ਬਟਾਲਾ (ਸੰਜੀਵ ਨੈਅਰ / ਅਵਿਨਾਸ਼ ਸ਼ਰਮਾ)
21 ਫਰਵਰੀ : ਬਟਾਲਾ ਨੂੰ ਪੂਰਨ ਤੌਰ ਤੇ ਜਿਲਾ ਬਣਾਉਣ ਦੀ ਮੰਗ ਪਿਛਲੇ ਲੰਬੇ ਸਮੇਂ ਤੋਂ ਚਲੀ ਆ ਰਹੀ ਹੈ ਜਿਸਦੇ ਚਲਦੇ ਸਮਾਜ ਸੇਵੀ ਅਤੇ ਰਾਜਨੀਤਕ ਸੰਸਥਾਵਾ ਵਲੋਂ ਬਟਾਲਾ ਨੂੰ ਜਿਲਾ ਬਨਾਉਣ ਦੀ ਮੰਗ ਉਠਾਉਂਦੇ ਹੋਏ ਸ਼ਹਿਰ ਅੰਦਰ ਰੋਸ ਮਾਰਚ ਕੱਢਦੇ ਹੋਏ ਬਟਾਲਾ ਐਸ ਡੀ ਐਮ ਦਫਤਰ ਸਾਹਮਣੇ ਧਰਨਾ ਪ੍ਰਦਰਸ਼ਨ ਕਰਦੇ ਹੋਏ ਸਰਕਾਰ ਦੇ ਨਾਮ ਆਪਣਾ ਮੰਗ ਪੱਤਰ ਸ਼ੋਪਿਆ ਗਿਆ।
ਇਸ ਮੌਕੇ ਸੁਰਿੰਦਰ ਸਿੰਘ ਕਲਸੀ, ਵਿਜੇ ਤ੍ਰੇਹਨ,ਮਦਨ ਲਾਲ ਪ੍ਰਦਰਸ਼ਨਕਾਰੀਆਂ ਨੇ ਕਿਹਾ ਕਿ ਬਟਾਲਾ ਅਧੀਨ ਪੰਜ ਵਿਧਾਨ ਸਭਾ ਪੈਂਦੇ ਹਨ ਬਟਾਲਾ ਦਾ ਆਪਣਾ ਪੁਲਿਸ ਐਸ ਐਸ ਪੀ ਦਫਤਰ ਸਮੇਤ ਐਸ ਡੀ ਐਮ ਦਫਤਰ ,,ਤਹਿਸੀਲ ਦਫਤਰ ਅਤੇ ਬਟਾਲਾ ਨਗਰ ਨਿਗਮ ਦਫਤਰ ਵੀ ਹੈ ਜਿਲਾ ਬਨਾਉਣ ਲਈ ਜਿੰਨੀ ਜਨਸੰਖਿਆ ਦੀ ਸ਼ਰਤ ਹੁੰਦੀ ਹੈ ਬਟਾਲਾ ਉਹ ਸ਼ਰਤ ਵੀ ਪੂਰੀ ਕਰਦਾ ਹੈ ਪਰ ਫਿਰ ਵੀ ਬਟਾਲਾ ਨੂੰ ਜਿਲਾ ਨਹੀਂ ਬਣਾਇਆ ਜਾ ਰਿਹਾ ਜਦਕਿ ਸਾਰੀਆਂ ਰਾਜਨੀਤਕ ਪਾਰਟੀਆਂ ਦੇ ਨੁਮਾਇੰਦਿਆਂ ,ਐਮ ਐਲ ਏ ਅਤੇ ਮੰਤਰੀਆਂ ਨੇ ਵੀ ਬਟਾਲਾ ਨੂੰ ਜਿਲਾ ਬਣਾਉਣ ਦੇ ਲਈ ਆਪਣੀ ਆਵਾਜ ਬੁਲੰਦ ਕੀਤੀ ਸੀ ਪਰ ਹੁਣ ਇਹ ਮੰਗ ਠੰਡੇ ਬਸਤੇ ਵਿਚ ਪੈਂਦੀ ਨਜਰ ਆ ਰਹੀ ਹੈ ਬਟਾਲਾ ਇਤਿਹਾਸਿਕ ਸ਼ਹਿਰ ਵੀ ਹੈ ਨਾਲ ਹੀ ਪ੍ਰਦਰਸ਼ਨਕਾਰੀਆਂ ਨੇ ਕਿਹਾ ਕਿ ਜਦੋ ਤਕ ਬਟਾਲਾ ਨੂੰ ਜਿਲਾ ਨਹੀਂ ਬਣਾਇਆ ਜਾਂਦਾ ਤਦ ਤਕ ਇਹ ਸੰਘਰਸ਼ ਜਾਰੀ ਰੱਖਿਆ ਜਾਵੇਗਾ।
