ਦਸੂਹਾ 27 ਮਾਰਚ (ਚੌਧਰੀ) 

: ਚੇਅਰਮੈਨ ਕੇ.ਐਮ.ਐਸ ਕਾਲਜ ਚੌਧਰੀ ਕੁਮਾਰ ਸੈਣੀ ਸੀਨੀਅਰ ਸਿਟੀਜ਼ਨਜ਼ ਵੈਲਫੇਅਰ ਐਸੋਸੀਏਸ਼ਨ ਰਜਿ. ਦਸੂਹਾ ਦੇ ਸਕੱਤਰ ਜਰਨਲ ਆਪਣੀ 82 ਸਾਲ ਦੀ ਉਮਰ ਵਿੱਚ ਆਪਣੇ ਪੋਤੇ ਤੋਸ਼ਾਂਤ ਸੈਣੀ ਅਤੇ ਆਪਣੇ ਦੋਸਤ ਦਵਾਈ ਵਿਕਰੇਤਾ ਕਮਲ ਅਗਰਵਾਲ ਦੇ ਨਾਲ ਭਗਵਾਨ ਸ਼੍ਰੀ ਰਾਮ ਮੰਦਰ ਅਯੋਧਿਆ ਅਤੇ ਵਿਸ਼ਵ ਕਾਂਸ਼ੀਨਾਥ ਸ਼ਿਵ ਮੰਦਰ ਬਨਾਰਸ (ਯੂ.ਪੀ) ਦੀ 6 ਦਿਨ ਦੀ ਯਾਤਰਾ ਤੋ ਬਾਅਦ ਵਾਪਸ ਪਰਤਣ ਤੇ ਜਾਰੀ ਇਕ ਪ੍ਰੈਸ ਨੋਟ ਰਾਹੀਂ ਉਹਨਾ ਦੱਸਿਆ ਕਿ ਅਯੋਧਿਆ ਮੰਦਰ ਵਿਖੇ ਰਾਮ ਲਲਾ ਦੀ 22 ਜਨਵਰੀ 2024 ਨੂੰ ਪ੍ਰਧਾਨ ਮੰਤਰੀ ਸ਼੍ਰੀ ਨਰਿੰਦਰ ਮੋਦੀ ਜੀ ਵੱਲੋਂ ਪ੍ਰਾਣ ਪ੍ਰਤਿਸ਼ਠਾ ਤੋਂ ਬਾਅਦ ਇਸ ਮੰਦਰ ਦੇ ਲਗਪਗ 1 ਕਰੋੜ 10 ਲੱਖ ਲੋਕ ਹੁਣ ਤੱਕ ਦਰਸ਼ਨ ਕਰ ਚੁੱਕੇ ਹਨ। ਹਰ ਐਤਵਾਰ ਅਤੇ ਮੰਗਲਵਾਰ ਨੂੰ ਇਸਦੀ ਸੰਖਿਆ ਲਗਪਗ 3 ਤੋਂ 4 ਲੱਖ ਹੁੰਦੀ ਹੈ। ਹਰ ਰੋਜ਼ ਡੇਢ ਤੋਂ ਦੋ ਲੱਖ ਲੋਕ ਦੇਸ਼ ਦੇ ਵੱਖ ਵੱਖ ਕੋਨੇ ਤੋ ਅਯੋਧਿਆ ਪਹੁੰਚ ਕੇ ਰਾਮ ਲਲਾ ਦੇ ਦਰਸ਼ਨ ਕਰਦੇ ਹਨ। ਉਹਨਾ ਦੱਸਿਆ ਕਿ ਯੂ.ਪੀ ਦੇ ਮੁੱਖ ਮੰਤਰੀ ਯੋਗੀ ਅਦਿੱਤਿਆਨਾਥ ਨੇ ਅਯੋਧਿਆ ਅਤੇ ਬਨਾਰਸ ਦੇ ਨਾਲ ਨਾਲ ਸਾਰੀ ਯੂ.ਪੀ ਦਾ ਕਾਇਆ ਕਲਪ ਕਰ ਦਿੱਤਾ ਹੈ। ਉਹਨਾ ਆਪਣੀ ਇਸ ਯਾਤਰਾ ਦੌਰਾਨ ਧਰਮ ਗੁਰੂ ਸ਼੍ਰੀ ਰਵਿਦਾਸ ਜੀ ਦੇ ਜਨਮ ਅਸਥਾਨ ਮੰਦਰ ਦੇ ਦਰਸ਼ਨ ਵੀ ਕੀਤੇ। ਉਹਨਾ ਬਨਾਰਸ ਵਿਖੇ ਸ਼੍ਰੀ ਵਿਸ਼ਵਨਾਥ ਮੰਦਰ ਦੇ ਰਾਮੇਸ਼ਵਰ ਭਵਨ ਵਿਖੇ ਪੂਜਾ ਅਰਚਨਾ ਵੀ ਕੀਤੀ। ਇਸ ਤੋਂ ਇਲਾਵਾ ਉਹ ਕਬੀਰ ਦਾਸ ਚੌਂਕ ਵਿਖੇ ਵੀ ਨਤਮਸਤਿਕ ਹੋਏ। ਉਹਨਾ ਮਹਾਤਮਾ ਬੁੱਧ ਜੀ ਦੀ ਉਸ ਸਥਾਨ ਦੇ ਵੀ ਦਰਸ਼ਨ ਕੀਤੇ ਜਿੱਥੇ ਬੁੱਧ ਜੀ ਨੇ ਆਪਣੇ 5 ਅਨੁਯਾਈਆਂ ਨੂੰ ਪਹਿਲਾ ਉਪਦੇਸ਼ ਦਿੱਤਾ ਸੀ। ਉਹਨਾ ਕਿਹਾ ਕਿ ਇਹ ਮੇਰੀ ਆਪਣੀ ਜਿੰਦਗੀ ਦੀ ਸਭ ਤੋਂ ਵਧੀਆ ਧਾਰਮਿਕ ਯਾਤਰਾ ਸੀ।

ਕੈਪਸ਼ਨ : ਚੌਧਰੀ ਕੁਮਾਰ ਸੈਣੀ, ਤੋਸ਼ਾਂਤ ਸੈਣੀ ਅਤੇ ਕਮਲ ਅਗਰਵਾਲ ਅਯੋਧਿਆ ਵਿਖੇ ਰਾਮ ਮੰਦਰ ਅਤੇ ਵਿਸ਼ਵ ਕਾਂਸ਼ੀਨਾਥ ਮੰਦਰ ਬਨਾਰਸ ਵਿਖੇ ਨਤਮਸਤਿਕ ਹੁੰਦੇ ਹੋਏ।