ਗੜ੍ਹਦੀਵਾਲਾ 26 ਅਪ੍ਰੈਲ (ਚੌਧਰੀ) 

: ਆਓ ਬਲ ਬਲ ਸੇਵਾ ਸੁਸਾਇਟੀ ਦੀ ਮੁਹਿੰਮ ਵਿੱਚ ਹਿੱਸਾ ਪਾਈਏ, ਜਿਸ ਧਰਤੀ ਨੂੰ ਮਾਂ ਕਹਿੰਦੇ ਉਹ ਉੱਪਰ ਨਾ ਗੰਦ ਪਾਈਏ, ਹਵਾ, ਪਾਣੀ ਅਤੇ ਧਰਤੀ ਮਾਂ ਪਲਾਸਟਿਕ ਮੁਕਤ ਬਣਾਈਏ। ਸੜਕਾਂ ਅਤੇ ਕੂੜੇ ਦੇ ਡੰਪਾਂ ਤੇ ਗੰਦਗੀ ਦੇ ਢੇਰ ਲੱਗੇ ਹੋਏ ਹਨ। ਜਿਸ ਵਿਚ ਸਭ ਤੋਂ ਜਿਆਦਾ ਪਲਾਸਟਿਕ ਨਜ਼ਰ ਆਉਂਦੀ ਹੈ। ਇਸ ਪਲਾਸਟਿਕ ਨੂੰ ਖਤਮ ਕਰਨਾ ਹੀ ਸੁਸਾਇਟੀ ਦਾ ਮੰਤਵ ਹੈ। ਅਸੀਂ ਸਭ ਨੇ ਰਲ ਕੇ ਇਹ ਕੰਮ ਕਰਨਾ ਹੈ ਜੋ ਸਾਡੇ ਘਰਾਂ ਵਿੱਚ ਵੇਸਟ ਪਲਾਸਟਿਕ ਉਸਨੂੰ ਕੂੜੇ ਵਿੱਚ ਨਹੀਂ ਮਿਲਾਉਣਾ ਉਸ ਨੂੰ ਇੱਕ ਬੋਰਾ ਜਾਂ ਬੈਗ ਲਗਾਉਣਾ ਹੈ ਜਿਸ ਵਿੱਚ ਇਸ ਵੇਸਟ ਪਲਾਸਟਿਕ ਨੂੰ ਇਕੱਠਾ ਕਰ ਲੈਣਾ ਹੈ, ਬਾਹਰ ਨਹੀਂ ਸੁੱਟਣਾ ਘਰ ਵਿੱਚ ਪਲਾਸਟਿਕ ਕਿਸੇ ਕਿਸਮ ਦੀ ਬਦਬੂ ਨਹੀਂ ਫੈਲਾਉਂਦਾ। ਜੇਕਰ ਪਲਾਸਟਿਕ ਨੂੰ ਬਾਹਰ ਸੁੱਟੋਗੇ ਜਾਂ ਕੂੜੇ ਵਿੱਚ ਪਾਓਗੇ ਤਾਂ ਬਦਬੂ ਦੇ ਨਾਲ ਨਾਲ ਇਸ ਵਿੱਚ ਬਰਸਾਤੀ ਪਾਣੀ ਖੜਾ ਹੋ ਜਾਵੇਗਾ ਜਿਸ ਨਾਲ ਤਰ੍ਹਾਂ ਤਰ੍ਹਾਂ ਦੀਆਂ ਬਿਮਾਰੀਆਂ ਫੈਲਣ ਦੇ ਅਸਾਰ ਵੀ ਵੱਧ ਜਾਂਦੇ ਹਨ। ਆਪਣੇ ਘਰ- ਬਾਹਰ ਸ਼ਹਿਰ ਦੀ ਸਾਫ਼ ਸਫ਼ਾਈ ਲਈ, ਕੁਦਰਤ ਦੀ ਸਾਂਭ- ਸੰਭਾਲ ਲਈ,ਗਲੋਬਲ ਵਾਰਮਿੰਗ ਤੋਂ ਬਚਣ ਲਈ, ਆਪਣੇ ਬੱਚਿਆਂ ਦੇ ਭਵਿੱਖ ਲਈ ਹਵਾ,ਪਾਣੀ, ਧਰਤੀ ਨੂੰ ਦੂਸ਼ਿਤ ਹੋਣ ਤੋਂ ਬਚਾਉਣ ਲਈ ਅਤੇ ਆਪਣੀ ਚੰਗੀ ਸਿਹਤ ਲਈ ਸਾਨੂੰ ਸਭ ਨੂੰ ਇਹ ਕੰਮ ਕਰਨਾ ਹੋਵੇਗਾ। ਬਲ ਬਲ ਸੇਵਾ ਸੁਸਾਇਟੀ ਦੀ ਕੋਸ਼ਿਸ਼ ਨੂੰ ਸਫਲ ਬਣਾਉਣ ਲਈ ਆਪਣਾ ਯੋਗਦਾਨ ਪਾਓ। ਬਲ ਬਲ ਸੇਵਾ ਸੋਸਾਇਟੀ ਪ੍ਰਧਾਨ ਹਰੀਕ੍ਰਿਸ਼ਨ ਕਜਲਾ ਅਤੇ ਚੇਅਰਪਰਸਨ ਰੋਜ਼ੀ ਸ਼ਰਮਾ  ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਸਰਕਲ ਪ੍ਰਧਾਨ ਰੇਸ਼ਮ ਸਿੰਘ ਵੱਲੋਂ 500 ਕੁਇੰਟਲ ਵੇਸਟ ਪਲਾਸਟਿਕ ਨੂੰ ਇਕੱਠਾ ਕਰਕੇ ਪਲਾਸਟਿਕ ਇੰਡਸਟਰੀ ਨੂੰ ਦਿੱਤਾ ਗਿਆ। ਰੇਸ਼ਮ ਸਿੰਘ ਜੀ ਨੇ ਦੱਸਿਆ ਕਿ ਇਸ ਵਿੱਚ ਉਹਨਾਂ ਦਾ ਸਾਥ ਈ.ਓ.ਕਮੇਟੀ ਗੜ੍ਹਦੀਵਾਲਾ ਰਾਮ ਪ੍ਰਕਾਸ਼, ਈ.ਓ. ਕਮੇਟੀ ਦਸੂਹਾ ਕਮਲਜਿੰਦਰ ਸਿੰਘ, ਈ.ਓ. ਸਿਮਰਨਜੀਤ ਸਿੰਘ ਢੀਂਡਸਾ, ਈ.ਓ. ਕਮੇਟੀ ਗੜ੍ਹਸ਼ੰਕਰ ਰਜੀਵ ਸਰੀਨ,ਈ.ਓ. ਕਮੇਟੀ ਤਲਵਾੜਾ ਮਦਨ ਸਿੰਘ , ਇੰਸਪੈਕਟਰ  ਪਵਨ ਕੁਮਾਰ,ਸੀ.ਐਫ.ਸੰਤੋਸ਼ ਕੁਮਾਰੀ ਸੋਨੀਆ, ਸੀ.ਐਫ. ਤ੍ਰਿਪਤਾ ਦੇਵੀ, ਸੀ.ਐਫ. ਸੁਨੀਤਾ ਜੀ, ਸੀ.ਐਫ. ਮਨਜੀਤ ਸਿੰਘ ਜੀ, ਸੀ.ਐਫ. ਪ੍ਰਭਜੋਤ ਸਿੰਘ ਜੀ,ਸੀ.ਐਫ. ਰੇਖਾ ਰਾਣੀ  ਅਤੇ ਬਲ ਬਲ ਸੇਵਾ ਸੋਸਾਇਟੀ ਨਾਲ ਜੁੜੇ ਸਮੂਹ ਸਾਥੀਆਂ ਦੇ ਸਹਿਯੋਗ ਨਾਲ ਇਸ ਵੇਸਟ ਪਲਾਸਟਿਕ ਨੂੰ ਇਕੱਠਾ ਕਰਨ ਵਿੱਚ ਸਹਿਯੋਗ ਕੀਤਾ ਗਿਆ। ਅੰਤ ਵਿੱਚ ਰੇਸ਼ਮ ਸਿੰਘ ਜੀ ਨੇ ਕਿਹਾ ਕਿ ਸਾਡਾ ਆਲਾ-ਦੁਆਲਾ ਵਾਤਾਵਰਨ ਸਾਫ- ਸੁਥਰਾ ਰਹੇਗਾ, ਪ੍ਰਦੂਸ਼ਣ ਮੁਕਤ ਕੁਦਰਤ ਹੋਵੇਗਾ। ਸ਼ੁੱਧ ਹਵਾ ਮਿਲੇਗੀ, ਪਲਾਸਟਿਕ ਰੂਪੀ ਬਿਮਾਰੀ ਤੋਂ ਅਸੀਂ ਆਪਣੀ ਧਰਤੀ, ਪਾਣੀ ਅਤੇ ਹਵਾ ਨੂੰ ਬਚਾਅ ਸਕਦੇ ਹਾਂ। ਕਿਸੇ ਵੀ ਤਰ੍ਹਾਂ ਦਾ ਜਾਨਵਰ ਜੋ ਪਲਾਸਟਿਕ ਖਾਂ ਕੇ ਆਪਣੀ ਜਾਨ ਗਵਾਉਂਦਾ ਹੈ ਉਸ ਦੀ ਸੁਰੱਖਿਆ ਹੋਵੇਗੀ, ਪਲਾਸਟਿਕ ਦੀ ਜਗ੍ਹਾ ਹਰ ਪਾਸੇ ਹਰਿਆਲੀ ਹੀ ਹਰਿਆਲੀ ਹੋਵੇਗੀ। ਕੂੜੇ ਵਿੱਚ ਨਾ ਪਲਾਸਟਿਕ ਮਿਲਾਓ ਬਲ ਬਲ ਸੇਵਾ ਸੋਸਾਇਟੀ ਦਾ ਸਾਥ ਨਿਭਾਓ।