ਗੜ੍ਹਦੀਵਾਲਾ (ਚੌਧਰੀ / ਯੋਗੇਸ਼ ਗੁਪਤਾ) 

4 ਜੁਲਾਈ : ਅੱਜ ਮਸਤੀਵਾਲ ਸਕੂਲ ਅਪਗ੍ਰੇਡ ਕਰਵਾਉਣ ਤੇ ਖੇਡ ਮੈਦਾਨ ਬਣਾਉਣ ਸਬੰਧੀ ਹਲਕਾ ਵਿਧਾਇਕ ਜਸਵੀਰ ਸਿੰਘ ਰਾਜਾ ਨੂੰ ਪਿੰਡ ਵਾਸੀਆਂ ਇੱਕ ਮੰਗ ਪੱਤਰ ਸੌਂਪਿਆ। ਜਿਸ ਵਿੱਚ ਉਨ੍ਹਾਂ ਕਿਹਾ ਕਿ ਸਾਡੇ ਪਿੰਡ ਮਸਤੀਵਾਲ ਵਿਖੇ ਅੱਠਵੀਂ ਕਲਾਸ ਤੱਕ ਹੀ ਸਕੂਲ ਹੈ, ਜਿਸ ਕਰਕੇ ਅੱਗੇ ਪੜਾਈ ਕਰਨ ਵਾਲੇ ਬੱਚਿਆਂ ਨੂੰ 6-7 ਕਿਲੋਮੀਟਰ ਦੂਰ ਦਰਾਜ ਦੇ ਸਕੂਲਾਂ ਵਿਚ ਜਾ ਕੇ ਪੜ੍ਹਾਈ ਕਰਨੀ ਪੈਂਦੀ ਹੈ। ਜਿਸ ਕਰਕੇ ਬੱਚਿਆਂ ਨੂੰ ਸਕੂਲ ਆਣ- ਜਾਣ ਵਿੱਚ ਬਹੁਤ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।ਜਿਸ ਕਰਕੇ ਕੁਝ ਬੱਚੇ ਖਾਸ ਕਰਕੇ ਲੜਕੀਆਂ ਆਪਣੀ ਪੜ੍ਹਾਈ ਛੱਡ ਦਿੰਦੀਆਂ ਹਨ।ਸਾਡਾ ਪਿੰਡ ਕੰਢੀ ਦੇ ਇਲਾਕੇ ਵਿੱਚ ਪੈਂਦਾ ਹੈ, ਜਿਆਦਾਤਰ ਲੋਕ ਗਰੀਬੀ ਕਾਰਨ ਆਪਣੇ ਬੱਚਿਆਂ ਨੂੰ ਪ੍ਰਾਈਵੇਟ ਸਕੂਲਾਂ ਵਿਚ ਨਹੀਂ ਪੜ੍ਹਾ ਸਕਦੇ, ਜਿਸ ਕਰਕੇ ਜਿਆਦਾਤਰ ਬੱਚੇ ਪੜ੍ਹਾਈ ਤੋਂ ਬਾਂਝੇ ਰਹਿ ਜਾਂਦੇ ਹਨ।ਕ੍ਰਿਪਾ ਕਰਕੇ ਸਾਡੇ ਪਿੰਡ ਮਸਤੀਵਾਲ ਦਾ ਸਕੂਲ 12 ਵੀਂ ਕਲਾਸ ਤੱਕ ਅਪਗ੍ਰੇਡ ਕੀਤਾ ਜਾਵੇ। ਉਨ੍ਹਾਂ ਕਿਹਾ ਕਿ ਪਿੰਡ ਦੀ ਪੰਚਾਇਤ ਵਲੋਂ 3 ਏਕੜ ਤੋਂ ਵੱਧ ਜਮੀਨ ਖੇਡ ਮੈਦਾਨ ਲਈ ਛੱਡੀ ਗਈ ਹੈ। ਕ੍ਰਿਪਾ ਕਰਕੇ ਉੱਥੇ ਖੇਡ ਮੈਦਾਨ ਵੀ ਬਣਾਇਆ ਜਾਵੇ। ਇਸ ਮੌਕੇ ਬਲਾਕ ਸੰਮਤੀ ਮੈਂਬਰ ਅੰਕੁਸ਼ ਪੰਡਿਤ, ਕੇਸ਼ਵ ਸੈਣੀ ਟਾਂਡਾ, ਪੰਚ ਸੁਰਜੀਤ ਸਿੰਘ, ਕੈਪਟਨ ਕਰਨ ਸਿੰਘ ਨਰਿੰਦਰ ਸਿੰਘ ਸਮੇਤ ਹੋਰ ਪਿੰਡ ਵਾਸੀ ਹਾਜ਼ਰ ਸਨ।