ਹੁਸ਼ਿਆਰਪੁਰ (PPT NEWS)
12 ਮਾਰਚ : ਪੁਲਿਸ ਚੌਕੀ ਕੋਟਫਤੂਹੀ ਵਲੋਂ ਨਸ਼ਿਆਂ ਖਿਲਾਫ਼ ਵਿੱਢੀ ਮੁਹਿੰਮ ਤਹਿਤ ਦੋ ਨੌਜਵਾਨਾਂ ਨੂੰ ਕਾਬੂ ਕਰਕੇ ਉਨ੍ਹਾਂ ਦੇ ਕਬਜ਼ੇ ਵਿੱਚੋਂ ਇੱਕ ਬਿਨਾਂ ਕਾਗਜਾਤ ਡਿਸਕਵਰ ਮੋਟਰਸਾਇਕਲ ਸਮੇਤ 40 ਗ੍ਰਾਮ ਹੈਰੋਇਨ ਨੁਮਾ ਪਦਾਰਥ ਬਰਾਮਦ ਕੀਤਾ ਗਿਆ। ਮੁਲਜ਼ਮਾਂ ਦੀ ਪਛਾਣ ਮਨੀਸ਼ ਕੁਮਾਰ ਉਰਫ ਮਨੀ ਪੁੱਤਰ ਸੁਰਿੰਦਰ ਪਾਲ ਵਾਸੀ ਪਿੰਡ ਕੋਟਫਤੂਹੀ ਥਾਣਾ ਮਾਹਿਲਪੁਰ ਕੋਲੋ 21 ਗ੍ਰਾਮ ਅਤੇ ਕਰਨ ਪੁੱਤਰ ਸ਼ਿਵ ਦੱਤ ਵਾਸੀ ਪਿੰਡ ਕੋਟਫਤੂਹੀ ਬਾਲਮੀਕ ਮੁਹੱਲਾ ਥਾਣਾ ਮਾਹਿਲਪੁਰ ਵਜੋਂ ਹੋਈ ਹੈ।
ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਐਸ.ਆਈ. ਬਲਜਿੰਦਰ ਸਿੰਘ ਇੰਚਾਰਜ ਪੁਲਿਸ ਚੌਕੀ ਕੋਟਫਤੂਹੀ ਨੇ ਦੱਸਿਆ ਕਿ ਸਾਥੀ ਕਰਮਚਾਰੀਆਂ ਦੇ ਨਾਲ ਗਸ਼ਤ ਦੌਰਾਨ ਰਕਬਾ ਭਗਤੂਪੁਰ ਮੰਡੀ ਕੋਟਫਤੂਹੀ ਰੋਡ ਤੋਂ ਬਿਨਾਂ ਕਾਗਜਾਤ ਡਿਸਕਵਰ ਮੋਟਰਸਾਇਕਲ ਨੰਬਰ ਪੀ.ਬੀ.-07- ਐਸ.-4360 ਤੇ ਸਵਾਰ ਦੋ ਨੌਜਵਾਨਾਂ ਮਨੀਸ਼ ਕੁਮਾਰ ਉਰਫ ਮਨੀ ਪੁੱਤਰ ਸੁਰਿੰਦਰ ਪਾਲ ਵਾਸੀ ਪਿੰਡ ਕੋਟਫਤੂਹੀ ਥਾਣਾ ਮਾਹਿਲਪੁਰ ਕੋਲੋ 21 ਗ੍ਰਾਮ ਅਤੇ ਕਰਨ ਪੁੱਤਰ ਸ਼ਿਵ ਦੱਤ ਵਾਸੀ ਪਿੰਡ ਕੋਟਫਤੂਹੀ ਬਾਲਮੀਕ ਮੁਹੱਲਾ ਥਾਣਾ ਮਾਹਿਲਪੁਰ ਕੋਲੋ 19 ਗ੍ਰਾਮ ਹੈਰੋਇਨ ਨੁਮਾ ਪਦਾਰਥ ਬਰਾਮਦ ਕਰਕੇ ਉੱਕਤ ਦੋਵਾਂ ਖਿਲਾਫ਼ ਐਨ.ਡੀ.ਪੀ.ਐਸ ਐਕਟ ਤਹਿਤ ਮਾਮਲਾ ਦਰਜ਼ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ। .
