ਦਸੂਹਾ 27 ਦਸੰਬਰ (ਚੌਧਰੀ)
: ਸੀਨੀਅਰ ਸਿਟੀਜ਼ਨਜ਼ ਵੈਲਫੇਅਰ ਐਸੋਸੀਏਸ਼ਨ ਰਜਿ. ਦਸੂਹਾ ਦੀ ਸਾਲਾਨਾ ਮੀਟਿੰਗ ਕਰਨਲ ਜੋਗਿੰਦਰ ਲਾਲ ਸ਼ਰਮਾ ਜੀ ਦੀ ਪ੍ਰਧਾਨਗੀ ਹੇਠ ਕਾਲਜ ਕੈਂਪਸ ਵਿੱਚ ਹੋਈ। ਇਸ ਮੀਟਿੰਗ ਵਿੱਚ ਵਿਸ਼ੇਸ਼ ਤੌਰ ਤੇ ਆਰ.ਐਸ ਲੱਧੜ ਆਈ.ਏ.ਐਸ ਸਾਬਕਾ ਕਮਿਸ਼ਨਰ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਏ। ਮੀਟਿੰਗ ਦੀ ਜਾਣਕਾਰੀ ਦਿੰਦੇ ਹੋਏ ਚੌਧਰੀ ਕੁਮਾਰ ਸੈਣੀ ਸਕੱਤਰ ਜਰਨਲ ਨੇ ਦੱਸਿਆ ਕਿ ਲੱਧੜ ਦੇ ਸਨਮੁੱਖ ਦਸੂਹਾ ਦੀਆਂ ਖਾਸ ਖਾਸ ਸਮਸਿਆਵਾਂ ਰੱਖੀਆਂ ਗਈਆਂ, ਜਿਨ੍ਹਾਂ ਵਿੱਚ ਦਸੂਹਾ ਹਲਕਾ ਵਿੱਚ ਇਕ ਵੱਡੀ ਇੰਡਸਟਰੀ ਤਲਵਾੜਾ ਟਾਊਨਸ਼ਿਪ ਵਿਖੇ ਭਾਖੜਾ ਬਿਆਸ ਮੈਨੇਜਮੈਂਟ ਬੋਰਡ ਦੀ ਖਾਲੀ ਪਈ ਜਗ੍ਹਾ ਤੇ ਲਗਾਉਣ ਦੀ ਮੰਗ ਕੀਤੀ ਅਤੇ ਉਸ ਜਗ੍ਹਾ ਵਿੱਚ ਬਣੇ ਸ਼ੈੱਡ, ਕੁਆਰਟਰ ਪਏ ਹਨ, ਉਹਨਾ ਦੀ ਵਰਤੋਂ ਬਣਨ ਵਾਲੀ ਇੰਡਸਟਰੀ ਵਿੱਚ ਕੀਤੀ ਜਾ ਸਕਦੀ ਹੈ। ਦਸੂਹਾ ਦੇ ਕੰਢੀ ਖੇਤਰ ਦੇ ਵਿਕਾਸ ਨਾਲ ਬੇਰੁਜਗਾਰੀ ਦੀ ਸੱਮਸਿਆ ਅਤੇ ਕੰਢੀ ਖੇਤਰ ਦੀ ਆਰਥਿਕ ਸਥਿਤੀ ਨੂੰ ਸੁਧਾਰਿਆ ਜਾ ਸਕਦਾ ਹੈ। ਉਹਨਾ ਦੱਸਿਆ ਕਿ ਦਸੂਹਾ ਨੂੰ ਜਿਲ੍ਹਾ ਘੋਸ਼ਿਤ ਕਰਨ ਦੀ ਸਾਡੀ ਪੁਰਾਣੀ ਮੰਗ ਨੂੰ ਵਿਚਾਰਿਆ ਜਾਵੇ। ਉਹਨਾ ਦੱਸਿਆ ਕਿ ਦਸੂਹਾ ਵਿੱਚ ਹੁਸ਼ਿਆਰਪੁਰ ਰੋਡ ਅਤੇ ਜੀ.