ਪਠਾਨਕੋਟ (ਤਰੁਣ ਸਣਹੋਤਰਾ)

17 ਮਈ : ਮੈਡਮ ਜੋਤੀ ਸਰਮਾ ਬਾਲ ਸੁਰੱਖਿਆ ਅਧਿਕਾਰੀ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪਿਛਲੇ ਦਿਨ੍ਹਾਂ ਦੋਰਾਨ 2 ਨਾਬਾਲਿਗ ਬੱਚੇ ਜਿਨ੍ਹਾਂ ਵਿੱਚੋਂ ਲੜਕਾ ਅਪਣਾ ਨਾਮ ਹਾਮਿਦ ਦੱਸਦਾ ਹੈ ਜਿਸ ਦੀ ਉਮਰ 3 ਸਾਲ ਹੈ ਅਤੇ ਲੜਕੀ ਅਪਣਾ ਨਾਮ ਨਾਵਿਆ ਦੱਸਦੀ ਹੈ ਜਿਸ ਦੀ ਉਮਰ 5 ਸਾਲ ਹੈ।ਉਨ੍ਹਾਂ ਦੱਸਿਆ ਕਿ ਇਹ ਦੋਨੋਂ ਬੱਚੇ ਮਿਤੀ 22-02-2023 ਨੂੰ ਰੇਲ ਗੱਡੀ ਨੰ- 1351 ਜੋ ਕਿ ਵੈਸਟ ਬੰਗਾਲ ਤੋਂ ਚਲਦੀ ਹੈ ਅਤੇ ਕਈ ਰਾਜਾਂ ਵਿੱਚ ਹੁੰਦੀ ਹੋਈ ਪਠਾਨਕੋਟ (ਪੰਜਾਬ) ਪਹੁੰਚਦੀ ਹੈ ਤੋਂ ਰੇਲਵੇ ਪੁਲਿਸ (ਆਰ.ਪੀ.ਐਫ.) ਚੌਂਕੀ ਬੈਂਕ ਪਠਾਨਕੋਟ ਨੂੰ ਪ੍ਰਾਪਤ ਹੋਏ ਸਨ।
ਉਨ੍ਹਾਂ ਦੱਸਿਆ ਕਿ ਇਹ ਬੱਚੇ ਆਪਣਾ ਘਰ ਦਾ ਪਤਾ ਦੱਸਣ ਵਿੱਚ ਅਸਮਰੱਥ ਹਨ। ਇਹਨਾਂ ਬੱਚਿਆਂ ਦੀ ਗੁੰਮਸ਼ੁਦਾ ਰਿਪੋਰਟ ਆਰ.ਪੀ.ਐਫ. ਰੇਲਵੇ ਸਟੇਸ਼ਨ ਚੱਕੀ ਬੈਂਕ ਪਠਾਨਕੋਟ (ਪੰਜਾਬ) ਵਿੱਚ ਦਰਜ਼ ਕਰਵਾਈ ਗਈ ਹੈ।ਜੇਕਰ ਕਿਸੇ ਨੂੰ ਇਹਨਾਂ ਬੱਚਿਆਂ ਦੇ ਮਾਤਾ ਪਿਤਾ ਜਾਂ ਕਿਸੇ ਹੋਰ ਗਾਰਡੀਅਨ ਸਬੰਧੀ ਜਾਂ ਕਿਸੇ ਵੀ ਪ੍ਰਕਾਰ ਦੀ ਜਾਣਕਾਰੀ ਪ੍ਰਾਪਤ ਹੁੰਦੀ ਹੈ ਤਾਂ ਜਿਲ੍ਹਾ ਬਾਲ ਸੁਰੱਖਿਆ ਯੂਨਿਟ ਪਠਾਨਕੋਟ ਕਮਰਾ ਨੰਬਰ -219, ਜਿਲ੍ਹਾ ਪ੍ਰਬੰਧਕੀ ਕੰਪਲੈਕਸ ਪਠਾਨਕੋਟ ਫੋਨ ਨੰਬਰ 9781734602, 8559063371, 8968033481 ਤੇ ਤੁਰੰਤ ਸਪੰਰਕ ਕੀਤਾ ਜਾਵੇ।