ਗੜ੍ਹਦੀਵਾਲਾ (ਚੌਧਰੀ) 

27 ਮਾਰਚ : ਅੱਜ ਬਾਲ ਵਾਟਿਕਾ ਸਕੂਲ ਦੇ ਮੈਨੇਜਿੰਗ ਡਾਇਰੈਕਟਰ ਨਰੇਸ਼ ਡਡਵਾਲ, ਡਾਇਰੈਕਟਰ ਮੈਡਮ ਰਿੰਪੀ ਡਡਵਾਲ ਅਤੇ ਸਕੂਲ ਦੇ ਮੁੱਖ ਅਧਿਆਪਕਾ ਮੈਡਮ ਸੁਖਜਿੰਦਰ ਕੌਰ ਦੀ ਅਗਵਾਈ ਹੇਠਾਂ ਸਕੂਲ ਦੇ ਨਵੇਂ ਸੈਸ਼ਨ ਦੇ ਸ਼ੁੱਭ ਆਰੰਭ ਲਈ ਸਰਸਵਤੀ ਪੂਜਾ ਰਖਵਾਈ ਗਈ। ਸਰਸਵਤੀ ਦੇਵੀ ਨੂੰ ਗਿਆਨ ਦੀ ਦੇਵੀ ਵੀ ਕਿਹਾ ਜਾਂਦਾ ਹੈ। ਇਸ ਲਈ ਅਧਿਆਪਿਕਾਂ ਨੇ ਵਿਦਿਆਥੀਆਂ ਨੂੰ ਸਰਸਵਤੀ ਪੂਜਾ ਬਾਰੇ ਵਿਸਥਾਰਪੂਰਵਕ ਸਮਝਾਇਆ।ਇਸ ਪੂਜਾ ਨੂੰ ਕਰਨ ਲਈ ਫਤਿਹਪੁਰ ਦੇ ਪੰਡਿਤ ਸੰਜੇ ਕੁਮਾਰ ਝਾ ਨੂੰ ਬੁਲਾਇਆ ਗਿਆ। ਸਵੇਰ 9 ਵਜੇ ਤੋਂ ਲੈ ਕੇ 11 ਵਜੇ ਤੱਕ ਸਰਸਵਤੀ ਪੂਜਾ ਕੀਤੀ ਗਈ। ਪੂਜਾ ਅਸਥਾਨ ਨੂੰ ਬਹੁਤ ਹੀ ਸੋਹਣੇ ਢੰਗ ਨਾਲ ਸਜਾਇਆ ਗਿਆ।ਪੂਜਾ ਸਮਾਪਤੀ ਤੋਂ ਬਾਅਦ ਵਿਦਿਆਰਥੀਆਂ ਅਤੇ ਸਮੂਹ ਸਟਾਫ ਲਈ ਪ੍ਰਸਾਦ ਅਤੇ ਅੰਨ-ਜਲ ਦੀ ਵੀ ਪੂਰੀ ਵਿਵਿਸਥਾ ਕੀਤੀ ਗਈ। ਇਸ ਤਰ੍ਹਾਂ ਸਰਸਵਤੀ ਪੂਜਾ ਦੀ ਬਹੁਤ ਹੀ ਚੰਗੇ ਤੇ ਸ਼ਾਂਤਮਈ ਢੰਗ ਨਾਲ ਸਮਾਪਤੀ ਹੋਈ ਅਤੇ ਕਾਮਨਾ ਕੀਤੀ ਗਈ ਕਿ ਸਕੂਲ ਦਿਨ ਦੁਗਣੀ , ਰਾਤ ਚੌਗੁਣੀ ਤਰੱਕੀ ਕਰੇ।