ਗੁਰਦਾਸਪੁਰ(ਅਸ਼ਵਨੀ)

2 ਜਨਵਰੀ – ਪੁਲਿਸ ਜਿਲ੍ਹਾ ਗੁਰਦਾਸਪੁਰ ਅਧੀਨ ਪੈਂਦੇ ਪੁਲਿਸ ਸਟੇਸ਼ਨ ਸਿਟੀ ਗੁਰਦਾਸਪੁਰ ਦੀ ਪੁਲਿਸ ਵਲੋ ਇਕ ਵਿਅਕਤੀ ਨੂੰ ਨਵੇਂ ਸਾਲ ਦੀ ਪਾਰਟੀ ਵਿੱਚ ਹਵਾਈ ਫ਼ਾਇਰ ਕਰਨ ਤੇ ਨਾਮਜ਼ਦ ਕੀਤਾ ਗਿਆ ਹੈ । ਸਹਾਇਕ ਸਬ ਇਂਸਪੈਕਟਰ ਗੁਰਮੁੱਖ ਸਿੰਘ ਨੇ ਦੱਸਿਆ ਕਿ ਉਹ ਪੁਲਿਸ ਪਾਰਟੀ ਸਮੇਤ ਗਸ਼ਤ ਕਰਦੇ ਹੋਏ ਪੁਰਾਣੀ ਦਾਣਾ ਮੰਡੀ ਮੋਜੂਦ ਸੀ ਕਿ ਮੁੱਖਬਰ ਖਾਸ ਨੇ ਸੂਚਨਾ ਦਿੱਤੀ ਕਿ ਬੀਤੀ ਰਾਤ ਨਵੇਂ ਸਾਲ ਦੀ ਪਾਰਟੀ ਜੋ ਬਰਿਆਰ ਬਾਈਪਾਸ ਤੇ ਏ ਐਫ ਸੀ ਹੋਟਲ ਵਿੱਚ ਚੱਲ ਰਹੀ ਸੀ ਜਿੱਥੇ ਕਾਫ਼ੀ ਲੋਕ ਮੋਜੂਦ ਸਨ ਅਤੇ ਡੀ ਜੇ ਚੱਲ ਰਿਹਾ ਸੀ ਤੇ ਲੋਕ ਨੱਚ ਗਾ ਰਹੇ ਸਨ ਤਾਂ ਉਸ ਸਮੇਂ ਸੁਖਵਿੰਦਰ ਸਿੰਘ ਉਰਫ ਸੁੱਖ ਵਾਹਲਾ ਵਾਸੀ ਹਰਦੋਬਥਵਾਲਾ ਨੇ ਰਿਵਾਲਵਰ ਨਾਲ ਹਵਾਈ ਫ਼ਾਇਰ ਕਰ ਦਿੱਤਾ ਜਿਸ ਕਾਰਨ ਪਾਰਟੀ ਵਿੱਚ ਡਰ ਤੇ ਦਹਿਸ਼ਤ ਦਾ ਮਾਹੋਲ ਬਣ ਗਿਆ ਤੇ ਹਫੜਾ ਤਫੜੀ ਮੱਚ ਗਈ ।