ਗੜ੍ਹਦੀਵਾਲਾ (ਚੌਧਰੀ / ਯੋਗੇਸ਼ ਗੁਪਤਾ) 

18 ਸਤੰਬਰ : ਈਓ ਸਿਮਰਨ ਢੀਂਡਸਾ ਦੀ ਯੋਗ ਅਗਵਾਈ ਹੇਠ ਇੰਡੀਅਨ ਸਵੱਛਤਾ ਲੀਗ 2.0 ਰੈਲੀ ਦਾ ਆਯੋਜਨ ਕੀਤਾ ਗਿਆ। ਸੀ ਐਫ ਤਿ੍ਪਤਾ ਦੇਵੀ ਨੇ ਦੱਸਿਆ ਪਿਛਲੇ ਸਾਲ ਵੀ ਸਵੱਛ ਭਾਰਤ ਮਿਸ਼ਨ ਅਰਬਨ ਅਧੀਨ ਇੰਡੀਅਨ ਸਵੱਛਤਾ ਲੀਗ 1.0 ਰੈਲੀ ਦਾ ਆਯੋਜਨ ਕੀਤਾ ਗਿਆ ਸੀ। ਭਾਰਤ ਬਨਾਮ ਕੂੜਾ ਮੁਕਤ ਸ਼ਹਿਰ।ਇਹ ਰੈਲੀ ਰਾਸ਼ਟਰੀ ਪੱਧਰ ‘ਤੇ ਆਯੋਜਿਤ ਕੀਤੀ ਜਾ ਰਹੀ ਹੈ।ਪਿਛਲੇ ਸਾਲ ਅਸੀਂ ਆਪਣੀ ਟੀਮ ਦਾ ਨਾਮ ਗੜ੍ਹਦੀਵਾਲਾ ਸਵੱਛਤਾ ਚੈਂਪੀਅਨ ਟੀਮ ਚੁਣਿਆ ਸੀ। ਇਸ ਸਾਲ ਵੀ ਸਾਡੀ ਟੀਮ ਦਾ ਨਾਮ ਗੜ੍ਹਦੀਵਾਲਾ ਸਵੱਛਤਾ ਚੈਂਪੀਅਨ ਹੀ ਰੱਖਿਆ ਗਿਆ ਹੈ । ਇੰਡੀਅਨ ਸਵੱਛਤਾ ਲੀਗ 2.0 ਦੇ ਬ੍ਰਾਂਡ ਅੰਬੈਸਡਰ ਜ਼ਿਲ੍ਹਾ ਯੂਥ ਵਿੰਗ ਦੇ ਪ੍ਰਧਾਨ ਰਾਜਵਿੰਦਰ ਸਿੰਘ ਰਾਜਾ ਨੂੰ ਬਣਾਇਆ ਗਿਆ ਹੈ। ਕਿਉਂਕਿ ਯੂਥ ਹੀ ਸਾਡੇ ਸ਼ਹਿਰ ਨੂੰ ਸਾਫ਼ ਸੁਥਰਾ ਤੇ ਸੁੰਦਰ ਬਣਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾ ਸਕਦੇ ਹਨ।ਇਸ ਲਈ ਅਸੀਂ ਸਾਰੇ ਗੜ੍ਹਦੀਵਾਲਾ ਸਵੱਛਤਾ ਚੈਂਪੀਅਨ ਟੀਮ ਦਾ ਹਿੱਸਾ ਹਾਂ। ਸ਼ਹਿਰ ਨੂੰ ਸਵੱਛ ਸ਼ਹਿਰ ਅਤੇ ਕੂੜਾ ਮੁਕਤ ਸ਼ਹਿਰ ਬਣਾਉਣ ਲਈ ਆਯੋਜਿਤ ਕੀਤੀ। ਇਸ ਜਾਗਰੂਕਤਾ ਰੈਲੀ ਨੂੰ ਸਫਲ ਬਣਾਉਣ ਵਿੱਚ ਸ਼ਹਿਰ ਦੇ ਪਤਵੰਤੇ ਸੱਜਣ, ਸ਼ਹਿਰ ਵਾਸੀ ਅਤੇ ਸਕੂਲ ਉਂਕਾਰਾ ਆਰਿਆ, ਲਾਲਾ ਜਗਤ ਨਾਰਾਇਣ ਪਬਲਿਕ ਸਕੂਲ, ਸੈਂਟ ਸੋਲਜਰ ਡਿਵਾਈਨ ਪਬਲਿਕ ਸਕੂਲ ਅਤੇ ਕਾਲਜਾਂ ਦੇ ਐਨ ਸੀ ਸੀ ਦੇ ਵਲੰਟੀਅਰ ਨੇ ਭਾਗ ਲਿਆ ।