ਟੀ ਰੋਡ ਤੇ ਟ੍ਰੈਫਿਕ ਦੀ ਬੜੀ ਸਮਸਿਆ ਆ ਰਹੀ ਹੈ, ਇਸ ਲਈ ਦਸੂਹਾ ਵਿਖੇ ਬਾਇਪਾਸ ਦੇ ਪ੍ਰਸਤਾਵ ਨੂੰ ਜਲਦੀ ਤੋਂ ਜਲਦੀ ਲਾਗੂ ਕੀਤਾ ਜਾਵੇ। ਐਸੋਸੀਏਸ਼ਨ ਵੱਲੋਂ ਕੇਂਦਰ ਸਰਕਾਰ ਦੇ ਰੇਲਵੇ ਵਿਭਾਗ ਦੀ ਦਿੱਲੀ- ਕੱਟੜਾ ਤੋਂ ਚਲ ਰਹੀ ਵੰਦੇ ਭਾਰਤ ਦੇ ਦਸੂਹਾ ਵਿਖੇ ਠਹਿਰਾਵ ਦਾ ਸਵਾਗਤ ਅਤੇ ਧੰਨਵਾਦ ਕੀਤਾ ਗਿਆ। ਇਹਨਾ ਸਾਰੀਆਂ ਮੰਗਾਂ ਤੇ ਸ਼੍ਰੀ ਆਰ.ਐਸ ਲੱਧੜ ਨੇ ਕਿਹਾ ਕਿ ਉਹ ਪੂਰੇ ਜੋਰ ਸ਼ੋਰ ਨਾਲ ਇਹਨਾ ਮੰਗਾਂ ਦੀ ਪੂਰਤੀ ਕਰਨ ਲਈ ਯਤਨ ਕਰਨਗੇ। ਉਹਨਾ ਕਿਹਾ ਕਿ ਉਹ ਦਸੂਹਾ ਇਲਾਕੇ ਨੂੰ ਹਮੇਸ਼ਾ ਸਹਿਯੋਗ ਦੇਣਗੇ। ਇਸ ਮੀਟਿੰਗ ਵਿੱਚ ਹੋਰਨਾਂ ਤੋਂ ਇਲਾਵਾ ਰਿਟਾਇਰਡ ਪ੍ਰਿੰਸੀਪਲ ਫ਼ਕੀਰ ਚੰਦ, ਰਿਟਾਇਰਡ ਪ੍ਰਿੰਸੀਪਲ ਸਤੀਸ਼ ਕਾਲੀਆ, ਡਾ. ਦਿਲਬਾਗ ਸਿੰਘ ਹੁੰਦਲ, ਰਾਮੇਸ਼ਵਰ ਜੋਸ਼ੀ, ਮਾਸਟਰ ਜਗਮੋਹਨ ਸ਼ਰਮਾ, ਬਲਦੇਵ ਸਿੰਘ ਰਿਟਾਇਰਡ ਕੋਂਗੋ, ਵਿਨੋਦ ਹੰਸ , ਰਿਟਾਇਰਡ ਹੈਡਮਾਸਟਰ ਰਣਬੀਰ ਚੰਦ, ਧਰਮਿੰਦਰ ਲਾਲ, ਹਰਭਜਨ ਸਿੰਘ, ਸ਼ਾਮ ਮੁਰਾਰੀ ਸ਼ਰਮਾ, ਸ਼ਾਮ ਨਾਥ ਮਹਿਤਾ, ਸੁਰਿੰਦਰ ਨਾਥ, ਅਨਿਲ ਕੁਮਾਰ, ਵਿਨੋਦ ਚੌਹਾਨ ਆਦਿ ਹਾਜ਼ਰ ਸਨ।
ਫੋਟੋ :ਮੀਟਿੰਗ ਦੌਰਾਨ ਆਰ.ਐਸ ਲੱਧੜ, ਕਰਨਲ ਜੋਗਿੰਦਰ ਲਾਲ ਸ਼ਰਮਾ ਪ੍ਰਧਾਨ ਅਤੇ ਚੌਧਰੀ ਕੁਮਾਰ ਸੈਣੀ ਜਰਨਲ ਸਕੱਤਰ ਗੱਲਬਾਤ ਕਰਦੇ ਹੋਏ ਅਤੇ ਹੋਰ ਹਾਜ਼ਰ ਮੈਂਬਰ।
