ਬਟਾਲਾ (ਅਵਿਨਾਸ ਸ਼ਰਮਾ )

ਸ੍ਰੀਮਾਨ ਮਹੰਤ ਰਾਮ ਸੁੰਦਰ ਦਾਸ ਜੀ ਨੇ ਦਿੱਤਾ ਸੰਗਤਾਂ ਨੂੰ ਅਸ਼ੀਰਵਾਦ

ਜੈ ਸ੍ਰੀ ਬਾਵਾ ਲਾਲ ਦਿਆਲ ਜੀ ਦੇ ਜੈਕਾਰਿਆਂ ਨਾਲ ਗੂੰਜਿਆ ਧਿਆਨਪੁਰਧਾਮ

23 ਜਨਵਰੀ : ਸਥਾਨਕ ਪ੍ਰਾਚੀਨ ਇਤਿਹਾਸਕ ਧਿਆਨਪੁਰਧਾਮ ਦੇ ਮੋਜੂਦਾ ਸ੍ਰੀਮਾਨ ਪੂਜਨੀਕ ਮਹਾਰਾਜ ਸ੍ਰੀ ਰਾਮ ਸੁੰਦਰ ਦਾਸ ਜੀ ਦੇ ਅਸ਼ੀਰਵਾਦ ਸਦਕਾ ਹਰ ਸਾਲ ਦੀ ਤਰ੍ਹਾਂ ਐਦਕੀ ਵੀ ਪਰਮਤਪੱਸਵੀ,ਯੋਗੀਰਾਜ ਸ੍ਰੀ ਬਾਵਾ ਲਾਲ ਦਿਆਲ ਜੀ ਦਾ 668ਵਾਂ ਅਵਤਾਰ ਦਿਵਸ ਦਰਬਾਰ ਸਰੀ ਧਿਆਨਪੁਰਧਾਮਵਿੱਚ ਬਹੁਤ ਹੀ ਸ਼ਰਧਾ ਭਾਵਨਾ ਨਾਲ ਇਲਾਕੇ ਦੀ ਸਮੂਹ ਸਾਧ ਸੰਗਤ ਤੇ ਸੇਵਾਦਾਰਾਂ ਦੇ ਸਹਿਯੋਗ ਨਾਲ ਮਨਾਇਆ ਗਿਆ। ਸੰਗਤਾਂ ਨੇ ਪੂਜਨੀਕ ਮਹਾਰਾਜ ਸ੍ਰੀ ਰਾਮ ਸੁੰਦਰ ਦਾਸ ਜੀ ਕੋਲੋਂ ਅਸ਼ੀਰਵਾਦ ਲਿਆ। ਇਸ ਸਬੰਧੀ ਹੋਰ ਜਾਣਕਾਰੀ ਦੇਂਦਿਆਂ ਮਹਾਰਾਜ ਜੀ ਦੇ ਸ਼ਿਸ਼ ਗੋਪਾਲ ਦਾਸ, ਦਰਬਾਰ ਦੇ ਮੁੱਖ ਸੇਵਾਦਾਰ ਬਾਊ ਜਗਦੀਸ਼ ਰਾਜ ਜੀ,ਨੰਦੀ ਜੀ ਨੇ ਦੱਸਿਆ ਕਿ ਪੂਜਨੀਕ ਮਹਾਰਾਜ ਮਹੰਤ ਰਾਮ ਸੁੰਦਰ ਦਾਸ ਜੀ ਦੇ ਅਸ਼ੀਰਵਾਦ ਸਦਕਾ ਦਰਬਾਰ ਵਿੱਚ ਭਾਰਤ ਦੇ ਕੋਨੇ ਕੋਨੇ ਤੋਂ ਸੰਗਤਾਂ ਹਾਜ਼ਰ ਹੋ ਰਹੀਆਂ ਹਨ ਉਥੇ ਵਿਦੇਸ਼ਾਂ ਤੋਂ ਵੀ ਸੰਗਤ ਨਤਮਸਤਕ ਹੋ ਰਹੀਆਂ ਹਨ। ਧਿਆਨਪੁਰ ਦੇ ਵਾਸੀਆਂ ਵੱਲੋਂ ਥਾਂ ਥਾਂ ਲੰਗਰ ਲਾਏ ਗਏ ਤੇ ਅੱਜ ਪ੍ਰਕਾਸ਼ ਪੁਰਬ ਵਾਲੇ ਦਿਨ ਸ੍ਰੀ ਬਾਵਾ ਲਾਲ ਜੀ ਦੀ ਸੁੰਦਰ ਪਾਲਕੀ ਸਜਾਈ ਗਈ ਜੋ ,ਧਿਆਨਪੁਰ ਦੇ ਬਜ਼ਾਰਾਂ ਵਿੱਚੋਂ ਹੁੰਦੀ ਹੋਈ ਮੰਦਰ ਦੇ ਬਾਹਰ ਇੱਕ ਖੁੱਲ੍ਹੇ ਪੰਡਾਲ ਵਿੱਚ ਪਹੁੰਚੀ। ਜਿਥੇ ਵੱਖ ਵੱਖ ਭਜਨ ਮੰਡਲੀਆਂ ਵੱਲੋਂ ਬਾਵਾ ਲਾਲ ਜੀ ਦੀ ਮਹਿਮਾ ਦਾ ਗੁਣਗਾਨ ਕੀਤਾ ਗਿਆ।। ਇਸ ਤੋਂ ਬਾਅਦ ਸ਼ਹਿਰ ਦੀ ਪ੍ਰਕਰਮਾਂ ਕਰਦੀ ਹੋਈ ਸੰਗਤ ਵਾਪਸ ਮੰਦਰ ਵਿਖੇ ਪਹੁੰਚੀ।ਰਸਤੇ ਵਿਚ ਸੰਗਤਾਂ ਵੱਲੋਂ ਲੰਗਰ ਦੇ ਪ੍ਰਬੰਧ ਵੀ ਕੀਤੇ ਗਏ।ਸਤਿਗੁਰ ਸ੍ਰੀ ਬਾਵਾ ਲਾਲ ਦਿਆਲ ਜੀ ਦੇ ਜਨਮ ਦਿਹਾੜੇ ਦੀ ਖੁਸ਼ੀ ਵਿੱਚ ਮੰਦਿਰ ਵਿੱਚ ਦੀਪਮਾਲਾ ਕੀਤੀ ਗਈ ਤੇ ਆਤਿਸ਼ਬਾਜ਼ੀ ਵੀ ਚਲਾਈ ਗਈ।ਦਰਬਾਰ ਵਿੱਚ ਆਰਤੀ ਵੀ ਕੀਤੀ ਗਈ ਤੇ ਜਨਮ ਦਿਹਾੜੇ ਦੀ ਖੁਸ਼ੀ ਵਿੱਚ ਕੇਕ ਵੀ ਕੱਟਿਆ ਗਿਆ।ਇਸ ਮੌਕੇ ਕੁਲਦੀਪ ਰਾਜ,ਉਮਾ ਸ਼ੰਕਰ ਛੋਟੂ, ਦਿਨੇਸ਼ ਕੋਹਲੀ, ਮਾਸਟਰ ਕੈਲਾਸ਼ ਚੰਦਰ, ਅਮਿਤ ਕੁਮਾਰ, ਜਸਬੀਰ ਸਿੰਘ, ਅਸ਼ੋਕ ਕੁਮਾਰ,ਵਿਸ਼ਵ ਬੰਧੂ,ਮਨੋਜ ਕੁਮਾਰ, ਵਿਜੇ ਸੋਨੀ ਮੋਹਲੋਵਾਲੀ,ਪਰਮਸੁਨੀਲ ਸਿੰਘ ਲੱਡੂ,ਰਮਨ ਕੁਮਾਰ, ਕੁਲਦੀਪ ਪੱਪੂ, ਦਵਿੰਦਰ ਜਿੰਦ, ਬਿੱਟੂ ਲਾਲਾ, ਰਾਜੇਸ਼ ਕੁਮਾਰ,ਡਾ ਰਾਕੇਸ਼ ਕੁਮਾਰ ਭਾਗਾ, ਨਰਿੰਦਰ ਕੁਮਾਰ ਸੋਨੀ,ਫੱਲੀ ਭਾਰਦਵਾਜ,ਰਿੰਕੀ ਨੇਬ ਦਾ ਅਹਿਮ ਯੋਗਦਾਨ ਰਹੇਗਾ।