ਗੜ੍ਹਦੀਵਾਲਾ (ਯੋਗੇਸ਼ ਗੁਪਤਾ)
ਭਗਵਾਨ ਵਾਲਮੀਕਿ ਸਭਾ ਗੜ੍ਹਦੀਵਾਲਾ ਤੇ ਸਮੂਹ ਇਲਾਕਾ ਨਿਵਾਸੀਆਂ ਦੇ ਸਹਿਯੋਗ ਨਾਲ ਮਹਾਰਿਸ਼ੀ ਸ਼੍ਰੀ ਵਾਲਮੀਕਿ ਜੀ ਦੇ ਪ੍ਰਗਟ ਦਿਵਸ ਦੇ ਸਬੰਧ ਵਿਚ ਗੜ੍ਹਦੀਵਾਲਾ ਵਿਖੇ ਧੂਮਧਾਮ ਨਾਲ ਵਿਸ਼ਾਲ ਸ਼ੋਭਾ ਯਾਤਰਾ ਸਜਾਈ ਗਈ। ਇਸ ਮੌਕੇ ਹਲਕਾ ਵਿਧਾਇਕ ਜਸਬੀਰ ਸਿੰਘ ਰਾਜਾ ਗਿੱਲ, ਆਮ ਆਦਮੀ ਪਾਰਟੀ ਦੇ ਜ਼ਿਲਾ ਯੂਥ ਪ੍ਰਧਾਨ ਰਾਜਵਿੰਦਰ ਸਿੰਘ ਰਾਜਾ, ਸਾਬਕਾ ਕੈਬਨਿਟ ਮੰਤਰੀ ਸੰਗਤ ਸਿੰਘ ਗਿਲਜੀਆਂ ਜ਼ਿਲਾ ਕੋਆਰਡੀਨੇਟਰ ਕੁਲਦੀਪ ਸਿੰਘ ਮਿੰਟੂ,ਸਮੂਹ ਐਮਸੀ ਤੇ ਮਹਾਰਾਜ ਕਰਿਆਨੇ ਵਾਲੇ ਆਦਿ ਦਾ ਵਿਸ਼ੇਸ਼ ਤੋਰ ਤੇ ਸਨਮਾਨ ਕਿੱਤਾ ਗਿਆ । ਇਹ ਸ਼ੋਭਾ ਯਾਤਰਾ ਭਗਵਾਨ ਸ਼੍ਰੀ ਵਾਲਮੀਕਿ ਮੰਦਰ ਗੜ੍ਹਦੀਵਾਲਾ ਤੋਂ ਸ਼ੁਰੂ ਹੋ ਕੇ ਸ਼ਹਿਰ ਦੇ ਵੱਖ-ਵੱਖ ਸਥਾਨਾ ਤੋਂ ਹੁੰਦੀ ਹੋਈ ਵਾਪਸ ਭਗਵਾਨ ਵਾਲਮੀਕਿ ਮੰਦਰ ਸਮਾਪਤ ਹੋਈ। ਇਸ ਸ਼ੋਭਾ ਯਾਤਰਾ ਦਾ ਵੱਖ-ਵੱਖ ਸਥਾਨਾਂ ‘ਤੇ ਫੁੱਲਾਂ ਦੀ ਵਰਖਾ ਕਰ ਕੇ ਸ਼ਾਨਦਾਰ ਸਵਾਗਤ ਕੀਤਾ ਗਿਆ ਅਤੇ ਸ਼ਰਧਾਲੂਆਂ ਵੱਲੋਂ ਵੱਖ-ਵੱਖ ਪ੍ਰਕਾਰ ਦੇ ਲੰਗਰ ਲਾਏ ਗਏ।
ਇਸ ਮੌਕੇ ਭਗਵਾਨ ਵਾਲਮੀਕਿ ਜੀ ਦੀ ਸੁੰਦਰ ਪਾਲਕੀ ਨਾਲ ਰਾਮ ਸੀਤਾ, ਸ਼ਿਵ ਪਰਿਵਾਰ, ਹਨੂੰਮਾਨ, ਲਵ-ਕੁਸ਼ ਸਮੇਤ ਅਨੇਕਾਂ ਸੁੰਦਰ ਝਾਕੀਆਂ ਸਜਾਈਆਂ ਗਈਆਂ, ਜੋ ਕਿ ਸ਼ਰਧਾਲੂਆਂ ਲਈ ਖਿੱਚ ਦਾ ਕੇਂਦਰ ਬਣੀਆਂ।
ਇਸ ਮੌਕੇ ਤੇ ਪ੍ਰਧਾਨ ਬਿੰਦਰਪਾਲ ਬਿੱਲਾ,ਐੱਸ. ਐੱਚ. ਓ. ਗੁਰਸਾਹਿਬ ਸਿੰਘ,ਵਪਾਰ ਮੰਡਲ ਤੋਂ ਰਿਸ਼ਭ ਗੁਪਤਾ ਮਹਾਰਾਜ,ਕਾਂਗਰਸ ਆਗੂ ਅਚਿੰਨ ਸ਼ਰਮਾ, ਆਪ ਆਗੂ. ਰਾਜੂ ਗੁਪਤਾ, ਡਾਕਟਰ ਅਜੇ ਥੰਮਨ, ਐੱਮ. ਸੀ. ਸਰੋਜ ਮਿਨਹਾਸ, ਆਪ ਆਗੂ ਵਿਵੇਕ ਗੁਪਤਾ, ਤੀਰਥ ਸਿੰਘ, ਮਨਜੀਤ ਰੋਬੀ,ਅਜੀਤ ਸਿੰਘ,ਨਗਰ ਕੌਂਸਲ ਪ੍ਰਧਾਨ ਜਸਵਿੰਦਰ ਸਿੰਘ ਜੱਸਾ,ਭਾਜਪਾ ਆਗੂ ਯੋਗੇਸ਼ ਸਪਰਾ,ਆਪ ਆਗੂ ਰਮਨ ਤ੍ਰਿਵੇਦੀ,ਪ੍ਰਿੰਸ ਗੜ੍ਹਦੀਵਾਲਾ, ਸੌਰਵ ਮਿਨਹਾਸ, ਸਨੀ ਮਿਨਹਾਸ, ਨੰਬਰਦਾਰ ਧਰਮਿੰਦਰ ਕਲਿਆਣ, ਤਜਿੰਦਰ ਕਿੰਦਾ, ਸਾਬੀ ਮਾਲਕ, ਪੰਕਜ ਸਿੱਧੂ, ਸਾਬਕਾ ਐਮ. ਸੀ. ਵਿੱਕੀ ਸੰਧੂ, ਸੁਨੀਲ ਕਲਿਆਣ ਸਮੇਤ ਵੱਡੀ ਗਿਣਤੀ ਵਿਚ ਸੰਗਤਾਂ ਤੇ ਵਾਲਮੀਕ ਭਾਈਚਾਰਾ ਹਾਜ਼ਰ ਸਨ।