ਰੈਲੀ ਦੀ ਸ਼ੁਰੂਆਤ ਸਵੱਛਤਾ ਦੀ ਸਹੁੰ ਸ.ਮਾਸਟਰ ਰਛਪਾਲ ਸਿੰਘ ਜੀ ਦੁਆਰਾ ਚੁਕਾਈ ਗਈ ।ਇਸ ਰੈਲੀ ਵਿੱਚ ਰੈਲੀ ਦੇ ਨਾਲ ਸਵੱਛਤਾ ਸੰਬੰਧੀ ਝਾਕੀ ਦਾ ਵੀ ਪ੍ਰਬੰਧ ਕੀਤਾ ਗਿਆ ਤਾਂ ਜ਼ੋ ਸ਼ਹਿਰ ਵਾਸੀਆਂ ਨੂੰ ਸਿੱਧੇ ਤੌਰ ਤੇ ਘਰਾਂ ਦੇ ਕੂੜੇ ਨੂੰ ਕਿਵੇਂ ਤੇ ਕਿਹੜੇ ਡਸਟਬਿਨ ਵਿੱਚ ਰਖਿਆ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਇਕ ਵਾਰ ਵਰਤੋਂ ਵਿੱਚ ਆਉਣ ਵਾਲੀ ਪਲਾਸਟਿਕ ਦੀ ਵਰਤੋਂ ਨਾ ਕਰਨ ਸੰਬੰਧੀ ਅਤ ਘਰ ਜਾ ਦੁਕਾਨ ਬਣਾਉਣ ਤੋਂ ਬਾਅਦ ਮਲਵੇ ਦਾ ਪ੍ਰਬੰਧਨ ਕਰਨ ਦੀ ਜ਼ਿੰਮੇਵਾਰੀ ਘਰ ਤੇ ਦੁਕਾਨ ਬਣਾਉਣ ਵਾਲੇ ਦੀ ਹੈ। ਮਲਵਾ ਕਿਵੇਂ ਅਲੱਗ ਅਲੱਗ ਰੱਖਿਆ ਜਾਂਦਾ ਹੈ ਤਾਂ ਜ਼ੋ ਮਲਵੇ ਦੀ ਮੁੜ ਵਰਤੋਂ ਕੀਤੀ ਜਾ ਸਕੇ, ਬਾਰੇ ਵੀ ਜਾਗਰੂਕ ਕਰਨ ਸੰਬੰਧੀ ਝਾਕੀ ਤਿਆਰ ਕੀਤੀ ਗਈ  ਤਾਂ ਜ਼ੋ ਆਪਣੇ ਸ਼ਹਿਰ ਦਾ ਨਾਂ ਰਾਸ਼ਟਰ ਪੱਧਰ ਤੇ ਗੂੰਜੇ। ਇਸ ਰੈਲੀ ਵਿੱਚ ਬ੍ਰੈਡ ਅੰਬੈਸਡਰ ਰਾਜਵਿੰਦਰ ਸਿੰਘ ਰਾਜਾ, ਨੰਬਰਦਾਰ ਰਛਪਾਲ ਸਿੰਘ, ਲਖਵੀਰ ਸਿੰਘ, ਹਰਭਜਨ ਸਿੰਘ ਢੱਟ, ਅਵਤਾਰ ਸਿੰਘ ਜੇ ਈ, ਹਰਜੀਤ ਸਿੰਘ ਭਾਟੀਆ, ਮਮਤਾ ਰਾਣੀ, ਪ੍ਰੋਫੈਸਰ ਸ਼ਾਮ ਸਿੰਘ ਅਤੇ ਸਟਾਫ ਮੈਂਬਰ ਸ਼ਾਮਲ ਹੋਏ।