ਗੜ੍ਹਦੀਵਾਲਾ (ਚੌਧਰੀ) 17 ਨਵੰਬਰ 

ਨੌਜਵਾਨਾਂ ਨੂੰ ਨਸ਼ਿਆਂ ਤੋਂ ਬਚਾਉਣ ਲਈ ਖੇਡਾਂ ਨੂੰ ਪ੍ਰਫੁੱਲਿਤ ਕਰਨਾ ਸਮੇਂ ਦੀ ਲੋੜ : ਸੰਜੀਵ ਮਨਹਾਸ

: ਕੰਡੀ ਏਰੀਆ ਦੇ ਪਿੰਡ ਖੰਗਵਾੜ੍ਹੀ ਵਿਖ਼ੇ ਛਿੰਝ ਕਮੇਟੀ ਪ੍ਰਧਾਨ ਮੌਂਟੀ ਪਹਿਲਵਾਨ ਦੀ ਪ੍ਰਧਾਨਗੀ ਹੇਠ ਸਮੂਹ ਪਿੰਡ ਵਾਸੀਆਂ ਵੱਲੋਂ ਸਲਾਨਾ ਇਤਿਹਾਸਿਕ ਸਿੰਜ ਮੇਲਾ ਕਰਵਾਇਆ ਗਿਆ। ਜਿਸ ਵਿੱਚ ਸਟੇਟ ਕਾਰਜਕਾਰਣੀ ਮੈਬਰ ਤੇ ਭਾਜਪਾ ਜਿਲ੍ਹਾ ਇੰਚਾਰਜ ਸੰਜੀਵ ਮਨਹਾਸ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਏ।ਛਿੰਝ ਮੇਲੇ ਵਿੱਚ ਵਡੀ ਗਿਣਤੀ ਵਿੱਚ ਪਹਿਲਵਾਨਾਂ ਨੇ ਹਿੱਸਾ ਲਿਆ। ਵੱਡੀ ਰੁਮਾਲੀ ਦੀ ਕੁਸ਼ਤੀ ਜੱਸਾ ਪੱਟੀ ਤੇ ਅਜੇ ਕੈਂਥਲ ਦੇ ਵਿਚਕਾਰ ਹੋਈ। ਜਿਸ ਵਿੱਚ ਜੱਸਾ ਪੱਟੀ ਜੇਤੁ ਰਿਹਾ । ਛੋਟੀ ਰੁਮਾਲੀ ਦੀਆਂ ਦੋ ਕੁਸ਼ਤੀਆਂ ਹੋਈਆਂ। ਇੱਕ ਕੁਸ਼ਤੀ ਕਿੰਨੂ ਪਹਿਲਵਾਨ ਤੇ ਬੌਬੀ ਬਬੇਹਾਲੀ ਦੇ ਵਿਚਕਾਰ ਹੋਈ। ਜਿਸ ਵਿੱਚ ਕਿੰਨੂ ਪਹਿਲਵਾਨ ਜੇਤੁ ਰਿਹਾ। ਦੂਸਰੀ ਛੋਟੀ ਰੁਮਾਲੀ ਛੋਟੂ ਜਾਗਲਾ ਤੇ ਨਵਦੀਪ ਦਿੱਲ੍ਹੀ ਦੇ ਵਿਚਕਾਰ ਹੋਈ ਜਿਸ ਵਿੱਚ ਛੋਟੂ ਜਾਂਗਲਾ ਪਹਿਲਵਾਨ ਜੇਤੁ ਰਿਹਾ।
ਇਸ ਮੌਕੇ ਮਨਹਾਸ ਵਲੋਂ ਜੇਤੂ ਖਿਡਾਰੀਆਂ ਨੂੰ ਇਨਾਮ ਤਕਸੀਮ ਕੀਤੇ ਗਏ। ਇਸ ਮੋਕੇ ਸੰਜੀਵ ਮਨਹਾਸ ਨੇ ਕਿਹਾ ਕਿ ਪਿੰਡ ਖੰਗਵਾੜ੍ਹੀ ਦੀ ਪੰਚਾਇਤ ਤੇ ਨੌਜਵਾਨਾ ਵੱਲੋ ਹਰ ਸਾਲ ਸਿੰਜ ਮੇਲਾ ਕਰਵਾਉਣ ਤੇ ਖੇਡਾਂ ਨੂੰ ਪ੍ਰਫੁੱਲਿਤ ਕਰਨ ਲਈ ਇਲਾਕ਼ੇ ਵਿਚ ਵਿਸ਼ੇਸ ਯੋਗਦਾਨ ਹੈ।ਮਨਹਾਸ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਪੰਜਾਬ ਦੀ ਨੌਜਵਾਨੀ ਨੂੰ ਨਸ਼ਿਆਂ ਦੀ ਦਲਦਲ ਚੋ ਵਚਾਉਣ ਲਈ ਪੰਜਾਬ ਦੇ ਪਿੰਡ ਪਿੰਡ ਵਿੱਚ ਖੇਡ ਟੂਰਨਾਮੈਂਟ ਹੋਣੇ ਸਮੇਂ ਦੀ ਲੋੜ ਹੈ।ਉਨ੍ਹਾਂ ਸਿੰਜ ਕਮੇਟੀ ਸਮੂਹ ਗ੍ਰਾਮ ਪੰਚਾਇਤ ਅਤੇ ਪਿੰਡ ਵਾਸੀਆਂ ਵਲੋਂ ਸਿੰਜ ਮੇਲਾ ਕਰਵਾਉਣ ਲਈ ਸ਼ਲਾਘਾ ਕੀਤੀ।ਮਨਹਾਸ ਨੇ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਕੇ ਸਰਕਾਰ ਖੇਡਾਂ ਨੂੰ ਪਿੰਡ ਪੱਧਰ ਤੇ ਪ੍ਰਫੁਲਿਤ ਕਰਨ ਪਿੰਡਾਂ ਨੂੰ ਸਪੋਰਟਸ ਲਈ ਗ੍ਰਾੰਟ ਦੇਣਾ ਯਕੀਨੀ ਬਣਾਏ।ਇਸ ਮੌਕੇ ਸਰਪੰਚ ਸਤੀਸ਼ ਕੁਮਾਰ ਖੰਗਵਾੜ੍ਹੀ, ਸਰਪੰਚ ਮੁਨੀਸ਼ ਕੁਮਾਰ ਮਨਹੋਤਾ, ਠਾਕੁਰ ਗਿਆਨ ਚੰਦ , ਲੰਬੜਦਾਰ ਦਲੀਪ ਚੰਦ,ਠਾਕੁਰ ਮੰਗਲ ਸਿੰਘ, ਜਰਨੈਲ ਕੌਚ, ਪਵਨ ਕੁਮਾਰ, ਠਾਕੁਰ ਭਗਵਾਨ ਦਾਸ, ਨਰਿੰਦਰ ਸਿੰਘ, ਸੁਰਿੰਦਰ ਕੁਮਾਰ ਕਾਕਾ, ਰਣਵੀਰ ਸਿੰਘ, ਸਨੀ ਮਨਹਾਸ, ਨੰਨੂ, ਜਤਿੰਦਰ ਦਾਰਾ ਆਦਿ ਵਡੀ ਗਿਣਤੀ ਵਿੱਚ ਇਲਾਕ਼ਾ ਨਿਵਾਸੀ ਹਾਜ਼ਰ ਸਨ।