ਫਗਵਾੜਾ (ਲਾਲੀ ਦਾਦਰ) 

* ਸੁੰਦਰ ਪਾਲਕੀ ਅੱਗੇ ਨਤਮਸਤਕ ਹੋਏ ਸ਼ਰਧਾਲੂ

27 ਅਕਤੂਬਰ : ਭਗਵਾਨ ਵਾਲਮੀਕਿ ਜੀ ਦੇ ਪ੍ਰਗਟ ਦਿਵਸ ਦੇ ਸਬੰਧ ਵਿਚ ਨਜਦੀਕੀ ਪਿੰਡ ਢੱਕ ਪੰਡੋਰੀ ਵਿਖੇ ਭਗਵਾਨ ਵਾਲਮੀਕਿ ਮੰਦਿਰ ਦੀ ਪ੍ਰਬੰਧਕ ਕਮੇਟੀ ਵਲੋਂ ਵਿਸ਼ਾਲ ਸ਼ੋਭਾ ਯਾਤਰਾ ਸ੍ਰੀ ਯੋਗ ਵਸ਼ਿਸ਼ਠ ਦੀ ਛਤਰ ਛਾਇਆ ਅਤੇ ਐਨ.ਆਰ.ਆਈ. ਵੀਰਾਂ, ਗ੍ਰਾਮ ਪੰਚਾਇਤ ਅਤੇ ਸਮੂਹ ਸੰਗਤਾਂ ਦੇ ਸਹਿਯੋਗ ਨਾਲ ਬੜੀ ਸ਼ਰਧਾ ਤੇ ਉਤਸ਼ਾਹ ਪੂਰਵਕ ਸਜਾਈ ਗਈ। ਸ਼ੋਭਾ ਯਾਤਰਾ ਦਾ ਉਦਘਾਟਨ ਐਨ.ਆਰ.ਆਈ. ਨਿਰਮਲ ਕੁਮਾਰ ਸੋਭਾ ਅਤੇ ਰਣਜੀਤ ਕੁਮਾਰ ਮੰਗਾ ਸੋਭਾ ਨੇ ਰਿਬਨ ਕੱਟ ਕੇ ਕਰਵਾਇਆ। ਸ਼ੋਭਾ ਯਾਤਰਾ ਦੌਰਾਨ ਭਗਵਾਨ ਵਾਲਮੀਕਿ ਜੀ ਦੀ ਸੁੰਦਰ ਪਾਲਕੀ ਅਤੇ ਭਗਵਾਨ ਵਾਲਮੀਕਿ ਜੀ ਦੇ ਜੀਵਨ ਕਾਲ ਨਾਲ ਸਬੰਧਤ ਸੁੰਦਰ ਝਾਕੀਆਂ ਵਿਸ਼ੇਸ਼ ਖਿੱਚ ਦਾ ਕੇਂਦਰ ਸਨ। ਸੋਭਾ ਪਰਿਵਾਰ ਨੇ ਸਮੂਹ ਸੰਗਤਾਂ ਨੂੰ ਭਗਵਾਨ ਵਾਲਮੀਕਿ ਜੀ ਦੇ ਪ੍ਰਗਟ ਦਿਵਸ ਦੀਆਂ ਸ਼ੁਭਕਾਮਨਾਵਾਂ ਦਿੰਦਿਆਂ ਕਿਹਾ ਕਿ ਸਾਨੂੰ ਉਹਨਾਂ ਵਲੋਂ ਦਰਸਾਏ ਮਾਰਗ ਤੇ ਚੱਲਣਾ ਚਾਹੀਦਾ ਹੈ। ਭਜਨ ਪਾਰਟੀਆਂ ਵਲੋਂ ਵੱਖ ਵੱਖ ਪੜਾਵਾਂ ਤੇ ਭਗਵਾਨ ਵਾਲਮੀਕਿ ਜੀ ਦੀ ਮਹਿਮਾ ਦਾ ਸੁੰਦਰ ਗੁਣਗਾਨ ਕੀਤਾ ਗਿਆ। ਸੰਗਤਾਂ ਵਲੋਂ ਸ਼ੋਭਾ ਯਾਤਰਾ ਦਾ ਥਾਂ-ਥਾਂ ਤੇ ਫੁੱਲਾਂ ਦੀ ਵਰਖਾ ਨਾਲ ਸਵਾਗਤ ਕੀਤਾ ਗਿਆ। ਸੰਗਤਾਂ ਦੀ ਸੇਵਾ ਵਿਚ ਵੱਖ ਵੱਖ ਪਕਵਾਨਾਂ ਦੇ ਲੰਗਰ ਵੀ ਲਗਾਏ ਗਏ ਸਨ। ਇਹ ਸ਼ੋਭਾ ਯਾਤਰਾ ਪਿੰਡ ਦੀ ਪਰਿਕ੍ਰਮਾ ਕਰਦੇ ਹੋਏ ਵਾਪਸ ਮੰਦਿਰ ਵਿਖੇ ਸਮਾਪਤ ਹੋਈ। ਪ੍ਰਬੰਧਕਾਂ ਨੇ ਦੱਸਿਆ ਕਿ 28 ਅਕਤੂਬਰ ਦਿਨ ਸ਼ਨੀਵਾਰ ਨੂੰ ਭਗਵਾਨ ਵਾਲਮੀਕਿ ਜੀ ਦੇ ਪ੍ਰਗਟ ਦਿਵਸ ਮੌਕੇ ਸਵੇਰੇ 10 ਵਜੇ ਸ੍ਰੀ ਨਿਸ਼ਾਨ ਸਾਹਿਬ ਦੀ ਰਸਮ ਹੋਵੇਗੀ। ਉਪਰੰਤ ਸ੍ਰੀ ਯੋਗ ਵਸ਼ਿਸ਼ਠ ਦੇ ਪਾਠ ਦਾ ਭੋਗ ਪਾਇਆ ਜਾਵੇਗਾ ਅਤੇ ਪ੍ਰਸਿੱਧ ਗਾਇਕ ਸੁੱਖਾ ਰਾਹੋਂ ਵਾਲਾ ਮਿਊਜੀਕਲ ਗਰੁੱਪ ਭਗਵਾਨ ਵਾਲਮੀਕਿ ਜੀ ਦੀ ਮਹਿਮਾ ਦਾ ਸੁੰਦਰ ਗੁਣਗਾਨ ਕਰਨਗੇ। ਇਸ ਮੌਕੇ ਕਮੇਟੀ ਪ੍ਰਧਾਨ ਸਰਬਜੀਤ ਕੁਮਾਰ ਪੰਚਾਇਤ ਮੈਂਬਰ, ਚੇਅਰਮੈਨ ਵਿਜੇ ਕੁਮਾਰ ਸਾਬਕਾ ਸਰਪੰਚ, ਕੈਸ਼ੀਅਰ ਭੁਪਿੰਦਰ ਕੁਮਾਰ ਭਿੰਦਾ, ਬੀਬੀ ਸੁਰਜੀਤ ਕੌਰ ਸਰਪੰਚ, ਰੂਪ ਲਾਲ ਬਲਾਕ ਸੰਮਤੀ ਮੈਂਬਰ, ਜਸਵਿੰਦਰ ਕੌਰ ਪੰਚ, ਰਿਤੂ ਰਾਣੀ, ਪੰਚ, ਭੋਲੀ ਪੰਚ, ਕਰਮਜੀਤ ਸਿੰਘ ਪੰਚ, ਹਰਬੰਸ ਲਾਲ ਪੰਚ, ਬਿੰਦਰ ਪਾਲ ਤੇਜੀ, ਸਤਪਾਲ ਪੰਡੋਰੀ, ਸਤਪਾਲ ਦਾਦਰ, ਰਾਜਕੁਮਾਰ ਤੇਜੀ, ਹਰਪ੍ਰੀਤ, ਸਨੀ ਤੇਜੀ, ਅਮਰਜੀਤ ਤੇਜੀ, ਨਿਰਮਲ ਨਿੱਮਾ ਤੇਜੀ, ਸੰਦੀਪ ਕੁਮਾਰ ਸੋਖਾ, ਬਿੱਲਾ ਤੇਜੀ, ਸਾਹਿਬ ਸੋਭਾ, ਸ਼ਾਰਧਾ ਸੋਭਾ, ਰਾਜਨ ਭੱਟੀ, ਵਿਜੇ ਪੰਡੋਰੀ, ਜਗਜੀਤ ਰਾਮ ਤੇਜੀ, ਰੋਹਿਤ ਤੇਜੀ, ਸ਼ਸ਼ੀ ਕਪੂਰ ਸੰਧੀ, ਮਾਤਾ ਪ੍ਰੇਮ ਦੇਵਾ ਜੀ, ਲੱਕੀ ਸੋਭਾ ਆਦਿ ਹਾਜਰ ਸਨ।
ਤਸਵੀਰਾਂ ਸਮੇਤ।