ਗੜ੍ਹਦੀਵਾਲਾ (ਚੌਧਰੀ) 

7 ਮਈ : ਪਿੰਡ ਧੁੱਤਕਲਾਂ ਦੇ ਅੰਮ੍ਰਿਤਪਾਲ ਪੁੱਤਰ ਸੁਰਜੀਤ ਸਿੰਘ ਟੋਨੀ ਅਤੇ ਸ਼ੁਦੀਕਸ਼ਾ ਸਪੁੱਤਰੀ ਬਲਵੀਰ ਸਿੰਘ ਬਿੱਟੂ ਨੂੰ ਸੰਤ ਨਿਰੰਕਾਰੀ ਸਤਸੰਗ ਭਵਨ ਗੜ੍ਹਦੀਵਾਲਾ ਵਿਖੇ ਮੁੱਖੀ ਮਹਾਤਮਾ ਅਵਤਾਰ ਸਿੰਘ ਦੀ ਅਗਵਾਈ ਵਿਚ ਸਟੇਜ ਤੇ ਬਿਰਾਜਮਾਨ ਭੈਣ ਨਰਿੰਦਰ ਕੌਰ ਜੀ ਵਲੋਂ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਜਾਣਕਾਰੀ ਦਿੰਦਿਆਂ ਅੰਮ੍ਰਿਤਪਾਲ ਦੇ ਪਿਤਾ ਸੁਰਜੀਤ ਸਿੰਘ ਟੋਨੀ ਨੇ ਦੱਸਿਆ ਕਿ ਅੰਮ੍ਰਿਤਪਾਲ ਨੇ ਇੰਟਰ ਗਰੁੱਪ ਸ਼ੁਟਿੰਗ ਪ੍ਰਤਿਯੋਗਿਤਾ ਵਿੱਚ ਹਿੱਸਾ ਲਿਆ ਜਿਸ ਵਿਚ ਹਰਿਆਣਾ, ਹਿਮਾਚਲ ਪ੍ਰਦੇਸ਼, ਚੰਡੀਗੜ੍ਹ ਦੇ ਕੈਡਿਟਾਂ ਨੇ ਭਾਗ ਲਿਆ ਸੀ। ਇਸ ਪ੍ਰਤੀਯੋਗਿਤਾ ਵਿੱਚ ਅੰਮ੍ਰਿਤਪਾਲ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਪਹਿਲਾ ਸਥਾਨ ਹਾਸਲ ਕਰਦੇ ਹੋਏ ਗੋਲਡ ਮੈਡਲ ਹਾਸਲ ਕੀਤਾ। ਅੰਮ੍ਰਿਤਪਾਲ ਨੇ ਇਸ ਕਾਮਯਾਬੀ ਦਾ ਸਿਹਰਾ ਨਿਰੰਕਾਰੀ ਸਤਿਗੁਰੂ ਮਾਤਾ ਸੁਦੀਕਸ਼ਾ ਜੀ ਮਹਾਰਾਜ ਦੀ ਕਿਰਪਾ ਦੇ ਨਾਲ-ਨਾਲ ਮਾਤਾ ਬਲਵੀਰ ਕੌਰ, ਪਿਤਾ ਸੁਰਜੀਤ ਸਿੰਘ ਟੋਨੀ, ਦਾਦਾ ਹਰਬੰਸ ਸਿੰਘ ਜੱਸਲ ਅਤੇ ਗੁਰਚਰਨ ਕੌਰ ਦੀਆਂ ਦੁਆਵਾਂ ਦੇ ਨਾਲ ਸਰਕਾਰੀ ਕਾਲਜ ਦੀ ਪ੍ਰਿੰਸੀਪਲ ਮੈਡਮ ਯੋਗੇਸ਼ ਅਤੇ ਐਨ ਸੀ ਸੀ ਇੰਚਾਰਜ ਸੰਜੀਵ ਵਾਸਲ ਵਲੋਂ ਦਿੱਤੇ ਉਤਸ਼ਾਹ ਨੂੰ ਦਿੱਤਾ। ਇਸੇ ਦੌਰਾਨ ਸ਼ੁਦੀਕਸ਼ਾ ਸਪੁੱਤਰੀ ਬਲਵੀਰ ਸਿੰਘ ਬਿੱਟੂ ਨੂੰ ਵੀ ਸਨਮਾਨਿਤ ਕੀਤਾ ਗਿਆ। ਜਾਣਕਾਰੀ ਦਿੰਦਿਆਂ ਸ਼ੁਦੀਕਸ਼ਾ ਦੇ ਪਿਤਾ ਬਲਵੀਰ ਸਿੰਘ ਬਿੱਟੂ ਨੇ ਦੱਸਿਆ ਕਿ ਇੰਟਰਨੈਸ਼ਨਲ ਰੀਜਨਿੰਗ ਅਤੇ ਐਪਟੀਟਿਉਟ ਉਲਪੀਯਾਡ 2022-23 ਦੇ ਮੁਕਾਬਲੇ ਹੋਏ ਜਿਸ ਵਿਚ ਸ਼ੁਦੀਕਸ਼ਾ ਨੇ ਗੋਲਡ ਮੈਡਲ ਹਾਸਲ ਕੀਤਾ। ਸਟੇਟ ਵਿੱਚੋਂ 61ਵਾਂ ਰੈਂਕ ਅਤੇ ਜੋਨਲ ਲੈਵਲ 913 ਅਤੇ 2027 ਉਲਪੀਯਾਡ ਲੈਵਲ ਅਤੇ ਸਕੂਲ ਵਿਚੋਂ ਪਹਿਲਾ ਸਥਾਨ ਹਾਸਲ ਕੀਤਾ ਕੀਤਾ। ਸ਼ੁਦੀਕਸ਼ਾ ਨੇ ਇਸਦਾ ਸਿਹਰਾ ਨਿਰੰਕਾਰੀ ਸਤਿਗੁਰੂ ਮਾਤਾ ਸੁਦੀਕਸ਼ਾ ਜੀ ਮਹਾਰਾਜ ਦੀ ਕਿਰਪਾ ਅਤੇ ਪਿਤਾ ਬਲਵੀਰ ਸਿੰਘ, ਮਾਤਾ ਸ਼ਸ਼ੀ ਬਾਲਾ, ਦਾਦਾ ਰਾਮ ਪ੍ਰਕਾਸ਼ ਤੇ ਦਾਦੀ ਚਰਨਜੀਤ ਕੌਰ ਦੇ ਅਸ਼ੀਰਵਾਦ ਅਤੇ ਸਕੂਲ ਦੇ ਅਧਿਆਪਕਾਂ ਨੂੰ ਦਿੱਤਾ।