ਗੜ੍ਹਸ਼ੰਕਰ  (ਅਸ਼ਵਨੀ ਸ਼ਰਮਾ)

21 ਮਈ : ਗੜ੍ਹਸ਼ੰਕਰ ਦੇ ਸ਼੍ਰੀ ਖੁਰਾਲਗੜ੍ਹ ਸਾਹਿਬ ਨੂੰ ਆਉਂਣ ਵਾਲੀ ਸੰਗਤ ਨਾਲ ਫਿਰ ਵਾਪਰਿਆ ਭਿਆਨਕਰ ਹਾਦਸਾ, ਸੰਗਤਾਂ ਨਾਲ ਭਰੀ ਟਰਾਲੀ ਪਲੱਟਣ ਨਾਲ ਦੋ ਔਰਤਾਂ ਦੀ ਮੌਤ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਦੱਸਿਆ ਜਾ ਰਿਹਾ ਕਿ ਪਿੰਡ ਪਰਾਗਪੁਰ ਤਹਿਸੀਲ ਬਲਾਚੌਰ ਤੋਂ 45-50 ਦੇ ਕਰੀਬ ਸੰਗਤਾਂ ਟਰਾਲੀ ਚ ਸਵਾਰ ਹੋ ਕੇ ਸ਼੍ਰੀ ਖੁਰਾਲਗੜ੍ਹ ਸਾਹਿਬ ਮੱਥਾ ਟੇਕਣ ਜਾ ਰਹੀ ਸੀ ਤਾਂ ਉਤਰਾਈ ਤੇ ਬਰੇਕ ਨਾਂ ਲੰਗਣ ਕਾਰਨ ਕਿਉਂਕਿ ਸੜਕ ਕੰਕਰੀਟ ਦੀ ਬਣੀ ਹੋਣ ਕਰਕੇ ਹਾਦਸਾ ਵਾਪਰਿਆ ਹੈ। ਜਿਹਨਾਂ ਚ ਮ੍ਰਿਤਕਾਂ ਦੀ ਪਹਿਚਾਣ ਮਹਿੰਦਰ ਕੋਰ ਪਤਨੀ ਪਿਆਰਾ ਲਾਲ ਉਮਰ 50 ਸਾਲ, ਭੁਪਿੰਦਰ ਕੋਰ ਪੁੱਤਰੀ ਹਰਬੰਸ ਲਾਲ ਉਮਰ 21 ਸਾਲ ਅਤੇ ਸੁਖਪ੍ਰੀਤ ਕੌਰ ਪੁੱਤਰੀ ਦਵਿੰਦਰ ਸਿੰਘ ਪਿੰਡ ਪਰਾਗਪੁਰ ਦੇ ਵਜੋਂ ਹੋਈ।

ਜਦੋਂ ਕਿ 3 ਜ਼ਖ਼ਮੀ ਮਰੀਜ਼ ਸੀਰੀਅਸ ਹੋਣ ਕਾਰਨ ਚੰਡੀਗੜ੍ਹ ਭੇਜ ਦਿੱਤੇ ਗਏ 8-9ਮਰੀਜ ਨਵਾਂਸ਼ਹਿਰ ਸਰਕਾਰੀ ਹਸਪਤਾਲ ਅਤੇ 5-6 ਮਰੀਜ਼ ਮਾਮੂਲੀ ਸੱਟਾਂ ਹੋਣ ਕਾਰਨ ਬਲਾਚੌਰ ਹਸਪਤਾਲ ਵਿਖੇ ਇਲਾਜ ਤੋਂ ਬਾਅਦ ਘਰ ਭੇਜ ਦਿਤੇ ਗਏ। ਇਹ ਜਾਣਕਾਰੀ ਸਰਪੰਚ ਪਰਾਗਪੁਰ ਕੁਲਵਿੰਦਰ ਸਿੰਘ ਮੰਡ ਨੇ ਦਿੱਤੀ।

ਇਸ ਮੌਕੇ ਤੇ ਪਿੰਡ ਗੜੀਮਾਨਸੋਵਾਲ ਦੇ ਨੌਜਵਾਨ ਨੇ ਜਿਥੇ ਵਾਰ ਵਾਰ ਹਾਦਸੇ ਹੋਣ ਲਈ ਪ੍ਰਸ਼ਾਸਨ ਨੂੰ ਜ਼ਿੰਮੇਵਾਰ ਦੱਸਿਆ ਉਥੇ ਉਨ੍ਹਾਂ ਨੇ ਇਸ ਦੀ ਜੁੰਮੇਵਾਰ ਗੁਰੂ ਘਰ ਦੀਆਂ ਦੋਨੋ ਕਮੇਟੀਆਂ ਨੂੰ ਵੀ ਦਸਿਆ ਅਤੇ ਕਿਹਾ ਕਿ ਅਸੀਂ ਇਲਾਕੇ ਦੀ ਸੰਗਤ ਨੂੰ ਨਾਲ ਲੈਕੇ ਗੁਰੂ ਘਰ ਦੀਆਂ ਕਮੇਟੀਆਂ ਨੂੰ ਇਸ ਪਾਸੇ ਧਿਆਨ ਦਿਵਾਗੇ। ਉਨ੍ਹਾਂ ਨੇ ਮੰਗ ਕੀਤੀ ਕਿ ਵਾਰ ਵਾਰ ਹੋ ਰਹੇ ਹਾਦਸਿਆਂ ਦਾ ਪੱਕਾ ਹੱਲ ਕੀਤਾ ਜਾਵੇ।