ਦਸੂਹਾ 12 ਦਸੰਬਰ (ਚੌਧਰੀ) 

: ਅੱਜ ਸਿਵਲ ਹਸਪਤਾਲ, ਦਸੂਹਾ ਵਿਖੇ ਪੰਜਾਬ ਹੈਲਥ ਸਿਸਟਮਜ਼ ਕਾਰਪੋਰੇਸ਼ਨ ਦੇ ਆਈ.ਟੀ. ਸੈਲ ਵੱਲੋ ਸਮੂਹ ਮੈਡੀਕਲ ਅਫਸਰ/ ਫਾਰਮੈਸੀ ਅਫਸਰ ਅਤੇ ਲੈਬੋਰਟਰੀ ਟੈਕਨੀਸ਼ੀਅਨ ਨੂੰ ਇਸ ਹਸਪਤਾਲ ਦੇ ਪੰਜਾਬ ਸਰਕਾਰ ਵੱਲੋ 6 ਹਸਪਤਾਲਾਂ ਵਿੱਚ ਪਾਇਲਟ ਪ੍ਰੋਜੈਕਟ ਅਧੀਨ ਆਉਣ ਕਾਰਨ ਟ੍ਰੈਨਿੰਗ ਦਿੱਤੀ ਗਈ। ਇਸ ਸਬੰਧੀ ਜਾਣਕਾਰੀ ਇਹ ਹੈ ਕਿ ਸਿਵਲ ਹਸਪਤਾਲ ਦਸੂਹਾ ਵਿਖੇ ਬਹੁਤ ਜ਼ਿਆਦਾ ਮਰੀਜ਼ਾਂ ਦੀ ਆਮਦ ਅਤੇ ਵਧੀਆਂ ਸੇਵਾਵਾਂ ਦਿੱਤੀਆਂ ਜਾਣ ਕਾਰਨ ਸਾਰੀ ਓ.ਪੀ.ਡੀ. ਡਿਸਪੈਸਰੀ ਅਤੇ ਲੈਬੋਰਟਰੀ ਦਾ ਕੰਮ ਔਨ ਲਾਇਨ ਕੀਤਾ ਜਾ ਰਿਹਾ ਹੈ ।ਜਿਸ ਤਹਿਤ ਆਈ ਟੀ. ਸੈਲ ਚੰਡੀਗੜ ਵੱਲੋ ਕੱਲ੍ਹ ਮਿਤੀ ।1/12/2023 ਨੂੰ ਦੋ ਦਿਨ ਟ੍ਰੈਨਿੰਗ ਦਿੱਤੀ ਗਈ ਅਤੇ ਅੱਜ ਮਿਤੀ 12/12/2023 ਨੂੰ ਮਾਨਯੋਗ ਸਿਵਲ ਸਰਜਨ, ਹੁਸ਼ਿਆਰਪੁਰ ਡਾ ਬਲਵਿੰਦਰ ਕੁਮਾਰ ਅਤੇ ਸੀਨੀਅਰ ਮੈਡੀਕਲ ਅਫਸਰ ਡਾ ਜਸਵਿੰਦਰ ਸਿੰਘ ਦੀ ਅਗਵਾਈ ਸਮੇਂ ਔਨ ਲਾਇਨ ਕਰਨ ਲਈ ਟੈਬ ਦੀ ਵੰਡ ਕੀਤੀ ਗਈ। ਇਸ ਉਪਰੰਤ ਸਿਵਲ ਸਰਜਨ, ਜੀ ਵੱਲੋ ਸਵਾਇਨਫਲੂ ਕਾਰਨਰ ਅਤੇ ਆਈਸੋਲੇਸ਼ਨ ਵਾਰਡ ਦਾ ਵੀ ਦੋਰਾ ਕੀਤਾ ਗਿਆ । ਇਸ ਮੌਕੇ ਆਈ.ਟੀ. ਸੈਲ ਚੰਡੀਗੜ੍ਹ ਵੱਲੋ ਆਏ ਸਰਦਾਰ ਮਨਜੋਤ ਸਿੰਘ ਨੋਡਲ ਅਫਸਰ, ਆਈ.ਟੀ. ਸ੍ਰੀ ਤਰੁਨ ਕੁਮਾਰ, ਯੂਵਰਾਜ ਸਿੰਘ, ਸਮੂਹ ਮੈਡੀਕਲ ਅਫਸਰ, ਚੀਫ ਫਾਰਮੈਸੀ ਅਫਸਰ ਸ੍ਰੀ ਵਰਿੰਦਰ ਸਿੰਘ ਅਤੇ ਸ੍ਰੀ ਦਵਿੰਦਰ ਕੁਮਾਰ ਅਕਾਊਟੈਟ ਹਾਜ਼ਰ ਸਨ।