ਗੜ੍ਹਦੀਵਾਲਾ ( ਪ੍ਰਦੀਪ ਕੁਮਾਰ /ਚੌਧਰੀ / ਯੋਗੇਸ਼ ਗੁਪਤਾ) 

: ਹਲਕਾ ਗੜ੍ਹਦੀਵਾਲਾ ਦੇ ਕੰਢੀ ਇਲਾਕੇ ਦੇ ਪਿੰਡ ਥਾਣਾ ਵਿਖੇ ਇੱਕ ਗਾਂ ਦੀਆਂ ਤੇਜਧਾਰ ਹਧਿਆਰ ਨਾਲ ਲੱਤਾਂ ਵੱਢਣ ਦਾ ਸਮਾਚਾਰ ਸਾਹਮਣ ਆਇਆ ਹੈ। ਜਿਸ ਸਬੰਧੀ ਗੜ੍ਹਦੀਵਾਲਾ ਪੁਲਿਸ ਨੇ ਮਾਮਲਾ ਇੱਕ ਵਿਅਕਤੀ ਤੇ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।

ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਤਰਸੇਮ ਸਿੰਘ ਪੁੱਤਰ ਦਸਵੰਤ ਸਿੰਘ ਵਾਸੀ ਪਿੰਡ ਥਾਣਾ ਮੁਹੱਲਾ ਘਰੋਟੇਵਾਲਾ ਨੇ ਦੱਸਿਆ ਕਿ ਉਹ ਖੇਤੀਬਾੜੀ ਦਾ ਕੰਮਕਾਜ ਕਰਨ ਦੇ ਨਾਲ ਨਾਲ ਪੰਜ ਗਊਆਂ ਨੂੰ ਵੀ ਪਾਲਦਾ ਹੈ। ਉਸ ਨੇ ਦੱਸਿਆਂ ਕਿ ਸਵੇਰੇ ਗਊਆਂ ਦੀਆਂ ਧਾਰਾਂ ਕੱਢ ਕੇ ਉਹ ਗਊਆਂ ਨੂੰ ਜੰਗਲ ਵਿਚ ਚੁਗਣ ਲਈ ਛੱਡ ਦਿੰਦੇ ਹਨ ਤੇ ਗਊਆਂ ਚੁੱਗਣ ਉਪਰੰਤ ਆਪ ਹੀ ਘਰੇ ਆ ਜਾਂਦੀਆਂ ਹਨ।

ਮਿਤੀ 9-01-2024 ਨੂਂ ਵਕਤ ਕਰੀਬ 10-00 ਏ.ਐਮ ਵਜੇ ਦਾ ਹੋਵੇਗਾ ਉਸ ਦੇ ਘਰ ਚਮੇਲ ਸਿੰਘ ਪੁੱਤਰ ਹੁਕਮਾ ਚੰਦ ਵਾਸੀ ਪਿੰਡ ਥਾਣਾ ਘਰ ਆਇਆ। ਜਿਸ ਨੇ ਦੱਸਿਆ ਕਿ ਤੇਰੀਆਂ ਗਾਂਵਾ ਗੰਡਿਆ ਦਾ ਨੁਕਸਾਨ ਕਰਦੀਆ ਹਨ। ਇਹਨਾ ਨੂੰ ਸਾਂਭ ਲੈ। ਮੇਰੀਆਂ ਚਾਰ ਗਾਂਵਾ ਘਰ ਆ ਗਈਆਂ ਇੱਕ ਗਾਂ ਘਰ ਨਹੀਂ ਆਈ। ਜਿਸ ਦੀ ਮੈਂ ਭਾਲ ਕਰਨ ਵਾਸਤੇ ਨਿਕਲਿਆ ਤਾਂ ਮੇਰੀ ਗਾਂ ਚਮੇਲ ਸਿੰਘ ਦੇ ਘਰ ਤੋ ਥੋੜੀ ਦੂਰ ਸ਼ਤੀਸ ਕੁਮਾਰ ਦੇ ਖੇਤਾਂ ਵਿੱਚ ਡਿੱਗੀ ਪਈ ਸੀ। ਜਿਸ ਦੀਆਂ 2 ਖੱਬੇ ਪਾਸੇ ਵਾਲੀਆ ਲੱਤਾਂ ਕੱਟੀਆਂ ਹੋਈਆਂ ਸਨ ਅਤੇ ਨੇੜੇ ਹੋਰ ਇੱਕ ਹੋਰ ਅਵਾਰਾ ਵੱਛੇ ਦੀਆਂ ਲੱਤਾਂ ਤੋੜੀਆਂ ਹੋਈਆਂ ਸਨ।