰ ਡਾ. ਹਰਜੀਤ ਸਿੰਘ ਦੀ ਪ੍ਰਧਾਨਗੀ ਹੇਠ ਸੀ. ਐਚ. ਸੀ ਭੂੰਗਾ ਵਿਖੇ ਵਿਸ਼ਵ ਸਟ੍ਰੋਕ ਜਾਗਰੂਕਤਾ ਦਿਵਸ ਮਨਾਇਆ ਗਿਆ ।
ਇਸ ਮੌਕੇ ਤੇ ਡਾ. ਹਰਜੀਤ ਸਿੰਘ ਨੇ ਜਾਣਕਾਰੀ ਦਿੰਦੇ ਹੋਏ ਨੇ ਦੱਸਿਆ ਕਿ ਸਟ੍ਰੋਕ ਉਹ ਸਥਿਤੀ ਹੁੰਦੀ ਹੈ ਜਦੋ ਦਿਮਾਗ ਦੇ ਇਕ ਹਿਸੇ ਨੂੰ ਖੂਨ ਦੀ ਸਪਲਾਈ ਵਿੱਚ ਕਲਾਟ ਜਾ ਨਾੜੀ ਦੇ ਫੱਟਣ ਨਾਲ ਰੁਕਾਵਟ ਆ ਜਾਂਦੀ ਹੈ। ਸ਼ਰੀਰ ਦੇ ਇਕ ਪਾਸੇ ਦਾ ਲਕਵਾ ਜਾ ਕਮਜ਼ੋਰੀ, ਬੋਲਣ ਵਿੱਚ ਮੁਸ਼ਕਿਲ, ਚੱਲਣ ਵਿੱਚ ਮੁਸ਼ਕਲ, ਸਿਰ ਦਰਦ ਤੇ ਉਲਟਿਆ ਲੱਗਣਾ ਇਸ ਦੇ ਲੱਛਣ ਹੋ ਸਕਦੇ ਹਨ। ਸਟ੍ਰੋਕ ਦੁਨੀਆ ਵਿੱਚ ਦੂਸਰਾ ਸਭ ਤੋਂ ਵੱਡਾ ਮੌਤ ਦਾ ਕਾਰਣ ਹੈ ਅਤੇ ਤਕਰੀਬਨ 50 ਲੱਖ ਲੋਕ ਹਰ ਸਾਲ ਇਸ ਕਾਰਣ ਮੌਤ ਦਾ ਸ਼ਿਕਾਰ ਹੁੰਦੇ ਹਨ। ਉਨਾ ਦਸਿਆ ਕਿ ਸਟ੍ਰੋਕ ਦੀ ਹਾਲਤ ਵਿੱਚ ਪਹਲੇ 6 ਘੰਟੇ ਗੋਲਡਨ ਅਵਰਸ ਮੰਨੇ ਜਾਂਦੇ ਹਨ ਇਸ ਸਮੇਂ ਦੌਰਾਨ ਮਰੀਜ ਦੇ ਹਸਪਤਾਲ ਪਹੁੰਚਣ ਨਾਲ ਜਾਨ ਬੱਚਣ ਦੀ ਸੰਭਾਵਨਾ ਵੱਧ ਹੁੰਦੀ ਹੈਂ ।
ਉਨ੍ਹਾਂ ਦਸਿਆ ਕਿ ਵਧੇਰੇ ਭਾਰ ਦਾ ਹੋਣਾ, ਤੰਬਾਕੂ ਨੋਸ਼ੀ, ਸ਼ਰਾਬ ਦਾ ਸੇਵਨ ਅਤੇ ਸ਼ਰੀਰਕ ਕਸਰਤ ਦਾ ਘੱਟ ਹੋਣਾ ਸਟ੍ਰੋਕ ਹੋਣ ਦੀ ਸਭਾਵਨਾ ਵਧਾ ਦਿੰਦਾ ਹੈ ।ਇਸਦੇ ਨਾਲ ਹੀ ਜਿਹੜੇ ਲੋਕ ਬਿਮਾਰੀਆਂ ਤੋਂ ਪੀੜਤ ਹਨ ਜਿਵੇ ਕਿ ਬਲੱਡ ਪ੍ਰੈਸ਼ਰ, ਸ਼ੁਗਰ, ਕੋਲਸਟਰੋਲ ਦਾ ਜਿਆਦਾ ਹੋਣਾ, ਉਨਾ ਨੂੰ ਵਿਸ਼ੇਸ ਧਿਆਨ ਦੇਣ ਦੀ ਲੋੜ ਹੈਂ। ਇਸ ਮੌਕੇ ਤੇ ਜਸਤਿੰਦਰ ਸਿੰਘ ਨੇ ਸ਼ਰੀਰਕ ਕਸਰਤ,ਭੋਜਨ ਚ ਬਦਲਾਵ,ਸੋਡਿਅਮ, ਮੀਟ ਮਿਠਾਈਆ ਨੂੰ ਸੀਮਤ ਕਰਨ, ਤੰਬਾਕੂ ਨੋਸ਼ੀ, ਸ਼ਰਾਬ ਦਾ ਸੇਵਨ ਬੰਦ ਕਰਨਾ ਅਤੇ ਨਿਰੰਤਰ ਸਿਹਤ ਜਾਂਚ ਤੇ ਜੋਰ ਦਿੰਦੇ ਕਿਹਾ ਕਿ ਸਾਨੰੰ ਸ਼ਰੀਰਕ ਸਹਿਭਾਗਿਤਾ ਨੂੰ ਵਧਾਉਣ ਦੀ ਲੋੜ ਹੈ।
ਇਸ ਮੈਕੇ ਅਮਿਤ ਸ਼ਰਮਾ,ਗੁਜਿੰਦਰਜੀਤ ਸਿੰਘ ਜਗਦੀਪ ਸਿੰਘ , ਸੁਰਜੀਤ ਸਿੰਘ,ਕਰਮਜੀਤ ਸਿੰਘ,ਬਹਾਦਰ ਸਿੰਘ, ਮਨਜਿੰਦਰ ਸਿੰਘ,ਇਦਰਜੀਤ ਸਿੰਘ,ਅਰਪਿੰਦਰ ਸਿੰਘ,ਮਨਜੀਤ ਸਿੰਘ, ਗੁਰਵਿੰਦਰ ਸਿੰਘ,ਗੁਜਿੰਦਰ ਸਿੰਘ,ਗੁਰਵਿੰਦਰਪਾਲ ਸਿੰਘ, ਸਰਤਾਜ ਸਿੰਘ,ਸਤਵੀਰ ਕੁਮਾਰ,ਸੁਰਜੀਤ ਸਿੰਘ,ਅਸ਼ਵਨੀ ਕੁਮਾਰ, ਚੰਦਰਮੋਹਨ ਸਿੰਘ,ਲਖਵੀਰ ਸਿੰਘ,ਰਣਜੋਧ ਸਿੰਘ, ਹਰਵਿੰਦਰਪਾਲ ਸਿੰਘ,ਹਰਜਿੰਦਰ ਸਿੰਘ,ਸਰਵਜੀਤ ਸਿੰਘ, ਕਮਲਜੀਤ ਸਿੰਘ ਅਤੇ ਹੋਰ ਲੋਕ ਹਾਜਰ ਸਨ।
