ਗੜ੍ਹਦੀਵਾਲਾ  (ਯੋਗੇਸ਼ ਗੁਪਤਾ )

6 ਜੂਨ : ਪਿੰਡ ਡੱਫਰ ਵਿਖੇ ਸਮੂਹ ਨਗਰ ਨਿਵਾਸੀਆਂ ਤੇ ਐਨ ਆਰ ਆਈ ਵੀਰਾਂ ਦੇ ਸਹਿਯੋਗ ਨਾਲ ਦੂਜਾ ਕ੍ਰਿਕੇਟ ਕੱਪ 10 ਤੇ 11 ਜੂਨ ਨੂੰ ਕਰਵਾਇਆ ਜਾ ਰਿਹਾ ਹੈ। ਜਿਸ ਸਬੰਧੀ ਸਾਰਿਆਂ ਤਿਆਰੀਆਂ ਮੁਕੰਮਲ ਕਰ ਲਈਆਂ ਗਈਆਂ ਹਨ । ਇਸ ਸਬੰਧੀ ਟੂਰਨਾਮੈਂਟ ਕਮੇਟੀ ਦੇ ਮੁਖੀ ਸੰਦੀਪ ਸਿੰਘ ਸੋਨੂੰ ਡੱਫਰ ਅਤੇ ਹਾਜਰ ਮੈਬਰਾਂ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਸ ਟੂਰਨਾਮੈਂਟ ਦਾ ਉਦਘਾਟਨ ਮੁੱਖ ਮਹਿਮਾਨ ਕੌਮੀ ਮੀਤ ਪ੍ਰਧਾਨ ਯੂਥ ਅਕਾਲੀ ਦਲ (ਬ) ਸਰਦਾਰ ਕਮਲਜੀਤ ਸਿੰਘ ਕੌਲਾਰ ਅਤੇ ਇਨਾਮਾਂ ਦੀ ਵੰਡ ਸ਼੍ਰੋਮਣੀ ਅਕਾਲੀ ਦਲ (ਬ) ਦੇ ਸੀਨੀਅਰ ਆਗੂ ਤੇ ਹਲਕਾ ਟਾਂਡਾ ਇੰਚਾਰਜ ਸਰਦਾਰ ਅਰਵਿੰਦਰ ਸਿੰਘ ਰਸੂਲਪੁਰ ਕਰਨਗੇ । ਇਸ ਟੂਰਨਾਮੈਂਟ ਵਿੱਚ ਪਹਿਲਾਂ ਇਨਾਮ 21 ਹਜਾਰ ਰੁਪਏ, ਦੂਜਾ ਇਨਾਮ 15 ਹਜਾਰ ਰੁਪਏ ਤੇ ਤੀਜਾ ਇਨਾਮ 2100 ਰੁਪਏ ਦਿੱਤਾ ਜਾਵੇਗਾ। ਇਸੇ ਤਰਾਂ ਮੈਨ ਆਫ ਦੀ ਸੀਰੀਜ ਜਿੱਤਣ ਵਾਲੇ ਖਿਡਾਰੀ ਨੂੰ ਐਲ ਈ ਡੀ ਨਾਲ ਸਨਮਾਨਿਤ ਕੀਤਾ ਜਾਵੇਗਾ। ਇਸ ਟੂਰਨਾਮੈਂਟ ਵਿਚ ਬੈਸਟ ਵੈਟਸਮੈਨ ਨੂੰ ਫੈਨ ਤੇ ਵੈਸਟ ਬਾੱਲਰ ਨੂੰ ਜੇਐਮਜੀ ਨਾਲ ਸਨਮਾਨਿਤ ਕੀਤਾ ਜਾਵੇਗਾ । ਇਸ ਮੌਕੇ ਤੇ ਉਹਨਾਂ ਨਾਲ ਅਮਨਦੀਪ ਸਿੰਘ,ਪਵੀ ਸਹੋਤਾ, ਜੁਗਰਾਜ ਸਿੰਘ,ਅੰਮ੍ਰਿਤ,ਤਨਵੀਰ ਚਿੰਟੂ,ਕੁਲਵੀਰ ਸਹੋਤਾ, ਅਮਰਾਨ,ਧਆਨੂੰ,ਸੰਨੀ,ਯੁਵਰਾਜ,ਸੰਦੀਪ ਸਹੋਤਾ ਆਦਿ ਹਾਜਰ ਸਨ ।