ਗੜ੍ਹਦੀਵਾਲਾ (ਚੌਧਰੀ) 

25 ਅਪ੍ਰੈਲ : ਪੰਜਾਬ ਸਰਕਾਰ ਅਤੇ ਸਿਵਲ ਸਰਜਨ ਹੁਸ਼ਿਆਰਪੁਰ ਡਾ. ਬਲਵੀਰ ਸਿੰਘ ਜੀ ਦੇ ਦਿਸ਼ਾ ਨਿਰਦੇਸ਼ਾ ਅਨੁਸਾਰ ਡਾ.ਹਰਜੀਤ ਸਿੰਘ, ਸੀਨੀਅਰ ਮੈਡੀਕਲ ਅਫਸਰ,ਇ. ਪੀ.ਐਚ.ਸੀ. ਭੂੰਗਾ ਜੀ ਦੀ ਯੋਗ ਅਗਵਾਈ ਹੇਠ ਪੀ.ਐਚ.ਸੀ. ਭੂੰਗਾ ਵਿਖੇ ਵਿਸ਼ਵ ਮਲੇਰੀਆ ਦਿਵਸ ਮਨਾਇਆ ਗਿਆ। ਜਿਸ ਦਾ ਮੁਖ ਥੀਮ “ਜੀਰੋ ਮਲੇਰਿਆਂ ਦੇਣ ਦਾ ਸਮਾਂ ਨਿਵੇਸ਼ ਕਰੋ, ਨਵੀਨਤਾ ਅਪਨਾੳ, ਲਾਗੂ ਕਰੋ ” । ਇਸ ਮੌਕੇ ਤੇ ਡਾ.ਜਗਤਾਰ ਸਿੰਘ ਅਤੇ ਅਮਿਤ ਸ਼ਰਮਾ ਮ.ਪ.ਹ.ਸ.(ਮੇਲ) ਨੇ ਲੋਕਾਂ ਨੂੰ ਮਲੇਰਿਆ ਬੁਖਾਰ ਦੇ ਕਾਰਨ, ਲੱਛਣ ਅਤੇ ਇਸ ਤੋਂ ਬਚਾ ਬਾਰੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਮਲੇਰਿਆ ਬੁਖਾਰ ਮਾਦਾ ਐਨਾਫਲੀਜ ਮਛਰ ਦੇ ਕਟਣ ਦੇ ਨਾਲ ਫੈਲਦਾ ਹੇ ਜੋਕਿ ਸਾਫ ਅਤੇ ਖੜੇ ਪਾਣੀ ਵਿਚ ਪੈਦਾ ਹੁੰਦਾ ਹੈ । ਇਹ ਮਛਰ ਰਾਤ ਅਤੇ ਸਵੇਰ ਵੇਲੇ ਕਟਦਾ ਹੈ।ਠੰਡ ਅਤੇ ਕਾਬੇ ਨਾਲ ਬੁਖਾਰ ਚੜਨਾ, ਤੇਜ ਬੁਖਾਰ ਤੇ ਸਿਰ ਦਰਦ ਹੋਣਾ,ਬੁਖਾਰ ਉਤਰਨ ਤੋ ਬਾਦ ਥਕਾਵਟ ਅਤੇ ਕਮਜੋਰੀ ਆਣਾ ਅਤੇ ਸਰੀਰ ਨੂੰ ਪਸੀਨਾ ਆਣਾ ਆਦਿ ਇਸਦੇ ਮੁਖ ਲਛਣ ਹਨ।ਇਸ ਤੋ ਬਚਣ ਲਈ ਆਪਣੇ ਘਰਾਂ ਦੇ ਆਲੇ ਦੁਆਲੇ ਟੋਇਆ ਵਿਚ ਪਾਣੀ ਨੂੰ ਖੜਾ ਨਾ ਹੋਣ ਦਿਓ, ਟੋਇਆ ਨੂੰ ਮਿਟੀ ਨਾਲ ਪੂਰ ਦਿਓ,ਛਪੜਾਂ ਵਿਚ ਖੜੇ ਪਾਣੀ ਤੇ ਕਾਲੇ ਤੇਲ ਦਾ ਛਿੜਕਾਓ ਕੀਤਾ ਜਾਵੇ, ਹਫਤੇ ਵਿਚ ਇਕ ਦਿਨ ਕੂਲਰਾਂ ਅਤੇ ਫਰਿਜਾਂ ਦੀਆ ਟ੍ਰੇਆਂ ਨੂੰ ਸ਼ਾਫ ਕੀਤਾ ਜਾਵੇ, ਪੂਰੇ ਸਰੀਰ ਨੂੰ ਢਕਣ ਵਾਲੇ ਕਪੜੇ ਪਾਏ ਜਾਣ ,ਸੌਣ ਵੇਲੇ ਮਛਰਦਾਨੀਆਂ ਅਤੇ ਮਛਰ ਭਜਾਣ ਵਾਲੀਆਂ ਕਰੀਮਾਂ ਆਦਿ ਦੀ ਵਰਤੋ ਕੀਤੀ ਜਾਵੇ।ਬੁਖਾਰ ਹੋਣ ਤੇ ਨਜਦੀਕੀ ਸਰਕਾਰੀ ਸਿਹਤ ਸਸੰਥਾ ਵਿਖੇ ਸਪੰਰਕ ਕੀਤਾ ਜਾਵੇ।ਮਲੇਰਿਆ ਬੁਖਾਰ ਦਾ ਟੈਸਟ ਅਤੇ ਇਲਾਜ ਸਾਰੇ ਸਰਕਾਰੀ ਹਸਪਤਾਲਾਂ ਵਿਖੇ ਮੁਫਤ ਕੀਤਾ ਜਾਂਦਾ ਹੈ।ਇਸ ਮੌਕੇ ਤੇ ਡਾ.ਰਾਕੇਸ਼ ਕੁਮਾਰ, ਡਾ. ਸ਼ਿਵਾਨੀ,ਡਾ. ਰਣਜੀਤ ਸਿੰਘ, ਡਾ. ਸਤਵਿੰਦਰ ਸਿੰਘ ਜਸਤਿੰਦਰ ਸਿੰਘ ਬੀ.ਈ.ਈ ,ਕੁਲਵਿੰਦਰ ਕੌਰ, ਜਸਵਿੰਦਰ ਕੌਰ, ਮਨਜੀਤ ਸਿੰਘ, ਰਣਯੋਧ ਸਿੰਘ, ਅਤੇ ਆਮ ਲੋਗ ਹਾਜਰ ਸਨ।