ਗੁਰਦਾਸਪੁਰ ( ਅਸ਼ਵਨੀ )

23 ਜੂਨ – ਠੱਗੀਆਂ ਮਾਰਨ ਵਾਲੇ ਲੋਕ ਕੋਈ ਨਾ ਕੋਈ ਤਰੀਕਾ ਲੱਭ ਕੇ ਠੱਗੀ ਕਰਨ ਦਾ ਸਿਲਸਿਲਾ ਲਗਾਤਾਰ ਜਾਰੀ ਰੱਖ ਰਹੇ ਹਨ ਕਦੀ ਕਿਸੇ ਨੂੰ ਫ਼ੋਨ ਰਾਹੀ ਰਿਸ਼ਤੇਦਾਰ ਦੱਸ ਠੱਗੀ ਮਾਰ ਲੈਂਦੇ ਹਨ ਤੇ ਕਦੀ ਕੋਈ ਹੋਰ ਤਰੀਕਾ ਲੱਭ ਕੇ । ਹਾਲ ਹੀ ਵਿੱਚ ਫੋਨ ਤੇ ਮੈਸਜ ਭੇਜਦੇ ਹਨ ਕਿ ਤੁਹਾਡਾ ਬਿਜਲੀ ਦਾ ਬਿੱਲ ਜਮਾ ਨਹੀ ਹੋਇਆ ਤੇ ਜੇ ਕੋਈ ਇਸ ਮੈਸਜ ਨੂੰ ਬਿਜਲੀ ਬੋਰਡ ਦੇ ਦਫ਼ਤਰ ਜਾ ਕੇ ਚੈੱਕ ਕਰਨ ਦੀ ਬਜਾਏ ਫੋਨ ਕਰਦਾ ਹੈ ਤਾਂ ਕਈ ਵਾਰ ਉਸ ਨਾਲ ਠੱਗੀ ਹੋ ਜਾਂਦੀ ਹੈ । ਅਜਿਹਾ ਹੀ ਵਾਪਰਿਆ ਹੈ ਗੁਰਦਾਸਪੁਰ ਵਸਨੀਕ ਵਿਜੇ ਕੁਮਾਰ ਸਵਾਰਾ ਦੇ ਨਾਲ। ਵਿਜੇ ਕੁਮਾਰ ਸਵਾਰਾ ਨੇ ਪੁਲਿਸ ਨੂੰ ਦਰਜ ਕਰਵਾਈ ਸ਼ਿਕਾਇਤ ਰਾਹੀ ਦੱਸਿਆ ਕਿ ਉਸ ਨੇ ਆਪਣੇ ਦੋਸਤ ਅੰਕਿਤ ਸ਼ਰਮਾ ਦਾ ਬਿਜਲੀ ਦਾ ਬਿੱਲ 16380 ਰੁਪਏ ਆਪਣੇ ਏ ਟੀ ਐਮ ਕਾਰਡ ਰਾਹੀ ਭੁਗਤਾਨ ਕੀਤਾ ਸੀ । ਬਾਅਦ ਵਿੱਚ ਅੰਕਿਤ ਸ਼ਰਮਾ ਦੇ ਫੋਨ ਤੇ ਮੈਸਜ ਆਇਆਂ ਕਿ ਉਸ ਦਾ ਬਿਜਲੀ ਦਾ ਬਿੱਲ ਜਮਾ ਨਹੀ ਹੋਇਆ ਹੈ ਇਸ ਲਈ ਬਿਜਲੀ ਦਾ ਕੂਨੈਕਸ਼ਨ ਕੱਟ ਦਿੱਤਾ ਜਾਵੇਗਾ ਤਾਂ ਉਸ ਦੇ ਦੋਸਤ ਨੇ ਆਏ ਹੋਏ ਫੋਨ ਤੇ ਉਸ ਦੀ ਗੱਲ ਕਰਵਾਈ ਜਿਸ ਵਿਅਕਤੀ ਦੇ ਨਾਲ ਗੱਲ ਹੋ ਰਹੀ ਸੀ ਉਸ ਨੇ ਕਵਿੱਕ ਸਪੋਰਟ ਐਪ ਡਾਉਨਲੋਡ ਕਰਨ ਅਤੇ ਇਸ ਵਿੱਚ 10 ਰੁਪਏ ਟਰਾਂਸਫਰ ਕਰਨ ਲਈ ਕਿਹਾ ਜਦੋ ਐਪ ਡਾਉਨਲੋਡ ਕਰਕੇ 10 ਰੁਪਏ ਟਰਾਂਸਫਰ ਕਰ ਦਿੱਤੇ ਤਾਂ ਉਸੇ ਰਾਤ ਕਰੀਬ 8 ਵਜੇ ਉਸ ਦੇ ਬੈਂਕ ਖਾਤੇ ਵਿੱਚੋ 51 ਹਜ਼ਾਰ ਰੁਪਏ ਕਢਵਾ ਕੇ ਉਸ ਨਾਲ ਧੋਖਾਧੜੀ ਕੀਤੀ ਗਈ । ਸਬ ਇੰਸਪੈਕਟਰ ਸਵਿੰਦਰਜੀਤ ਸਿੰਘ ਨੇ ਦੱਸਿਆ ਕਿ ਵਿਜੇ ਕੁਮਾਰ ਸਵਾਰਾ ਵੱਲੋ ਕੀਤੀ ਸ਼ਿਕਾਇਤ ਦੀ ਜਾਂਚ ਉਪ ਕਪਤਾਨ ਪੁਲਿਸ ਸਿਟੀ ਗੁਰਦਾਸਪੁਰ ਵੱਲੋ ਕਰਨ ਉਪਰਾਂਤ ਦੀਪਕ ਪ੍ਰਕਾਸ਼ ਵਾਸੀ ਉੱਤਰ ਪ੍ਰਦੇਸ਼ , ਕਰਿਸ਼ਨਾ ਰਾਮ ਅਤੇ ਸ਼ਸਮਿਤਾ ਜਾਨਾ ਪਤਨੀ ਸੰਜੇ ਪ੍ਰਮਾਣਿਕ ਵਾਸੀਆਨ ਕਲਕੱਤਾ ਵਿੱਰੁਧ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ।