ਗੜ੍ਹਦੀਵਾਲਾ (ਚੌਧਰੀ) 

10 ਜੂਨ : ਕਰਨਲ ਹਰਤੇਜ ਪਾਲ ਸਿੰਘ ਸ਼ੇਰਗਿੱਲ, ਕਮਾਂਡਿੰਗ ਅਫ਼ਸਰ 12 ਪੰਜਾਬ ਬਟਾਲੀਅਨ ਐਨ ਸੀ ਸੀ ਹੁਸ਼ਿਆਰਪੁਰ ਜੀ ਦੇ ਦਿਸ਼ਾ ਨਿਰਦੇਸ਼ਾ ਅਨੁਸਾਰ , ਐਡਮ ਅਫ਼ਸਰ ਕਰਨਲ ਜੇ ਐਸ ਮਾਨ ਜੀ ਦੇ ਮਾਰਗ ਨਿਰਦੇਸ਼ਨ ਅਤੇ ਪ੍ਰਿੰਸੀਪਲ ਮੈਡਮ ਸੁਖਵਿੰਦਰ ਕੌਰ ਗਿੱਲ ਦੀ ਯੋਗ ਅਗਵਾਈ ਹੇਠਾਂ ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਅੰਬਾਲਾ ਜੱਟਾਂ ਦੇ ਚਾਰ ਐਨ ਸੀ ਸੀ ਕੈਡੇਟ ਨੈਸ਼ਨਲ ਪੱਧਰੀ ਐਨ ਸੀ ਸੀ ਕੈੰਪ (ਇਕ ਭਾਰਤ ਸਰਵਸ਼ੇਟ ਭਾਰਤ) ਵਿੱਚ ਭਾਗ ਲੈਣ ਲਈ ਰਵਾਨਾ ਹੋਏ | ਇਸ ਸੰਬਧੀ ਜਾਣਕਾਰੀ ਦਿੰਦੇ ਹੋਏ ਐਨ ਸੀ ਸੀ ਅਫ਼ਸਰ ਡਾ ਕੁਲਦੀਪ ਸਿਂਘ ਮਨਹਾਸ ਨੇ ਕਿਹਾ ਕਿ ਇਹ ਦੱਸਦੇ ਹੋਏ ਫ਼ਕਰ ਮਹਿਸੂਸ ਹੋ ਰਿਹਾ ਹੈ ਕਿ ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਅੰਬਾਲਾ ਜੱਟਾਂ ਦੇ ਚਾਰ ਐਨ ਸੀ ਸੀ ਕੈਡੇਟ ਕੈਡੇਟ ਏਕਮਜੋਤ ਸਿੰਘ,ਅਰਯਾਵੀਰ ਢੱਟ,ਜਸਪ੍ਰੀਤ ਸਿੰਘ ਅਤੇ ਮਨਮੀਤ ਸਿੰਘ,ਨੈਸ਼ਨਲ ਪੱਧਰੀ ਐਨ ਸੀ ਸੀ ਕੈੰਪ ਇਕ ਭਾਰਤ ਸਰਵਸ਼ੇਟ ਭਾਰਤ ਵਿੱਚ ਭਾਗ ਲੈਣ ਲਈ ਰਵਾਨਾ ਹੋਏ ਹਨ| ਇਹ ਕੈੰਪ ਮਿਤੀ 10 ਜੂਨ ਤੋਂ ਲੈਕੇ 21 ਜੂਨ ਤੱਕ ਮਾਲੇਰਕੋਟਲਾ ਵਿਖੇ ਲੱਗ ਰਿਹਾ ਹੈ|ਜਿਥੇ ਵੱਖ ਵੱਖ ਰਾਜਾਂ ਤੋਂ ਐਨ ਸੀ ਸੀ ਕੈਡੇਟ ਭਾਗ ਲੈਣਗੇ |

ਇਸ ਮੌਕੇ ਪ੍ਰਿੰਸੀਪਲ ਸੁਖਵਿੰਦਰ ਕੌਰ ਗਿੱਲ ਨੇ ਐਨ ਸੀ ਸੀ ਕੈਡੇਟਾਂ ਦੀ ਇਸ ਪ੍ਰਾਪਤੀ ਉਹਨਾਂ ਨੂੰ ਮੁਬਾਰਕਬਾਦ ਦਿੱਤੀ ਅਤੇ ਕਿਹਾ ਕਿ ਐਨ ਸੀ ਸੀ ਦੇ ਮਾਧਿਅਮ ਨਾਲ ਵਿਦਿਆਰਥੀ ਨੂੰ ਦੇਸ਼ ਦੀ ਸੇਵਾ ਕਰਨ ਦੇ ਮੌਕੇ ਮਿਲਦੇ ਹਨ | ਐਨ ਸੀ ਸੀ ਕੈਡੇਟਾਂ ਵਿੱਚ ਏਕਤਾ ਅਤੇ ਅਨੁਸ਼ਾਸ਼ਨ ਵੱਧਦਾ ਹੈ | ਡਾ ਕੁਲਦੀਪ ਸਿਂਘ ਮਨਹਾਸ ਨੇ ਕਿਹਾ ਕਿ ਇਸ ਤਰ੍ਹਾਂ ਦੇ ਰਾਸ਼ਟਰ ਪੱਧਰੀ ਕੈੰਪਾਂ ਵਿੱਚ ਜਾਕੇ ਐਨ ਸੀ ਸੀ ਕੈਡੇਟਾਂ ਨੂੰ ਵੱਖ ਵੱਖ ਜਗ੍ਹਾ ਤੇ ਜਾਣ ਦਾ ਮੌਕਾ ਮਿਲਦਾ ਹੈ ਜਿਥੇ ਉਹ ਵੱਖ ਵੱਖ ਰਾਜਾਂ ਤੋਂ ਆਏ ਹੋਰਨਾਂ ਐਨ ਸੀ ਸੀ ਕੈਡੇਟਾਂ ਦੇ ਨਾਲ ਮਿਲਦੇ ਹਨ। ਜਿਸ ਨਾਲ ਉਹਨਾਂ ਦਾ ਸਮਾਜਿਕ ਵਿਕਾਸ ਵੱਧਦਾ ਹੈ ਅਤੇ ਉਹਨਾਂ ਦਾ ਸਰਵਪੱਖੀ ਵਿਕਾਸ ਹੁੰਦਾ ਹੈ |