ਫਗਵਾੜਾ (ਲਾਲੀ ਦਾਦਰ )

8 ਦਸੰਬਰ : ਸੰਤ ਸਵਾਮੀ ਦਾਸ ਪਬਲਿਕ ਸਕੂਲ ਦੇ ਹੋਣਹਾਰ ਵਿਦਿਆਰਥੀ ਅਤੇ ਰਾਏਪੁਰ ਡੱਬਾ ਓਲੰਪਿਕ ਰੈਸਲਿੰਗ ਕਲੱਬ ਪਰਮ ਨਗਰ ਖੋਥੜਾਂ ਰੋਡ ਫਗਵਾੜਾ ਦੇ ਪਹਿਲਵਾਨ ਤੇਜਸ ਦਾ ਫਰੀਦਕੋਟ ਵਿਖੇ ਹੋਏ ਅੰਡਰ-14 ਫਰੀ ਸਟਾਇਲ ਮੁਕਾਬਲੇ ‘ਚ ਗੋਲਡ ਮੈਡਲ ਜਿੱਤ ਕੇ ਘਰ ਪਰਤਣ ਤੇ ਉਸਦੇ ਪਰਿਵਾਰਕ ਮੈਂਬਰਾਂ ਨੇ ਨਿੱਘਾ ਸਵਾਗਤ ਕੀਤਾ। ਇਸ ਦੌਰਾਨ ਪਹਿਲਵਾਨ ਤੇਜਸ ਦੇ ਦਾਦਾ ਕਲਿਆਣ ਸਿੰਘ ਡੱਡਵਾਲ, ਦਾਦੀ ਨੀਲਮ ਡੱਡਵਾਲ ਤੋਂ ਇਲਾਵਾ ਪਿਤਾ ਵਿਸ਼ਾਲ ਨੱਨ੍ਹਾ ਡੱਡਵਾਲ, ਮਾਤਾ ਜਯੋਤੀ ਡੱਡਵਾਲ, ਭੂਆ ਰੇਨੂੰ ਡੱਡਵਾਲ ਅਤੇ ਭੈਣ ਦਿਵਯਾਂਸ਼ੀ ਡੱਡਵਾਲ ਨੇ ਉਸਦਾ ਮੂੰਹ ਮਿੱਠਾ ਕਰਵਾਇਆ। ਸ੍ਰੀ ਕਲਿਆਣ ਸਿੰਘ ਡੱਡਵਾਲ ਨੇ ਕਿਹਾ ਕਿ ਉਹਨਾਂ ਨੂੰ ਆਪਣੇ ਪੋਤਰੇ ਤੇ ਮਾਣ ਹੈ। ਉਹਨਾਂ ਪਰਮਾਤਮਾ ਅੱਗੇ ਅਰਦਾਸ ਕੀਤੀ ਕਿ ਤੇਜਸ ਆਪਣੀ ਲਗਨ ਤੇ ਮਿਹਨਤ ਸਦਕਾ ਰਾਸ਼ਟਰੀ ਤੇ ਅੰਤਰਾਸ਼ਟਰੀ ਪੱਧਰ ਤੇ ਫਗਵਾੜਾ ਸ਼ਹਿਰ ਹੀ ਨਹੀਂ ਸਗੋ ਪੰਜਾਬ ਅਤੇ ਭਾਰਤ ਦਾ ਨਾਮ ਰੌਸ਼ਨ ਕਰੇ। ਉਹਨਾਂ ਪਹਿਲਵਾਨ ਤੇਜਸ ਨੂੰ ਮਿਆਰੀ ਕੋਚਿੰਗ ਦੇਣ ਲਈ ਸਾਬਕਾ ਇੰਟਰਨੈਸ਼ਨਲ ਕੁਸ਼ਤੀ ਕੋਚ ਅਤੇ ਪੰਜਾਬ ਰੈਸਲਿੰਗ ਐਸੋਸੀਏਸ਼ਨ ਦੇ ਵਿੱਤ ਸਕੱਤਰ ਪੀ.ਆਰ. ਸੋਂਧੀ, ਰਵਿੰਦਰ ਨਾਥ ਕੋਚ ਅਤੇ ਅਮਰੀਕ ਸਿੰਘ ਕੋਚ ਦਾ ਤਹਿ ਦਿਲੋਂ ਧੰਨਵਾਦ ਵੀ ਕੀਤਾ। ਪਹਿਲਵਾਨ ਤੇਜਸ ਨੇ ਕਿਹਾ ਕਿ ਉਹ ਹੋਰ ਮਿਹਨਤ ਕਰਦੇ ਹੋਏ ਵੱਡੇ ਕੁਸ਼ਤੀ ਮੁਕਾਬਲਿਆਂ ‘ਚ ਵੀ ਗੋਲਡ ਮੈਡਲ ਜਿੱਤ ਕੇ ਕੁਸ਼ਤੀ ਦੇ ਸਿਖਰਾਂ ਨੂੰ ਛੂਹਣ ਲਈ ਸਿਰ ਤੋੜ ਯਤਨ ਕਰੇਗਾ।