14 ਅਕਤੂਬਰ : ਸਵਰਗੀ ਰਾਮ ਲਾਲ ਭਟੋਆ ਇਕ ਨੇਕ ਇਨਸਾਨ, ਇਮਾਨਦਾਰ ਤੇ ਮਿਠ ਬੋਲੜੇ ਸੁਭਾਅ ਦੇ ਮਾਲਕ ਸਨ। ਪੜ੍ਹਾਈ ਕਰਨ ਉਪਰੰਤ ਉਹ ਸਰਕਾਰੀ ਬਾਗ ਭੂੰਗਾ ਵਿਖੇ ਬਤੌਰ ਕੱਚੇ ਮੁਲਾਜ਼ਮ ਭਰਤੀ ਹੋਏ ਤੇ ਬਾਅਦ ਵਿਚ ਇਨ੍ਹਾਂ ਖੇਤੀਬਾੜੀ ਵਿਭਾਗ ‘ਚ ਬਤੌਰ ਸਬ ਇੰਸਪੈਕਟਰ ਆਪਣੀਆਂ ਸੇਵਾਵਾਂ ਨਿਭਾਈਆ ਤੇ 31 ਮਾਰਚ 1996 ਨੂੰ ਵਿਭਾਗ ਤੋਂ ਸੇਵਾ ਮੁਕਤ ਹੋਣ ਉਪਰੰਤ ਸਮਾਜ ਸੇਵਾਵਾਂ ‘ਚ ਜੁਟ ਗਏ। ਉਹ ਬੀਤੇ ਦਿਨੀਂ ਆਪਣੀ ਸੰਸਾਰਿਕ ਯਾਤਰਾ ਪੂਰੀ ਕਰਦੇ ਹੋਏ ਉਹ 8 ਅਕਤੂਬਰ ਨੂੰ ਅਚਾਨਕ ਸਦੀਵੀ ਵਿਛੋੜਾ ਦੇ ਕੇ ਗੁਰੂ ਚਰਨਾ ‘ਚ ਜਾ ਬਿਰਾਜੇ। ਉਨ੍ਹਾਂ ਦੀ ਨਮਿੱਤ ਆਤਮਿਕ ਸ਼ਾਂਤੀ ਲਈ ਰੱਖੇ ਸ੍ਰੀ ਸੁਖਮਨੀ ਸਾਹਿਬ ਜੀ ਦੇ ਪਾਠ ਦਾ ਭੋਗ ਭੋਗ ਪਾਏ ਗਏ ਅਤੇ ਰਾਗੀ ਸਿੰਘਾਂ ਵੱਲੋਂ ਬੈਰਾਗਮਈ ਕੀਰਤਨ ਕਰਕੇ ਸੰਗਤਾਂ ਨੂੰ ਗੁਰੂ ਸ਼ਬਦ ਨਾਲ ਜੋੜੀ ਰੱਖਿਆ। ਉਹਨਾਂ ਦੀ ਅੱਜ ਅੰਤਿਮ ਅਰਦਾਸ ਵਿੱਚ  ਵੱਖ ਵੱਖ ਪਾਰਟੀਆਂ ਦੇ ਆਗੂ,ਰਿਸ਼ਤੇਦਾਰ ਤੇ ਇਲਾਕਾ ਨਿਵਾਸੀ ਭਾਰੀ ਗਿਣਤੀ ਵਿੱਚ ਸ਼ਾਮਿਲ ਹੋਏ.। ਕੀਰਤਨ ਜਥੇ ਵੱਲੋਂ ਬਰਾਗਮਈ ਕੀਰਤਨ ਕੀਤਾ ਗਿਆ (ਸੱਜਣ ਮੇਰੇ ਰੰਗਲੇ ਜਾ ਸੁੱਤੇ ਜੀਰਾਨ) ਉਨਾਂ ਦੀ ਸ਼ਰਧਾਂਜਲੀ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਸ਼ਰਧਾ ਦੇ ਫੁੱਲ ਭੇਂਟ ਕਰਦਿਆ ਚਮਨ ਲਾਲ ਵਸ਼ਿਸ਼ਟ ਰਿਟਾਇਰਡ ਐਗਰੀਕਲਚਰ ਮਾਹਿਰ, ਬਲਾਕ ਸੰਮਤੀ ਦੇ ਚੇਅਰ ਪਰਸਨ ਵਿਸ਼ਨੂ ਤਿਵਾੜੀ ,ਅਕਾਲੀ ਆਗੂ ਪਰਮਜੀਤ ਸਿੰਘ ਪੰਮੀ, ਨਾਇਬ ਤਹਿਸੀਲਦਾਰ ਗੜਦੀਵਾਲਾ ਲਵਪ੍ਰੀਤ ਸਿੰਘ ਧੂਤ, ਯੂਥ ਆਗੂ ਐਡਵੋਕੇਟ ਗੁਰਵੀਰ ਸਿੰਘ ਚੌਟਾਲਾ, ਯੂਥ ਆਗੂ ਮਨਿੰਦਰ ਸਿੰਘ ਟਿੰਮੀ ਸ਼ਾਹੀ  ਤੇ ਹੋਰਾਂ ਨੇ ਬੋਲਦਿਆਂ ਕਿਹਾ ਕਿ ਮਾਤਾ ਪਿਤਾ ਦੀ ਸੇਵਾ ਹੀ ਸਭ ਤੋਂ ਉੱਤਮ ਸੇਵਾ ਹੈ। ਉਹਨਾਂ ਕਿਹਾ ਕਿ ਉਨਾਂ ਦੇ ਸਪੁੱਤਰ ਪੱਤਰਕਾਰ ਪਰਮਜੀਤ ਪਰਮਜੀਤ ਸਿੰਘ ਭਟੋਆ ਨੇ ਆਪਣੇ ਪਿਤਾ ਦੀ ਸੇਵਾ ਵਿੱਚ ਕੋਈ ਕਸਰ ਨਹੀਂ ਛੱਡੀ ਤੇ ਅੰਤਿਮ ਸਾਹਾਂ ਤੱਕ ਉਹਨਾਂ ਨਾਲ ਜੁੜੇ ਰਹੇ । ਅੱਜ ਦੇ ਸ਼ਰਧਾਂਜਲੀ ਸਮਾਰੋਹ ਵਿੱਚ ਇਲਾਕੇ ਦੇ ਪੱਤਰਕਾਰ ਚੇਅਰਮੈਨ ਮਲਕੀਤ ਸਿੰਘ ਗੜਦੀਵਾਲਾ,ਲਾਲਜੀ ਚੌਧਰੀ,ਪ੍ਰਦੀਪ ਕੁਮਾਰ, ਹਰਪਾਲ ਸਿੰਘ ਭੱਟੀ ,ਹਰਮੇਲ ਸਿੰਘ ਖੱਖ ਹਰਿਆਣਾ, ਰਾਮ ਗੋਪਾਲ ਸਮੇਤ ਹਲਕਾ ਹਰਿਆਣਾ ਦੇ ਸਮੂਹ ਪੱਤਰਕਾਰ,ਨੀਤੂ ਸ਼ਰਮਾ, ਜੇ ਈ ਕੁਲਵੀਰ ਸਿੰਘ ਸਮੇਤ ਵੱਡੀ ਗਿਣਤੀ ਵਿਚ ਇਲਾਕੇ ਦੇ ਲੋਕ ਤੇ ਰਿਸ਼ਤੇਦਾਰ ਹਾਜਰ ਸਨ। ਸਟੇਜ ਸਕੱਤਰ ਦੀ ਭੂਮਿਕਾ ਰਵਿੰਦਰ ਸਿੰਘ ਕਾਹਲੋ ਨੇ ਨਿਭਾਈ ।