ਗੁਰਦਾਸਪੁਰ (ਅਸ਼ਵਨੀ) 

31 ਮਈ  – ਪੁਲਿਸ ਜ਼ਿਲ੍ਹਾ ਗੁਰਦਾਸਪੁਰ ਅਧੀਨ ਪੈਂਦੇ ਵੱਖ-ਵੱਖ ਪੁਲਿਸ ਸਟੇਸ਼ਨਾ ਅਧੀਨ ਵੱਖ-ਵੱਖ ਚਾਪੇ ਸੜਕ ਹਾਦਸਿਆਂ ਵਿੱਚ ਦੋ ਦੀ ਮੋਤ ਹੋ ਗਈ ਜਦੋਕਿ ਇਕ ਅੋਰਤ ਜਖਮੀ ਹੋ ਗਈ ।
ਪੁਲਿਸ ਸਟੇਸ਼ਨ ਧਾਰੀਵਾਲ ਅਧੀਨ ਧਾਰੀਵਾਲ-ਗੁਰਦਾਸਪੁਰ ਸੜਕ ਉੱਪਰ ਅੱਡਾ ਸੋਹਲ ਵਿੱਖੇ ਟੱਰਕ ਵੱਲੋ ਕਾਰ ਨੂੰ ਟੱਕਰ ਮਾਰ ਦੇਣ ਕਾਰਨ ਮਾਂ-ਪੁੱਤਰ ਜਖਮੀ ਹੋ ਗਏ ਜਿੱਥੇ ਇਲਾਜ ਦੋਰਾਨ ਲੜਕੇ ਦੀ ਮੋਤ ਹੋ ਗਈ ਜਦੋ ਕਿ ਮਾਤਾ ਦਾ ਇਲਾਜ ਚੱਲ ਰਿਹਾ ਹੈ । ਹਰਜਿੰਦਰ ਸਿੰਘ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਰਾਹੀਂ ਦੱਸਿਆ ਕਿ ਬੀਤੀ 28 ਮਈ ਨੂੰ ਉਹ ਆਪਣੀ ਪਤਨੀ ਅਰਸ਼ਦੀਪ ਕੋਰ ਅਤੇ ਬੇਟੇ ਮੋਹਿਕਪ੍ਰੀਤ ਸਿੰਘ 16 ਸਾਲ ਦੇ ਨਾਲ ਆਪਣੀ ਕਾਰ ਨੰਬਰ ਡੀ ਐਲ 9 ਸੀ ਐਨ 6880 ਤੇ ਸਵਾਰ ਹੋ ਕੇ ਪਿੰਡ ਸੋਹਲ ਤੋਂ ਗੁਰਦਾਸਪੁਰ ਜਾ ਰਹੇ ਸਨ ਕਰੀਬ 3.15 ਵਜੇ ਜਦੋਂ ਉਹ ਅੱਡਾ ਸੋਹਲ ਤੋਂ ਥੋੜਾ ਅੱਗੇ ਪੁੱਜੇ ਤਾਂ ਟਰੱਕ ਨੰਬਰ ਜੇ ਕੇ 02 ਬੀ ਸੀ 6335 ਦੇ ਚਾਲਕ ਨੇ ਪਿੱਛੇ ਤੋਂ ਉਹਨਾ ਦੀ ਕਾਰ ਨੂੰ ਟੱਕਰ ਮਾਰ ਦਿੱਤੀ ਜਿਸ ਕਾਰਨ ਉਸ ਦੀ ਪਤਨੀ ਤੇ ਬੇਟਾ ਜਖਮੀ ਹੋ ਗਏ ਉਹਨਾਂ ਨੂੰ ਇਲਾਜ ਲਈ ਲੁਧਿਆਣਾ ਦੇ ਇਕ ਨਿੱਜੀ ਹੱਸਪਤਾਲ ਲੈ ਜਾਇਆ ਗਿਆ ਜਿੱਥੇ ਉਸ ਦੇ ਬੇਟੇ ਦੀ ਮੋਤ ਹੋ ਗਈ ਜਦੋਕਿ ਪਤਨੀ ਦਾ ਇਲਾਜ ਚੱਲ ਰਿਹਾ ਹੈ ।ਤਫਤੀਸ਼ੀ ਅਫਸਰ ਸਹਾਇਕ ਸਬ ਇੰਸਪੈਕਟਰ ਗੁਰਦੀਪ ਸਿੰਘ ਪੁਲਿਸ ਸਟੇਸ਼ਨ ਧਾਰੀਵਾਲ ਨੇ ਦੱਸਿਆ ਕਿ ਟਰੱਕ ਚਾਲਕ ਮੁਹੰਮਦ ਸ਼ਰੀਫ ਵਾਸੀ ਜੰਮੂ ਦੇ ਵਿਰੁੱਧ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ ।
ਗੁਰਦਾਸਪੁਰ-ਦੀਨਾ ਨਗਰ ਸੜਕ ਉਪਰ ਪੈਂਦੇ ਹੋਟਲ ਮੈਨਜਮੈਂਟ ਕਾਲਜ ਨੇੜੇ ਕਿਸੇ ਨਾਮਾਲੂਮ ਵਹੀਕਲ ਦੇ ਡਰਾਈਵਰ ਵੱਲੋਂ ਟਕੱਰ ਮਾਰ ਦੇਣ ਕਾਰਨ ਇੱਕ ਨਾਮਾਲੂਮ ਵਿਅਕਤੀ ਦੀ ਮੋਤ ਹੋ ਗਈ । ਸਹਾਇਕ ਸਬ ਇੰਸਪੈਕਟਰ ਪੁਲਿਸ ਸਟੇਸ਼ਨ ਦੀਨਾ ਨਗਰ ਜਸਵਿੰਦਰ ਸਿੰਘ ਨੇ ਦੱਸਿਆ ਕਿ ਜਗਦੀਸ਼ ਰਾਜ ਪੁੱਤਰ ਲੇਖ ਰਾਜ ਵਾਸੀ ਬਰਿਆਰ ਦੀ ਸ਼ਿਕਾਇਤ ਤੇ ਨਾਮਾਲੂਮ ਵਹਿਕਲ ਦੇ ਚਾਲਕ ਵਿਰੁੱਧ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ ।