ਫਗਵਾੜਾ (ਲਾਲੀ ਦਾਦਰ )

* ਧਰਮ ਦੇਵਾ ਜੀ ਨੇ ਸਮੂਹ ਸੰਗਤਾਂ ਨੂੰ ਦਿੱਤੀ ਸ੍ਰੀ ਰਾਮ ਨੌਮੀ ਦੀ ਵਧਾਈ

29 ਮਾਰਚ : ਇੱਥੋਂ ਦੇ ਨਜਦੀਕੀ ਪਿੰਡ ਡੁਮੇਲੀ ਸਥਿਤ ਮਾਤਾ ਵੈਸ਼ਨੋ ਦੇਵੀ ਮੰਦਿਰ ਵਿਖੇ ਚੇਤ ਮਹੀਨੇ ਦੇ ਨਵਰਾਤਰਿਆਂ ਦੌਰਾਨ ਅੱਜ ਸ੍ਰੀ ਦੁਰਗਾ ਅਸ਼ਟਮੀ ਮੌਕੇ ਮੰਦਿਰ ਦੇ ਗੱਦੀ ਨਸ਼ੀਨ ਧਰਮ ਦੇਵਾ ਜੀ ਦੀ ਅਗਵਾਈ ਹੇਠ ਸਮੂਹ ਸੰਗਤ ਦੇ ਸਹਿਯੋਗ ਨਾਲ ਧਾਰਮਿਕ ਸਮਾਗਮ ਕਰਵਾਇਆ ਗਿਆ। ਸਵੇਰੇ ਚੁੰਨੀ ਦੀ ਰਸਮ ਉਪਰੰਤ ਕੰਜਕ ਪੂਜਨ ਕੀਤਾ ਗਿਆ। ਧਰਮ ਦੇਵਾ ਜੀ ਨੇ ਸਰਬੱਤ ਦੇ ਭਲੇ ਦੀ ਅਰਦਾਸ ਕੀਤੀ ਅਤੇ ਸਮੂਹ ਹਾਜਰੀਨ ਸੰਗਤ ਨੂੰ ਸ੍ਰੀ ਦੁਰਗਾ ਅਸ਼ਟਮੀ ਅਤੇ ਰਾਮ ਨੌਮੀ ਦੀ ਵਧਾਈ ਦਿੱਤੀ। ਮਹੰਤ ਸੁਰਿੰਦਰ ਸਿਆਣ ਐਂਡ ਪਾਰਟੀ ਕਪੂਰ ਪਿੰਡ ਵਾਲਿਆਂ ਵਲੋਂ ਮਾਂ ਭਗਵਤੀ ਦੇ ਚਰਨਾਂ ਵਿਚ ਆਪਣੀ ਭਰਪੂਰ ਹਾਜਰੀ ਲਗਵਾਈ ਗਈ। ਮੁੱਖ ਸੇਵਾਦਾਰ ਭਗਤ ਦੌਲਤ ਰਾਮ ਅਤੇ ਭਗਤ ਸਰਬਜੀਤ ਸਾਬੀ ਡੁਮੇਲੀ ਨੇ ਸਮੂਹ ਸਹਿਯੋਗੀਆਂ, ਸੇਵਾਦਾਰਾਂ ਤੇ ਪਤਵੰਤਿਆਂ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ। ਚਾਹ ਪਕੌੜੇ ਅਤੇ ਮਈਆ ਜੀ ਦਾ ਭੰਡਾਰਾ ਅਤੁਟ ਵਰਤਾਇਆ ਗਿਆ। ਇਸ ਮੌਕੇ ਸੁਰਜੀਤ ਸਿੰਘ ਰਾਣਾ, ਬਿੰਨੀ, ਦੇਸਰਾਜ, ਸੰਜੀਵ ਕੁਮਾਰ, ਤਰਲੋਚਨ ਸਿੰਘ ਰਿਹਾਣਾ ਜੱਟਾਂ, ਕਾਕਾ ਡੁਮੇਲੀ, ਹੈੱਪੀ ਡੁਮੇਲੀ, ਬਿੱਟੂ ਡੁਮੇਲੀ, ਵਿਜੇ ਡੁਮੇਲੀ, ਕੁਲਦੀਪ ਹਰੀ ਪੁਰੀਆ, ਸੋਨੂੰ ਡੁਮੇਲੀ, ਹਰਜੀਤ ਮਾਣਕ, ਇੰਦਰ ਕੁਮਾਰ, ਰਮਨ ਰਿਹਾਣਾ ਜੱਟਾਂ, ਬਿੱਟੂ ਯੂ.ਏ.ਈ., ਮਨਜੀਤ ਕੁਮਾਰ, ਜੋਰਾਵਰ ਸਿੰਘ, ਜੱਸੀ ਡੁਮੇਲੀ, ਪਿਆਰਾ ਲਾਲ, ਵਿਸ਼ਾਲ ਬੱਲੂ, ਵਿਕਾਸ ਪੰਡਿਤ, ਨਰਿੰਦਰ ਸੋਨੂੰ, ਹਰਪ੍ਰੀਤ ਆਦਿ ਤੋਂ ਇਲਾਵਾ ਵੱਡੀ ਗਿਣਤੀ ‘ਚ ਸੰਗਤਾਂ ਹਾਜਰ ਸਨ।
ਕੈਪਸ਼ਨ- ਪਿੰਡ ਡੁਮੇਲੀ ਵਿਖੇ ਕਰਵਾਏ ਗਏ ਸਮਾਗਮ ਦੌਰਾਨ ਮਹੰਤ ਸੁਰਿੰਦਰ ਸਿਆਣ ਮਹਾਂ ਮਾਈ ਦੀ ਮਹਿਮਾਂ ਦਾ ਗੁਣ ਗਾਣ ਕਰਦੇ ਹੋਏ ਅਤੇ ਧਰਮ ਦੇਵਾ ਜੀ ਸਮੂਹ ਸੰਗਤਾਂ ਨੂੰ ਅਸ਼ੀਰਵਾਦ ਦਿੰਦੇ ਹੋਏ l