ਕੋਮਲ ਦੀ ਇਸ ਪ੍ਰਾਪਤੀ ਦੀ ਖੁਸ਼ੀ ‘ਚ ਮਾਤਾ ਪਿਤਾ ਨੇ ਸਕੂਲ ਨੂੰ 5100 ਰੁਪਏ ਦਿੱਤੇ ਦਾਨ

27 ਮਈ :  ਪੰਜਾਬ ਸਕੂਲ ਸਿੱਖਿਆ ਬੋਰਡ ਵਲੋਂ 12 ਵੀਂ ਜਮਾਤ ਦਾ ਨਤੀਜਾ ਘੋਸ਼ਿਤ ਕਰ ਦਿੱਤਾ ਗਿਆ ਹੈ। ਜਿਸ ਵਿੱਚ ਸਰਕਾਰੀ ਸੀਨੀਅਰ ਸੈਕੰਡਰੀ ਸਮਾਰਟ ਸਕੂਲ ਮਨਹੋਤਾ ਦੀ ਨਾਨ ਮੈਡੀਕਲ ਦੀ ਵਿਦਿਆਰਥਣ ਕੋਮਲ ਸਪੁੱਤਰੀ ਸੁਰਿੰਦਰ ਸਿੰਘ / ਨੀਰਜ ਕੁਮਾਰੀ 488/500 (97.6) ਅੰਕ ਪ੍ਰਾਪਤ ਕਰਕੇ ਮੈਰਿਟ ਸੂਚੀ ਵਿੱਚ ਪੰਜਾਬ ਚੋਂ 12 ਰੈਂਕ ਹਾਸਿਲ ਕਰਕੇ ਮਾਤਾ ਪਿਤਾ, ਸਕੂਲ ਅਤੇ ਜਿਲਾ ਹੁਸ਼ਿਆਰਪੁਰ ਦਾ ਨਾਂ ਰੌਸ਼ਨ ਕੀਤਾ ਹੈ ।ਇਸ ਮੌਕੇ ਸਕੂਲ ਪ੍ਰਿੰਸੀਪਲ ਸੁਦਰਸ਼ਨ ਕੁਮਾਰ ਅਤੇ ਸਮੂਹ ਸਟਾਫ ਵਲੋਂ ਇਸ ਪ੍ਰਾਪਤੀ ਤੋਂ ਕੋਮਲ ਨੂੰ ਸਨਮਾਨਿਤ ਚਿਨ੍ਹ ਭੇਂਟ ਕਰਕੇ ਸਨਮਾਨਿਤ ਕੀਤਾ ਗਿਆ । ਇਸ ਮੌਕੇ ਮੈਡਮ ਰਾਜ ਕੌਰ ਨੇ ਕੋਮਲ ਨੂੰ 500 ਦੇ ਕੇ ਉਸਦੀ ਹੌਸਲਾ ਅਫਜਾਈ ਕੀਤੀ।ਇਸ ਮੌਕੇ ਕੋਮਲ ਦੇ ਪਿਤਾ ਲੈਕਚਰਾਰ ਸੁਰਿੰਦਰ ਸਿੰਘ  ਤੇ ਨੀਰਜ ਕੁਮਾਰੀ ਜੋ ਕਿ ਇੱਕ ਪ੍ਰਾਇਮਰੀ ਅਧਿਆਪਕਾਂ ਹਨ ਨੇ ਆਪਣੇ ਵਲੋਂ ਸਕੂਲ ਨੂੰ 5100 ਰੁਪਏ ਦਾਨ ਦਿੱਤੇ। ਇਸ ਮੌਕੇ ਸਕੂਲ ਪ੍ਰਿੰਸੀਪਲ ਸੁਦਰਸ਼ਨ ਕੁਮਾਰ ਤੇ ਸਮੂਹ ਸਟਾਫ ਨੇ ਕੋਮਲ ਨੂੰ ਇਸ ਪ੍ਰਾਪਤੀ ਲਈ ਵਧਾਈ ਦਿੱਤੀ ਤੇ ਉਸਦੇ ਉਜਵਲ ਭਵਿੱਖ ਦੀ ਕਾਮਨਾ ਕੀਤੀ। ਇਸ ਮੌਕੇ ਲੈਕਚਰਾਰ ਸਰਜੀਵਨ ਕੁਮਾਰ, ਜਰਨੈਲ ਸਿੰਘ, ਕੁਲਦੀਪ ਸਿੰਘ, ਗੁਰਪ੍ਰੀਤ ਸਿੰਘ, ਨਿਰਮਲਜੀਤ ਸਿੰਘ, ਸਤਵਿੰਦਰ ਸਿੰਘ, ਜਸਵੀਰ ਸਿੰਘ, ਰਛਪਾਲ ਸਿੰਘ, ਸੁਖਵੰਤ ਸਿੰਘ, ਸੰਜੀਵ ਕੁਮਾਰ, ਸੰਜੀਵ ਭਾਟੀਆ, ਮੈਡਮ ਮਨੋਜ ਕੁਮਾਰੀ, ਜਤਿੰਦਰ ਕੌਰ, ਨਵਜੋਤ ਕੁਮਾਰੀ, ਰੀਨਾ ਕੁਮਾਰੀ, ਅਨੂਪਮ ਦੇਵੀ, ਵਰਿੰਦਰ ਕੌਰ ਅਤੇ ਵਿਦਿਆਰਥੀਆਂ ਹਾਜਰ ਸਨ।

ਕੈਪਸ਼ਨ : ਕੋਮਲ ਦਾ ਸਨਮਾਨ ਕਰਕੇ ਹੋਏ ਸਕੂਲ ਪ੍ਰਿੰਸੀਪਲ ਸੁਦਰਸ਼ਨ ਕੁਮਾਰ ਤੇ ਸਮੂਹ ਸਟਾਫ।