ਪਠਾਨਕੋਟ (ਤਰੁਣ ਸਣਹੋਤਰਾ)
9 ਨਵੰਬਰ : ਸ. ਹਰਬੀਰ ਸਿੰਘ ਆਈ.ਏ.ਐਸ. ਜਿਲ੍ਹਾ ਮੈਜਿਸਟਰੇਟ ਪਠਾਨਕੋਟ ਵੱਲੋਂ ਹੁਕਮ ਜਾਰੀ ਕਰਦਿਆਂ ਕਿਹਾ ਕਿ ਮਾਨਯੋਗ ਗ੍ਰਹਿ ਮੰਤਰੀ ਭਾਰਤ ਹਿਮਾਚਲ ਪ੍ਰਦੇਸ ਦੋਰੇ ਦੋਰਾਨ ਜਿਲ੍ਹਾ ਪਠਾਨਕੋਟ ਅੰਦਰ ਦੋਰੇ ਨਾਲ ਸਬੰਧਤ ਖੇਤਰਾਂ ਅੰਦਰ ਡਰੋਨ ਗਤੀਵਿਧੀਆਂ ਤੇ ਪੂਰਨ ਪਬੰਧੀ ਲਗਾਈ ਗਈ ਹੈ।
ਹੁਕਮ ਜਾਰੀ ਕਰਦਿਆ ਸ. ਹਰਬੀਰ ਸਿੰਘ ਆਈ.ਏ.ਐਸ. ਜਿਲ੍ਹਾ ਮੈਜਿਸਟਰੇਟ ਪਠਾਨਕੋਟ ਨੇ ਦੱਸਿਆ ਕਿ 10 ਨਵੰਬਰ 2022 ਨੂੰ ਮਾਨਯੋਗ ਗ੍ਰਹਿ ਮੰਤਰੀ ਭਾਰਤ ਵਾਇਆ ਪਠਾਨਕੋਟ ਹੁੰਦਿਆਂ ਹਿਮਾਚਲ ਪ੍ਰਦੇਸ ਦੇ ਦੋਰੇ ਤੇ ਆ ਰਹੇ ਹਨ । ਉਨ੍ਹਾਂ ਦੇ ਹਿਮਾਚਲ ਪ੍ਰਦੇਸ ਦੋਰੇ ਨੂੰ ਮੁੱਖ ਰੱਖਦਿਆਂ, ਫੋਜਦਾਰੀ ਜਾਬਤਾ 1973 ਦੀ ਧਾਰਾ 144 ਅਧੀਨ ਪ੍ਰਾਪਤ ਅਧਿਕਾਰਾਂ ਦੀ ਵਰਤੋਂ ਕਰਦਿਆਂ ਹੋਇਆ 9 ਨਵੰਬਰ 2022 ਤੋਂ 10 ਨਵੰਬਰ 2022 ਤੱਕ ਏਅਰ ਫੋਰਸ ਸਟੇਸਨ ਦੇ ਆਲੇ ਦੁਆਲੇ ਅਤੇ ਰੂਟ ਪਲਾਨ ਏਅਰ ਫੋਰਸ ਸਟੇਸਨ ਪਠਾਨਕੋਟ ਤੋਂ ਕੰਡਵਾਲ ਬੈਰਿਅਰ, ਪੰਜਾਬ ਬਾਊਂਡਰੀ ਤੱਕ ਡਰੋਨ ਗਤੀਵਿਧੀਆਂ ਉਪਰ ਪੂਰਨ ਤੋਰ ਤੇ ਪਾਬੰਧੀ ਲਗਾਉਦਾ ਹਾਂ।
