ਹੁਸ਼ਿਆਰਪੁਰ/ਦਸੂਹਾ/ਮੁਕੇਰੀਆਂ (ਚੌਧਰੀ) 

4 ਮਈ : ਮੁੱਖ ਮੰਤਰੀ ਪੰਜਾਬ ਭਗਵੰਤ ਮਾਨ ਦੀ ਮਿਤੀ 5 ਮਈ  ਨੂੰ ਪਿੰਡ ਸਿੰਘਪੁਰ ਜੱਟਾਂ ਬਲਾਕ ਹਾਜ਼ੀਪੁਰ ਵਿਖੇ ਆਮਦ ਨੂੰ ਧਿਆਨ ਵਿਚ ਰੱਖਦੇ ਹੋਏ ਟ੍ਰੈਫਿਕ ਰੂਟ ਡਾਇਵਰਟ ਕੀਤੇ ਗਏ ਹਨ। ਇਹ ਜਾਣਕਾਰੀ ਦਿੰਦਿਆਂ ਐਸ.ਐਸ.ਪੀ ਸਰਤਾਜ ਸਿੰਘ ਚਾਹਲ ਨੇ ਦੱਸਿਆ ਕਿ ਤਲਵਾੜਾ,ਹਾਜ਼ੀਪੁਰ ਤੋਂ ਦਸੂਹਾ ਸਾਈਡ ਜਾਣ ਵਾਲਾ ਕੋਈ ਵੀ ਭਾਰੀ ਵਾਹਨ ਟੀ ਪੁਆਇੰਟ ਹਾਜ਼ੀਪੁਰ ਤੋਂ ਵਾਇਆ ਮੁਕੇਰੀਆਂ ਤੋਂ ਦਸੂਹਾ ਨੂੰ ਜਾਵੇਗਾ। ਦਸੂਹਾ ਸਾਈਡ ਤੋਂ ਹਾਜ਼ੀਪੁਰ, ਤਲਵਾੜਾ ਨੂੰ ਜਾਣ ਵਾਲਾ ਕੋਈ ਵੀ ਭਾਰੀ ਵਾਹਨ ਦਸੂਹਾ ਤੋਂ ਵਾਇਆ ਮੁਕੇਰੀਆਂ ਹਾਜ਼ੀਪੁਰ, ਤਲਵਾੜਾ ਜਾਵੇਗਾ। ਪ੍ਰੋਗਰਾਮ ਵਿਚ ਸ਼ਾਮਲ ਹੋਣ ਵਾਲੀ ਦਸੂਹਾ ਸਾਈਡ ਤੋਂ ਆਉਣ ਵਾਲੀ ਪਬਲਿਕ ਪਿੰਡ ਕੋਲਪੁਰ ਮੋੜ ਤੋਂ ਹੁੰਦੀ ਹੋਈ ਪਿੰਡ ਸਿੰਘਪੁਰ ਜੱਟਾਂ ਆਵੇਗੀ। ਇਸੇ ਤਰ੍ਹਾ ਪ੍ਰੋਗਰਾਮ ਵਿਚ ਸ਼ਾਮਲ ਹੋਣ ਵਾਲੀ ਮੁਕੇਰੀਆਂ ( ਮਹਿਤਪੁਰ, ਮਨਸੂਰਪੁਰ ਰੋਡ ) ਤੋਂ ਆਉਣ ਵਾਲੀ ਪਬਲਿਕ ਵਾਇਆ ਪਿੰਡ ਸੁੰਦਰਪੁਰ ,ਪਿੰਡ ਭਾਂਗੜਾ, ਪਿੰਡ ਕੋਲਪੁਰ ਰਾਹੀ ਹੁੰਦੀ ਹੋਈ ਪਿੰਡ ਸਿੰਘਪੁਰ ਜੱਟਾਂ ਆਵੇਗੀ। ਇਸੇ ਤਰ੍ਹਾਂ ਪ੍ਰੋਗਰਾਮ ਵਿਚ ਸ਼ਾਮਲ ਹੋਣ ਵਾਲੀ ਹਾਜ਼ੀਪੁਰ ਸਾਈਡ ਤੋਂ ਆਉਣ ਵਾਲੀ ਪਬਲਿਕ ਵਾਇਆ ਪਿੰਡ ਕੋਲਪੁਰ ਰਾਹੀ ਹੁੰਦੀ ਹੋਈ ਪਿੰਡ ਸਿੰਘਪੁਰ ਜੱਟਾਂ ਆਵੇਗੀ।