ਦਸੂਹਾ(PPT NEWS) 

24 ਨਵੰਬਰ : 5 ਹਜਾਰ ਰੁਪਏ ਦੀ ਰਿਸ਼ਵਤ ਲੈਂਦਿਆਂ ਇੱਕ ਪਟਵਾਰੀਆਂ ਨੂੰ ਵਿਜੀਲੈਂਸ ਦੀ ਟੀਮ ਨੇ ਦਸੂਹਾ ਤਹਿਸੀਲ ਕੰਪਲੈਕਸ ਤੋਂ ਕਾਬੂ ਕੀਤਾ ਹੈ।

ਮਿਲੀ ਜਾਣਕਾਰੀ ਅਨੁਸਾਰ ਕਸਬਾ ਦਸੂਹਾ ਵਿਖੇ ਵਿਜੀਲੈਂਸ ਵਿਭਾਗ ਨੇ ਸ਼ਿਕਾਇਤ ਕਰਤਾ ਯੋਗਰਾਜ ਸਿੰਘ ਦੇ ਹਵਾਲੇ ਨਾਲ ਜ਼ਮੀਨ ਦੇ ਇੰਤਕਾਲ ਨੂੰ ਲੈਕੇ ਪਟਵਾਰੀ ਲਖਬੀਰ ਸਿੰਘ ਨਾਲ ਰਾਫਤਾ ਕਾਇਮ ਕੀਤਾ ਤਾਂ ਪਟਵਾਰੀ ਲਖਵੀਰ ਸਿੰਘ ਨੇ ਇੰਤਕਾਲ ਲਈ 10 ਹਜ਼ਾਰ ਕਿ ਮੰਗ ਕੀਤੀ। ਜਿਸਦੀ ਸ਼ਿਕਾਇਤ ਯੋਗਰਾਜ ਸਿੰਘ ਨੇ ਵਿਜੀਲੈਂਸ ਵਿਭਾਗ ਨਾਲ ਸਾਂਝੀ ਕੀਤੀ ਅਤੇ ਵਿਭਾਗ ਨੇ ਅੱਜ ਰੰਗੇ ਹੱਥੀ ਪਟਵਾਰੀ ਲਖਵੀਰ ਸਿੰਘ ਨੂੰ 5 ਹਜਾਰ ਰੁਪਏ ਬਤੌਰ ਰਿਸ਼ਵਤ ਨਾਲ ਸਰਕਾਰੀ ਗਵਾਹਾਂ ਦੀ ਹਾਜਰੀ ਵਿੱਚ ਗ੍ਰਿਫਤਾਰ ਕੀਤਾ। ਇਸ ਸਬੰਧੀ ਡੀ ਐਸ ਪੀ ਵਿਜੀਲੈਂਸ ਮੁਨੀਸ਼ ਕੁਮਾਰ ਨੇ ਕਿਹਾ ਕਿ ਉਨ੍ਹਾਂ ਨੂੰ ਸ਼ਿਕਾਇਤ ਮਿਲੀ ਸੀ ਜਿਸਤੇ ਕਾਰਵਾਈ ਕਰਦਿਆਂ ਹੋਏ ਪਟਵਾਰੀ ਲਖਵੀਰ ਸਿੰਘ ਨੂੰ ਰੰਗੇ ਹੱਥੀ 05 ਹਜਾਰ ਰੁਪਏ ਦੀ ਰਿਸ਼ਵਤ ਲੈਂਦੇ ਗ੍ਰਿਫਤਾਰ ਕੀਤਾ ਹੈ ਅਤੇ ਕਾਨੂੰਨ ਮੁਤਾਬਿਕ ਬਣਦੀ ਕਾਰਵਾਈ ਕੀਤੀ ਜਾ ਰਹੀ ਹੈ।