ਗੜ੍ਹਦੀਵਾਲਾ 29 ਅਗਸਤ (ਚੌਧਰੀ)

: ਅੱਜ ਦੀ ਭੱਜ ਦੌੜ ਜ਼ਿਦਗੀ ਵਿੱਚ ਬਹੁਤ ਹੀ ਘੱਟ ਇਨਸਾਨ ਹਨ ਜੋਂ ਆਪਣੀ ਸਰਕਾਰੀ ਨੌਕਰੀ ਦੌਰਾਨ ਮਾਨਵਤਾ ਦੀ ਦਿਲੋਂ ਸੇਵਾ ਕਰਦਾ ਹੋਣ, ਉਹਨਾ ਵਿੱਚੋ ਇੱਕ ਹਨ ਡਾਕਟਰ ਰਣਜੀਤ ਸਿੰਘ ਰਾਣਾ ਜੋਂ ਪੀ ਐੱਚ ਸੀ ਭੁੰਗਾ ਵਿਖੇ ਸਰਕਾਰੀ ਨੌਕਰੀ ਤੇ ਤੈਨਾਤ ਹਨ। ਜੋ ਹਰ ਮਰੀਜ਼ ਦੀ ਹਰ ਬਿਮਾਰੀ ਧਿਆਨ ਨਾਲ ਦੇਖਕੇ ਬਹੁਤ ਵਧੀਆ ਤਰੀਕੇ ਨਾਲ ਇਲਾਜ ਕਰਦੇ ਹਨ। ਅੱਜ ਤੱਕ ਕਿਸੇ ਵੀ ਮਰੀਜ਼ ਨਾਲ ਗੁੱਸੇ ਨਾਲ ਪੇਸ਼ ਨਹੀਂ ਆਏ। ਜਿਨ੍ਹਾਂ ਦੀ ਡਾਕਟਰੀ ਪ੍ਰਤੀ ਕਾਬਲੀਅਤ ਨੂੰ ਵੇਖਦਿਆਂ ਪੰਜਾਬ ਸਰਕਾਰ ਵੱਲੋਂ ਵੀ ਸਨਮਾਨਿਤ ਕੀਤਾ ਗਿਆ। ਜਿਸ ਦਾ ਗੜਦੀਵਾਲਾ ਨੂੰ ਹੀ ਨਹੀਂ ਹੁਸ਼ਿਆਰਪੁਰ ਜ਼ਿਲ੍ਹੇ ਨੂੰ ਵੀ ਮਾਣ ਹੈ ਕਿਉਂਕਿ ਡਾਕਟਰ ਰਣਜੀਤ ਸਿੰਘ ਰਾਣਾ ਕੋਲ ਇਲਾਜ ਲਈ ਬਹੁਤ ਦੁਰ ਦੁਰਾਡੇ ਤੋਂ ਮਰੀਜ਼ ਆਉਂਦੇ ਹਨ। ਇਸ ਵਾਸਤੇ ਕਾਂਗਰਸ ਵੱਲੋਂ ਆਲ ਇੰਡੀਆ ਸੋਨੀਆ ਗਾਂਧੀ ਐਸੋਸੀਏਸ਼ਨ ਪੰਜਾਬ ਪ੍ਰਧਾਨ ਤੇ ਆਲ ਇੰਡੀਆ ਕਾਂਗਰਸ ਕਮੇਟੀ ਹਿਉਮਨ ਰਾਈਟਸ ਦੋਆਬਾ ਜੋਨ ਪ੍ਰਧਾਨ ਸਰੂਪ ਸਿੰਘ ਪੰਡੋਰੀ ਅਰਾਈਆਂ ਵੱਲੋਂ ਡਾਕਟਰ ਰਣਜੀਤ ਸਿੰਘ ਰਾਣਾ ਨੂੰ ਪ੍ਰਸੰਸਾ ਪੱਤਰ ਨਾਲ ਸਨਮਾਨਿਤ ਕੀਤਾ ਗਿਆ। ਇਸ ਮੋਕੇ ਪੰਡੋਰੀ ਅਰਾਈਆਂ ਨੇ ਕਿਹਾ ਸਾਡਾ ਸਾਰਿਆਂ ਦਾ ਫਰਜ਼ ਬਣਦਾ ਹੈ ਕਿ ਅਸੀਂ ਪਾਰਟੀ ਬਾਜੀ ਤੇ ਜਾਤਪਾਤ ਤੋਂ ਉੱਪਰ ਉੱਠ ਕੇ ਇੱਕ ਵਧੀਆ ਇਨਸਾਨ ਦਾ ਹੌਸਲਾ ਵਧਾਈਏ ਤੇ ਨਵੀਂ ਪੀੜ੍ਹੀ ਨੂੰ ਵੀ ਸੇਧ ਦਾਈਏ। ਜਿਸ ਨਾਲ ਸਮਾਜ ਵਿੱਚ ਨਿਖਾਰ ਆਵੇਗਾ। ਇਸ ਮੌਕੇ ਡਾਕਟਰ ਰਣਜੀਤ ਸਿੰਘ ਰਾਣਾ ਤੇ ਉਹਨਾਂ ਦੀ ਧਰਮਪਤਨੀ ਡਾਕਟਰ ਸਵਿਤਾ ਰਾਣਾ ਵੀ ਹਾਜ਼ਰ ਸਨ।ਇਸ ਮੌਕੇ ਡਾਕਟਰ ਰਣਜੀਤ ਸਿੰਘ ਰਾਣਾ ਨੇ ਸਰੂਪ ਸਿੰਘ ਪੰਡੋਰੀ ਅਰਾਈਆਂ ਤੇ ਕਾਂਗਰਸ ਪਾਰਟੀ ਦਾ‌ ਧੰਨਵਾਦ ਕਰਦਿਆਂ ਕਿਹਾ ਇਸ ਤੋਂ ਪਹਿਲਾਂ ਮੈਨੂੰ ਪੰਜਾਬ ਸਰਕਾਰ ਪੰਜਾਬ ਹੈਲਥ ਕਾਰਪੋਰੇਸ਼ਨ ਵੱਲੋਂ ਪੰਜਾਬ ਵਿੱਚ ਸਰਜਰੀ ਦੇ ਖੇਤਰ ਵਿੱਚ ਵਧੀਆ ਸੇਵਾਵਾਂ ਨਿਵਾਉਣ ਲਈ ਪ੍ਰਸੰਸਾ ਪੱਤਰ ਨਾਲ ਸਨਮਾਨਿਤ ਕੀਤਾ ਹੈ। ਇਸ ਮੌਕੇ ਹਾਜ਼ਰ ਹਰਬਿਲਾਸ ਏ ਆਈਂ ਸੀ ਸੀ ਹਿਉਮਨ ਰਾਈਟਸ ਸਕੱਤਰ ਹੁਸ਼ਿਆਰਪੁਰ,ਜ਼ੋਰਾਵਰ ਸਿੰਘ ਯੂਥ ਕਾਂਗਰਸ ਪ੍ਰਧਾਨ ਗੜਦੀਵਾਲਾ,ਐਮ ਸੀ ਹਰਵਿੰਦਰ ਕੁਮਾਰ,ਗੁਰਦੀਪ ਸਿੰਘ ਸਾਬਕਾ ਐਮ ਸੀ, ਅਜੀਤ ਕੁਮਾਰ, ਇੰਦਰਜੀਤ ਸਿੰਘ, ਜਸਵੀਰ ਸਿੰਘ ਆਦਿ ਹਾਜ਼ਰ ਸਨ।